BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

كەلەسى جىلى استانانىڭ قاي بولىكتەرىندە ۇيلەرگە گاز بەرىلەدى

ەلوردالىق اكىمدىكتە وتكەن ٴماسليحات بارىسىندا استانانى كەزەڭ-كەزەڭىمەن گازعا كوشىرۋ ماسەلەسى تالقىلاندى، دەپ حابارلايدى ۆaq.kz اقپارات اگەنتتىگى قالا اكىمدىگىنىڭ مەديا ورتالىعىنا سىلتەمە جاساپ.

قالانىڭ تابيعي رەسۋرستار جانە تابيعاتتى پايدالانۋدى رەتتەۋ باسقارماسىنىڭ باسشىسى مۇسا تانابايەۆتىڭ ايتۋىنشا، ول باسقاراتىن ۆەدومستۆو «استانا قالاسىندا قورشاعان ورتانى جاقسارتۋدىڭ 2017-2018 جىلدارعا ارنالعان كەشەندى شارالار جوسپارى» جوباسىن ىسكە اسىرۋعا كىرىسىپ كەتكەن.

«ۆەدومستو «global gaz group» جشس كومپانياسىنىڭ توپتارى ارقىلى جەكە تۇرعىن ٴۇي سەكتورى جانە ۇلكەن عيماراتتارعا كەزەڭ-كەزەڭىمەن گاز بەرۋ جۇمىستارىن جۇرگىزىپ جاتىر. العاشقى تۇتىنۋشىلاردىڭ ٴبىرى – نازاربايەۆ ۋنيۆەرسيتەتى. وعان «تۇران» ستانسياسىنان (ساعاتىنا 10 مىڭ كۋب) تومەندەتىلگەن تابيعي گاز بەرىلە باستادى. سونداي-اق، عارىش ورتالىعى مەن قورعانىس مينيسترلىگىنىڭ اكادەمياسىنا دا گاز جەتكىزۋ جۇمىستارى اياقتالدى. 2018 جىلدىڭ سوڭىنا دەيىن گاز تاسىمالدايتىن «تەلمان» ەكىنشى ستانسياسى ىسكە قوسىلادى. ول پريگورودنىي، تەلمان تۇرعىن ٴۇي الاپتارىن جانە «نۇرسۇلتان نازاربايەۆ» حالىقارالىق اۋەجايىنا گاز بەرەدى»، - دەدى تانابايەۆ.

ونىڭ اقپاراتىنا سايكەس، جەكەمەنشىك سەكتور تۇرعىندارى ٴۇيدى جىلىتۋ ٴۇشىن تەك كومىر عانا ەمەس، كولىك دوڭعالاقتارىن، رەزينالاردى جانە تاعى باسقا زياندى ماتەريالداردى وتىن رەتىندە پايدالانادى. قورشاعان ورتاعا زالال كەلتىرەتىن وسىنداي فاكتىلەردى انىقتاۋ ٴۇشىن ٴقازىر مۇددەلى مەملەكەتتىك ورگان وكىلدەرىنەن قۇرالعان ٴموبيلدى توپتار قۇرىلدى.

«بۇل استانا قالاسىن اباتتاندىرۋ قاعيدالارىنىڭ 15-تارماعىن بۇزۋ بولىپ ەسەپتەلەدى»، - دەپ ەسكەرتتى باسقارما باسشىسى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي