BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

قاراعاندىدا جىل باسىنان بەرى جول اپاتىنان 161 ادام قازا تاپقان

فوتو: интернеттен

قاراعاندى، baq.kz ٴتىلشىسى. ايماقتا جول كولىك وقيعاسى سالدارىنان قازا تاباتىندار مەن زارداپ شەگەتىندەردىڭ قاتارى ازايماي تۇر. وسى جىلدىڭ 10 ايىندا وبلىستا 457 جول كولىك وقيعاسى تىركەلىپ، ونىڭ سالدارىنان 161 ادام كوز جۇمىپ، 558 ادام جاراقات العان. وتكەن جىلمەن سالىستىرعاندا قازا بولعانداردىڭ سانى 36،4 پايىزعا ارتقان.

قاراعاندى وبلىستىق پوليسيا دەپارتامەنتىنىڭ مالىمەتىنشە، تاس جولداعى اپاتتاردىڭ كوپشىلىگى جەڭىل كولىك جۇرگىزۋشىلەرىنىڭ سالعىرتتىعىنان بولادى.

«جول كولىك وقيعالارىنىڭ كوپشىلىگى جىلدامدىقتى اسىرۋ، جولدىڭ قارسى بەتىنە شىعۋ، ىشىمدىك ىشكەن كۇيدە رۋلگە وتىرۋ سياقتى سەبەپتەردەن ورىن الادى»، - دەيدى قاراعاندى وبلىستىق پوليسيا دەپارتامەنتىنىڭ ٴباسپاسوز حاتشىسى باقىتجان قۇدياروۆ.

جۇرگىزۋشىلەردىڭ جول ەرەجەسىن ساقتاپ، جول اپاتتارىنىڭ سانىن ازايتۋ، ماقساتىندا 14-16 قاراشا ارالىعىندا قاراعاندى وبلىسىنىڭ اۋماعىندا رەسپۋبليكالىق جەدەل پروفيلاكتيكالىق «ٴقاۋىپسىز جول» شاراسى وتەدى. اكسيا اياسىندا جول-پاترۋلدىك پوليسياسىنا قۇقىق قورعاۋ ورگاندارىنىڭ باسقا بولىمدەرىنىڭ قىزمەتكەرلەرى دە كومەككە كەلەدى. بۇل كۇندەرى جەرگىلىكتى اتقارۋشى ورگان قىزمەتكەرلەرى مەن ترانسپورتتىق مەكەمە وكىلدەرى بىرلەسە قوعامدىق كولىك پەن جۇك كولىگى جۇرگىزۋشەلەرىنىڭ جول ەرەجەسىن بۇزۋ جاعدايلارىن انىقتايتىن بولادى.

«جول اپاتتارىنىڭ سانىن ازايتۋ ٴۇشىن ارنايى شارالار وتكىزۋدىڭ تيىمدىلىگى جوعارى ەكەنىن تاجىريبە كورسەتكەن. سوندىقتان دا جىل سايىن «ٴقاۋىپسىز جول» شاراسىن وتكىزەمىز. قاراعاندى وبلىسىنىڭ پوليسيا دەپارتامەنتى كولىك تىزگىندەگەن جۇرگىزۋشىلەر مەن جاياۋ جۇرگىنشىلەردەن جول ەرەجەسىن بۇزباۋلارىن سۇرايدى. جولداعى قاتەلىكتەر ٴسىز بەن باسقا دا ادامداردىڭ ومىرىنە ٴقاۋىپ توندىرەتىنىن ۇمىتپاڭىزدار»، - دەدى قۇدياروۆ.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

سسىلكي پو تەمە:
كوممەنتاريي