BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

قاراعاندىدا سويلەيتىن باعدارشام پايدا بولدى

فوتو: Автор

قاراعاندىنىڭ ورتالىق كوشەسى بۇقار جىراۋ داڭعىلىنىڭ بويىندا سويلەيتىن باعدارشام ورناتىلعان. جولدىڭ ادام كوپ وتەتىن بولىگىنە ورناتىلعان باعدارشامنىڭ پايداسى كوپ، دەپ جازادى baq.kz اگەنتتىگىنىڭ ايماقتاعى ٴتىلشىسى.

45 ورامدا ورناتىلعان باعدارشام جاياۋ جۇرگىنشىلەرگە جاسىل ٴتۇستى سيگنالدىڭ جانعانىن ايتىپ، xابار بەرەدى. بۇل جاڭاشىلدىق كوزى ناشار كورەتىن نەمەسە ٴتىپتى كورمەيتىن ادامدارعا ارنالعان.

«ارنايى باعدارشام ساتىپ الۋدىڭ قاجەتى جوق. ولار سويلەۋى ٴۇشىن جۇمىس ىستەپ تۇرعان باعدارشامدارعا سويلەۋشى-اقپاراتشى ورناتىلادى»، - دەيدى كوممۋنالدىق شارۋاشىلىق، جولاۋشىلار تاسىمالى جانە اۆتوموبيل جولدارى ٴبولىمى باسشىسىنىڭ مىندەتىن اتقارۋشى ەسكەندىر قابيدوللا.

قاراعاندىلىقتار بولسا جاڭاشىلدىققا ٴدان ريزا.

«ٴبىز سياقتى مۇگەدەكتەرگە جاعداي جاسالىپ جاتقاندا ارينە قۋانامىز. ٴوزىم وسى 45 ورامدا تۇرامىن. كوزىم كورمەيدى. جولدى كەسىپ وتەردە تۇرعىنداردان كومەك سۇرايتىن ەدىم. ەندى سويلەيتىن باعدارشامنىڭ ارقاسىندا ٴوزىم وتەتىن بولدىم»، - دەيدى قالا تۇرعىنى يبراگيم اسىلوۆ.

كوممۋنالدىق شارۋاشىلىق، جولاۋشىلار تاسىمالى جانە اۆتوموبيل جولدارى ٴبولىمى باسشىسىنىڭ مىندەتىن اتقارۋشى ەسكەندىر قابيدوللانىڭ ايتۋىنشا، سويلەيتىن باعدارشام قالانىڭ ازىرگە ٴبىر جەرىندە جۇمىس ىستەپ تۇر. باعدارشام جۇمىسى تيىمدىلىگىن كورسەتسە باسقا دا جەرلەرگە ورناتىلاتىن بولادى.

«سويلەۋشى-اقپاراتشى باعدارشام ٴوزىن جاقسى جاعىنان كورسەتسە قالانىڭ ادامدار كوپ جۇرەتىن جەرلەرىنە ورناتاتىن بولامىز. مۇنداي ٴبىر باعدارشامنىڭ قۇنى 240 مىڭ 176 تەڭگە»، - دەيدى ە. قابيدوللا.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي