BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

قاراعاندىدا ورتەنگەن مەكتەپتە وقۋ پروسەسى قالپىنا كەلتىرىلدى

قاراعاندىنىڭ وكتيابر اۋدانىندا ورنالاسقان №36 مەكتەپتە وقۋ بارىسى قايتا قالىپقا كەلتىرىلدى. 12 قىركۇيەك كۇنى ٴتىلسىز جاۋدان زارداپ شەككەن ٴبىلىم ورداسىندا 17 قىركۇيەكتەن باستاپ قايتادان ساباقتار وتكىزىلە باستاعان، دەپ حابارلايدى baq.kz ايماقتاعى ٴتىلشىسى.

قاراعاندى وبلىستىق ٴبىلىم باسقارماسىنىڭ جەتەكشىسى ەسەنعازى يمانعاليەۆتىڭ مالىمەتىنشە وتقا ورانعان مەكتەپ عيماراتىنىڭ شاتىرى جوندەلگەن.

«ٴورتتى ٴسوندىرۋ بارىسىندا زارداپ شەككەن كابينەتتەر قۇرعاتىلىپ، قالىپقا كەلتىرىلدى. دۇيسەنبى، 17 قىركۇيەكتەن باستاپ مەكتەپتە قايتادان ساباقتار باستالدى. ٴقازىر ماتەريالدىق شىعىننىڭ سوماسىن ساناپ جاتىرمىز. توتەنشە جاعدايلار قىزمەتكەرلەرى ٴورتتىڭ پايدا بولۋىنىڭ الدىن الا بولجامىن ايتتى. ولاردىڭ بولجامىنشا، مەكتەپتىڭ شاتىرىنداعى جارىق شامدارعا توك بەرەتىن سىمداردا تۇيىقتالۋ بولعان. ٴقازىر ٴبىز باسقا دا مەكتەپتەردە وسى سەكىلدى جايتتاردى انىقتاۋ جانە ولاردى ۋاقىتىندا شەشۋ ماقساتىندا تەكسەرىستەر جۇرگىزىپ جاتىرمىز، - دەدى ەسەنعازى يمانعاليەۆ.


ەسكە سالايىق، 12 قىركۇيەك كۇنى تۇندە قاراعاندىنىڭ №36 مەكتەبىندە ٴورت شىققانىن حابارلاعان بولاتىنبىز. قر ٴىىم توتەنشە جاعدايلار جونىندەگى كوميتەتتىڭ اقپاراتىنشا، 20.56-دا شاتىردىڭ اعاش قۇرىلىسىندا وت تۇتانعان.

سونىمەن قاتار، مەكتەپتىڭ ورتەنۋىنە بايلانىستى جەدەل شتاب قۇرىلدى. قالالىق ٴبىلىم بولىمىمەن شۇعىل تۇردە شارالار قولدانىلىپ، №36 مەكتەپتىڭ وقۋشىلارىن 13 قىركۇيەكتەن باستاپ كورشىلەس ورنالاسقان №17 مەكتەپتە وقىتۋ تۋرالى شەشىم شىعارىلعان.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي