قاراعاندىدا التىن وردا ٴداۋىرىنىڭ بىرەگەي جادىگەرلەرى تانىستىرىلدى - ايماق|20 جەلتوقسان 2018، 22:17
كۋرسى ۆاليۋت وبنوۆليايۋتسيا
استانا:

قاراعاندىدا التىن وردا ٴداۋىرىنىڭ بىرەگەي جادىگەرلەرى تانىستىرىلدى

فوتو: karaganda-region.gov.kz

استانا، baq.kz. قاراعاندىدا ۇلىتاۋ اۋدانىنداعى بولعان انا مازارىندا جۇرگىزىلگەن ارحەولوگيالىق قازبالار كەزىندە تابىلعان ارتەفاكتىلەر تانىستىرىلدى. مامانداردىڭ ۇسىنىسى بويىنشا، بىرەگەي جادىگەرلەر ٴحىىى عاسىرداعى التىن وردا داۋىرىنە جاتۋى مۇمكىن. بۇل تۋرالى قاراعاندى وبلىسى اكىمدىگىنىڭ رەسمي سايتى حابارلايدى.

ماتەريالدار اقش جانە جاپونيانىڭ عىلىمي ورتالىقتارىنا زەرتحانالىق ساراپتاماعا جىبەرىلگەن. ولاردىڭ ناتيجەلەرى بويىنشا ناقتى تاريحي كەزەڭى انىقتالادى.

«قازبا جۇمىستارى قازاندا جۇرگىزىلدى. جەرلەۋ بولعان انا مازارىنىڭ ورتالىق بولىگىندە بولعان. 2 مەتر 35 سانتيمەتر تەرەڭدىكتە ايەل ادامنىڭ سۇيەكتەرى تابىلعان. تاس تابىت، وكىنىشكە وراي، ۋاقىت وتە كەلە قيراپ قالعان. ونى قازۋ بارىسىندا سارى مەتاللدان، شامامەن التىننان جاسالعان توستاعان، اشەكەيلەر – سىرعا مەن شاشقا ارنالعان تۇيرەۋىش تابىلعان. سونداي-اق توزعان ماتا بولشەكتەرى – مۇمكىن، التىن جىپتەرى بار جىبەك جانە بىلعارى ەتىك تابىلدى»، - دەيدى ارحەولوگ، «حالىك كازىناسى» عزي جەتەكشى عىلىمي قىزمەتكەرى ايبار قاسەنالين.

ماماندار توستاعاننىڭ تۇبىندەگى ەرەكشە وبعان انازار اۋدارعان – ناقىشتاما قىزعالداق پىشىنىندە جاسالعان. نەگىزگى نۇسقا بويىنشا، قابىردە اسىل تۇقىمدى اۋلەتتەن شىققان ايەل جەرلەنگەن، ال تابىلعان ارتەفاكتتەر مەن بۇيىمداردىڭ تۇرلەرى يسلامعا دەيىنگى كەزەڭگە مەڭزەيدى.

سۇيەكتەردىڭ ۇلگىلەرىن ٴقازىر فلوريدا شتاتىندا (اقش) جانە جاپونيانىڭ ۇلتتىق ورتالىعىنىڭ زەرتحاناسىندا زەرتتەلىپ جاتىر. ساراپتاما ناتيجەسى جىلدىڭ سوڭىنا قاراي دايىن بوالدى.

«جوبا ماقساتى – ورتاعاسىرلىق مازاردى انتروپولوگيالىق تۇرعىدان زەرتتەپ، جەرلەۋ قاي كەزەڭدە جاسالعانى جانە جەرلەنگەن ايەلدىڭ دارەجەسى قانداي ەكەنىن دالەلدەۋ بولىپ تابىلادى. ٴبىز باس سۇيەگى بويىنشا بەتتىڭ ٴپىشىنىن قالىپقا كەلتىرۋدى جسوپارلاپ وتىرمىز»، - دەپ ٴتۇسىندىردى تاريحي-مادەني مۇرانى ساقتاپ قالۋ ورتالىعىنىڭ ديرەكتورى تۇلكىباي تولەۋوۆ.

اڭىزدارعا ساي، بولعان انا جوشى حاننىڭ جاقىن تۋىسى بولىپ كەلگەن. مازار ۇلىتاۋ اۋىلىنان وڭتۇستىك-شىعىسقا قاراي 60 شاقىرىم جەردە ورنالاسقان. ەسكەرتكىش xiii-xiv عاسىرلارعا جاتقىزىلادى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي