BAQ.kz - Қазақстан жаңалықтары USD 379.29 BAQ.kz - Қазақстан жаңалықтары EUR 426.4 BAQ.kz - Қазақстан жаңалықтары RUB 5.93
استانا:

قاراعاندى وبلىسىنىڭ بەس اۋىلىندا برۋسەللەز ىندەتى دەندەپ تۇر

فوتو: agupdate.com

جاڭاارقا اۋدانىنىڭ وزىندە عانا اۋرۋعا شالىققان سيىر سانى 250-گە جەتكەن. اۋىل تۇرعىندارى مالدى باۋىزداۋدىڭ ورنىنا ۆاكسيناسيا جاساۋدى تالاپ ەتۋدە، دەپ حابارلايدى baq.kz اقپارات اگەنتتىگى newtimes.kz سايتىنا سىلتەمە جاساپ.

اۋىل تۇرعىندارى از مولشەردەگى وتەماقى ٴۇشىن ىزالانادى، ٴتىپتى اۋرۋعا شالدىققان مالمەن قاتار ساۋ سيىردىڭ دا ٴولتىرىلىپ جاتقانىنا كۇدىكتەنەتىندەرى بار. ايجان ساناتوۆا اسىراپ وتىرعان بەس سيىردىڭ ۇشەۋىن الىپ كەتكەن. ول بولىنگەن وتەماقىعا ٴبىر سيىر دا ساتىپ الا المايتىنىن ايتتى.

«سيىرلارىمدى الىپ كەتتى، ۇشەۋى دە بۋاز بولعان. مەن سيىردى ٴبىرىنشى جىل باعىپ وتىرعان جوقپىن، ولاردىڭ اۋرۋ ەكەنىن بايقامادىم. ۆەتەرينارلار كەلىپ، قۇجاتتارىن بۇلعاڭداتادى. بىلتىرعى ساراپتاما بويىنشا برۋسەللەز انىقتالعانىن ايتادى. بۇل قانشالىقتى دۇرىس؟» - دەيدى ول.

بىلتىر برۋسەللەز سالدارىنان 187 باس سيىر باۋىزدالىپ، ولاردىڭ ەتى جاقىن جەردەگى ەت كومبيناتىنا وتكىزىلگەن. ونى دۇرىس وڭدەگەن جاعدايدا تاعام رەتىندە قولدانا بەرۋگە بولادى.

سوڭعى بىرنەشە جىلدا بۇل ۆيرۋس ٴىرى قارا مالداردى قىرىپ جاتىر. ٴبىراق سوڭعى ٴۇش جىلدا اۋرۋعا شالدىققان مال سانى تىم كوپ. جەرگىلىكتى شەنەۋنىكتەر سانيتارلىق جۇمىستار مەن سىنامالار بارلىق ەرەجەگە ساي جۇرگىزىلەتىنىن ايتادى. وتەماقى دا ۇسىنىلاتىن باعامەن تولەنەدى.

«ۆەتەرينارلىق ەرەجە بويىنشا، برۋسەللەز ەمدەلمەيدى، سوندىقتان سيىرلاردى باۋىزداۋعا تۋرا كەلەدى. زاڭ بويىنشا مالدىڭ اۋىرعانىن جاسىرعاندار جازالانادى. ەگەر ولاردى جاسىرىپ قالسا، ول اۋرۋىن تابىنعا جۇقتىرادى»، - دەيدى اۋىل اكىمى تۇگىسكەن ٴومىرعالي.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي