BAQ.kz - Қазақстан жаңалықтары USD 379.36 BAQ.kz - Қазақстан жаңалықтары EUR 424.47 BAQ.kz - Қазақстан жаңалықтары RUB 5.88
استانا:

قاراعاندى وبلىسىنىڭ اكىمى شاحتاعا ٴتۇستى

قاراعاندى وبلىسىنىڭ اكىمى ەرلان قوشانوۆ «كوستەنكو» اتىنداعى جەر استى شاحتاسىنا ٴتۇسىپ، كەنشىلەردىڭ ەڭبەك جاعدايىن جاقسارتۋ ماسەلەسىن تالقىلادى، دەپ حابارلايدى baq.kz اگەنتتىگىنىڭ ايماقتاعى ٴتىلشىسى.

ايماق باسشىسى «ارسەلورميتتال تەمىرتاۋ» كومپانياسىنا تيەسىلى «كوستانكو» اتىنداعى شاحتانىڭ كەنشىلەرىمەن جۇزبە-جۇز جەر استىندا كەزدەستى. وبلىس اكىمى شاحتەرلەردىڭ جاعدايى ۇنەمى مەملەكەت باسشىسىنىڭ نازارىندا ەكەنىن اتاپ ايتتى.

«2018 جىلدان باستاپ كومپانيا جەراستى جانە جەرۇستى جۇمىسشىلارىنىڭ ەڭبەك اقىسىن 33،55 پايىزعا جوعارىلاتقان. ٴوندىرىستى جاڭعىرتۋ، ماتەريالدىق-تەحنيكالىق جاعدايىن جاقسارتۋ، شاحتەرلەردىڭ قاۋىپسىزدىگىن قامتاماسىز ەتۋ شارالارىن جۇزەگە اسىرۋ جوسپارلانعان. اسىرەسە ەكولوگياعا ەرەكشە كوڭىل بولىنبەك. 4.0 يندۋستريا ستاندارتتارى قولدانىلادى دەپ جوسپارلانۋدا»، - دەدى ٴوڭىر باسشىسى ەرلان قوشانوۆ كەنشىلەرمەن جۇزدەسۋ كەزىندە.

پرەزيدەنت تاپسىرماسى بويىنشا 2018-2020 جىلدارى «ارسەللورميتتال تەمىرتاۋ» اق دامىتۋ جول كارتاسى قابىلداندى. قۇجاتقا قر ينۆەستيسيا جانە دامۋ ٴمينيسترى جەڭىس قاسىمبەك، قاراعاندى وبلىسىنىڭ اكىمى ەرلان قوشانوۆ، كومپانيانىڭ باس ديرەكتورى پارامجيت كالون قول قويدى.

جول كارتاسىندا «ارسەللورميتتال تەمىرتاۋ» ٴۇش جىل ىشىندە وندىرىستىك نىساندارعا قۇرىش، كومىر جانە كەن دەپارتامەنتتەرىنە 305 ملرد تەڭگە ينۆەستيسيا سالۋدى قاراستىرعان. 2018 جىلى - 100 ملرد، 2019 جىلى - 105 ملرد، 2020 جىلى - 100 ملرد تەڭگە قۇيىلماق. سالىستىرار بولساق، 2017 جىلى ينۆەستيسيا كولەمى 50 ملرد تەڭگەنى قۇراعان.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي