BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

قاراعاندىدا قىزمەت بابىندا قازا بولعان پوليسەيدى ەسكە الۋ ٴتۋرنيرى ٴوتتى

وسىمەن بىرنەشە جىل قاتارىنان قاراعاندى قالالىق ىشكى ىستەر باسقارماسى قىزمەتكەرلەرىنىڭ اراسىندا، قىزمەت بابىندا قازا بولعان قاراعاندى قالالىق ىشكى ىستەر باسقارماسى، قىلمىستىق ىزدەستىرۋ ٴبولىمىنىڭ جەدەل ۋاكىلى بولعان نۇرلان ساپۋان ۇلى بايعاسكيندى ەسكە الۋعا ارنالعان سپورتتىق ٴىس-شارالار وتۋدە، دەپ حابارلايدى baq.kz اقپارات اگەنتتىگى.

قاراعاندى قالالىق ىشكى ىستەر باسقارماسى، قىلمىستىق ىزدەستىرۋ ٴبولىمىنىڭ جەدەل ۋاكىلى، ميليسيا اعا لەيتەنانتى بايعاسكين نۇرلان ساپۋان ۇلى سوتۇستىك-قازاقستان وبلىسى، جامبىل اۋدانى، ارحانگەلسك اۋىلىندا دۇنيەگە كەلگەن. 1996 جىلدىڭ شىلدە ايىنان باستاپ ىشكى ىستەر ورگانىندا قىزمەتكە كەلگەن. 1998 جىلدىڭ قاراشا ايىندا قالاداعى پاتەرلەردىڭ بىرىندە بۇعان دەيىن ميليسيا قىزمەتكەرى رۋستام ماجيتوۆتى ولتىرگەن قىلمىسكەرلەردى ۇستاۋ وپەراسياسى ەنگىزىلىپ، ولاردى ۇستاۋ بارىسىندا كۇدىكتىلەرمەن ميليسيا قىزمەتكەرلەرى اراسىندا قارۋلى قاقتىعىس بولىپ، سونىڭ سالدارىنان نۇرلان بايعاسكين كوز جۇمسا، ونىڭ سەرىگى ريكولاي رەدچەنكو قىلمىسكەرلەرمەن قاقتىعىس بارىسىندا بىرەۋىن اتىپ ٴولتىرىپ، ەكىنشىسىن جارالاپ، ٴوزى دە وق جاراقاتتارىن العان.

قازاقستان رەسپۋبليكاسى پرەزيدەنتىنىڭ جارلىعىمەن «ازاماتتاردىڭ كونسيتۋتسيالىق قۇقتارىمەن بوستاندىقتارىن قورعاۋدا، ەرلىكپەن قايسارلىق تانىتىپ، قىزمەتتىك مىندەتتەرىن ادال اتقارعانى ٴۇشىن» نۇرلان بايعاسكين قازا بولعاننان كەيىن ٴىى دارەجەلى «ايبىن» وردەنىمەن ماراپاتتالدى. نۇرلان بايعاسكيننىڭ ەسىمى وبلىستىق ىشكى ىستەر دەپارتامەنتى اۋلاسىنداعى مەموريالدىق تاقتا تاسىنا جازىلىپ، ٴوزى تۇرعان ۇيگە ەسكەرتكىش تاقتاسى ورناتىلدى.

ەرلىكپەن قازا تاپقان قىزمەتكەردى ەسكە الۋعا ارنالعان سپورتتىق ٴىس-شاراعا قاراعاندى قالالىق ىشكى ىستەر باسقارماسىنا قاراستى پوليسيا بولىمدەرىنەن 9 كوماندا قاتىستى. جارىستىڭ اشىلۋ سالتاناتىندا ٴانۇران شىرقالىپ، قاتىسۋشى كوماندالارمەن قوناقتار قازا بولعان ٴتارتىپ ساقشىسىن ٴبىر مينۋتتىق ۇنسىزدىكپەن ەسكە الدى.

«ٴبىز قىزمەت اتقارۋ بارىسىندا، قابىلداعان انتىنا ادال بولىپ، قوعامدىق قاۋىپسىزدىكتى قاداعالاپ، اقتىق دەمى قالعانشا قىلمىسكەرلەرمەن كۇرەسىپ قازا بولعان ارىپتەستەرىمىزدى ۇمىتپايمىز. ولاردىڭ اتقارعان جۇمىستارىن كەلەشەك جاستارعا ۇلگى قىلۋ ٴبىزدىڭ مىندەتىمىز»، دەدى جارىستى سالتاناتتى تۇردە اشقان قاراعاندى قالالىق ىشكى ىستەر باسقارماسى باستىعىنىڭ ورىنباسارى پوليسيا پولكوۆنيگى ايدار ماحانبەتوۆ.

سونداي-اق، ەرىن ۇمىتپاي، ونىڭ ەرلىگىن ۇلىقتاپ، ەسكە الىپ جاتقان ٴتارتىپ ساقشىلارىنا نۇرلان بايعاسكيننىڭ جارى جانارگۇل بايعاسكينا دا العىسىن جەتكىزدى. جارىستىڭ قورىتىندىسى بويىنشا جەڭىمپاز كوماندالار قالالىق ىشكى ىستەر باسقارماسى باستىعىنىڭ گراموتالارى، العىس حاتتارى جانە باعالى سىيلىقتارىمەن ماراپاتتالدى.

ايتا كەتۋ كەرەك، قازاقستان رەسپۋبليكاسى تۇڭعىش پرەزيدەنتى مەرەكەسى قارساڭىندا، 1998 جىلدىڭ قاراشا ايىندا قاراعاندى قالاسىنىڭ قانت ورتالىعىندا بولعان قاراقشىلىق شابۋىل فاكتىسى بويىنشا شىنايى وقيعا جەلىسىمەن وبلىستىق ىشكى ىستەر دەپارتامەنتىنىڭ ٴباسپاسوز قىزمەتىمەن تۇسىرىلگەن «گوركيي ساحار» اتتى كوركەم ٴفيلمنىڭ تۇساۋى كەسىلگەن ەدى. اتالعان فيلمدە دە قىزمەت بابىندا قازا بولعان نۇرلان بايعاسكينمەن رۋستام ماجيتوۆتىڭ ەرلىگى باياندالادى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي