BAQ.kz - Қазақстан жаңалықтары USD 377.73 BAQ.kz - Қазақстан жаңалықтары EUR 428.53 BAQ.kz - Қазақстан жаңалықтары RUB 5.73
استانا:

ەسىرتكى الىپ شىققان جولاۋشى پويىزدان ٴتۇسىرىلدى

فوتو: шартты фото

استانا، baq.kz. سولتۇستىك شەكاراداعى پەتروپاۆل شەكارا وتريادىنىڭ «مامليۋتكا تەمىرجول» وتكىزۋ بەكەتىندە جەلتوقساننىڭ 14-نەن 15-نە قاراعان ٴتۇنى «قاراعاندا-ماسكەۋ» باعىتىنداعى № 83 پويىزدىڭ ۆاگوندارىنىڭ ٴبىرىنىڭ تامبۋرىنداعى قاعاز سالاتىن جاشىكشەدەن شەكاراشىلار سەلوفان دورباشاعا سالىنعان كىشكەنتاي عانا تۇيىنشەك تاۋىپ الدى.

«تۇيىنشەكتىڭ ىشىندەگى كەپتىرىلگەن وسىمدىك تەكتەس زاتتىڭ يىسىنەن ونىڭ ماريحۋانا ەسىرتكىسى ەكەندىگى توپشىلاندى. ٴارى قارايعى جۇمىس شەكاراشىلاردىڭ «كريت» اتتى قىزمەتتىك يتىنە تاپسىرىلدى. ول جەتەكشىلەرىن وسى ۆاگونداردىڭ كۋپەلەرىنىڭ بىرىنە قاراي باستاپ اكەلىپ، 34 جاستاعى قازاقستاندىق ازاماتتى تۇيىنشەكتىڭ يەسى دەپ «مەڭزەدى». ۇستالعان ازامات پويىزدان ٴتۇسىرىلىپ، پەتروپاۆلوۆسك بەكەتىنىڭ جەلىلىك پوليسيا بولىمىنە تاپسىرىلدى»، - دەپ حابارلادى قر ۇقك شق ٴباسپاسوز قىزمەتى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي