BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

ەرتىس ٴوڭىرىنىڭ ٴبىلىم نىساندارىندا قوسىمشا 3،5 مىڭ بەينەكامەرا ورناتىلادى

فوتو: Автор

پاۆلودار. baq.kz ٴتىلشىسى. ەلباسى نۇرسۇلتان نازاربايەۆتىڭ جولداۋىندا بالالاردىڭ قاۋىپسىزدىگىن قامتاماسىز ەتۋ ماقساتىنداعى تاپسىرمانى ورىنداۋ ٴۇشىن ەرتىس ٴوڭىرىنىڭ ٴبىلىم بەرۋ وشاقتارىندا قوسىمشا 3،5 مىڭ بەينەباقىلاۋ كامەراسى ورناتىلادى.

بۇل تۋرالى وبلىستىق ٴبىلىم بەرۋ باسقارماسىنىڭ وكىلدەرى حابارلادى. بالالار قاۋىپسىزدىگىن قامتاماسىز ەتۋ، بالاباقشالار مەن مەكتەپتەردە بەينەقاداعالاۋ كامەرالارىن ورناتۋ بويىنشا شارالار قابىلداۋ ماقساتىندا كەلەر جىلى پاۆلودار قالاسىنىڭ بارلىق بالاباقشالارى، مەكتەپتەرى مەن كوللەدجدەرىنىڭ ىشكى ٴۇي جايلارىنا، ەكىباستۇز جانە اقسۋ قالالارىندا قوسىمشا 3،5 مىڭنان اسا بەينەباقىلاۋ كامەرالارى ورناتىلماق.

پاۆلودار وبلىسىنىڭ ٴبىلىم بەرۋ وبەكتىلەرىنىڭ بارلىعى بەينەباقىلاۋ كامەرالارىمەن تولىق قامتىلعان. قازىرگى ۋاقىتتا 7859 بەينەباقىلاۋ كامەراسى جۇمىس ىستەپ تۇر، ونىڭ ىشىندە مەكتەپتەردە – 4149، مەكتەپكە دەيىنگى ٴبىلىم بەرۋ ۇيىمدارىندا – 2414، كوللەدجدەر مەن باسقا ٴبىلىم بەرۋ مەكەمەلەرىندە – 1296 بەينەباقىلاۋ كامەراسى ورناتىلدى.

«2019 جىلى پاۆلودار قالاسىنىڭ بارلىق بالاباقشالارى، مەكتەپتەرى مەن كوللەدجدەرىنىڭ ىشكى ٴۇي جايلارىنا، ەكىباستۇز جانە اقسۋ قالالارىندا قوسىمشا 3،5 مىڭنان اسا بەينەباقىلاۋ كامەرالارى ورناتىلادى. بۇل يگىلىككە 130 ملن. تەڭگە بولىنەدى. ال 2020 جىلى اۋىلدىق ٴبىلىم بەرۋ ۇيىمدارىنا 59 ملن تەڭگەگە 1600 قۇرال ورناتىلادى دەپ جوسپارلانۋدا»، - دەيدى سالا ماماندارى.

وبلىس ورتالىعىنداعى بالاباقشالاردىڭ بارلىعى بەينەباقيلاۋ جۇيەسىمەن قامتىلعان. ماسەلەن، №49 ساۋىقتىرۋ بالاباقشاسىنىڭ ٴىشى-سىرتىندا 29 كامەرا جۇمىس ىستەپ تۇر.

«ال عيماراتتىڭ سىرتىندا 11 كامەرا ورناتىلعان. بالاباقشا ساۋىقتىرۋ تيپىندەگى نىسان بولعاندىقتان، بالالاردىڭ قاۋىپسىزدىگى ٴبىرىنشى ورىنعا قويىلادى. وعان قوسا، ٴبىز تاۋلىك بويى جۇمىس ىستەيمىز. بالاباقشادا 106 ۇل-قىز تاربيەلەنسە، ولاردىڭ جارتىسى تاۋلىك بويى قالۋى مۇمكىن. سول سەبەپتى، كامەرالار بارلىق بولمەلەردە ورناتىلعان. بەينەجازبالار 30 كۇن بويى ساقتالادى. اتا-انالار كەز كەلگەن ۋاقىتتا كەلىپ، بالالارىنىڭ نە ىستەپ جاتقانىن كورە الادى»، - دەيدى بالاباقشا باسشىسى جانات سماعۇلوۆا.

ايتا كەتەيىك، وبلىستا 421 مەكتەپكە دەيىگى ۇيىم بار. بۇل نىسانداردا 40 مىڭعا جۋىق بالا تاربيەلەنەدى. 1-دەن 6 جاسقا دەيىنگى بالالاردى مەكتەپكە دەيىنگى تاربيە جانە وقىتۋمەن قامتۋ 77،7%-دى قۇرايدى، 2-دەن 3 جاسقا دەيىنگى بالالاردى قامتۋ كورسەتكىشى – 56،7%.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي