پاۆلودار. baq.kz ٴتىلشىسى. ەرتىس وڭىرىندە قۇرامىندا سىنابى بار ەلەكتر قۇرالدارىنىڭ 40 مىڭ داناسى جويىلدى. بۇل جۇمىس وبلىستا جاريالانعان «ەكولوگيا جىلى» جانە قر «ەنەرگيا ۇنەمدەۋ جانە ەنەرگيا تيىمدىلىگىن ارتتىرۋ تۋرالى» زاڭىنا سايكەس جۇرگىزىلۋدە.
استانا: 
2053 
0
پاۆلودار. baq.kz ٴتىلشىسى. ەرتىس وڭىرىندە قۇرامىندا سىنابى بار ەلەكتر قۇرالدارىنىڭ 40 مىڭ داناسى جويىلدى. بۇل جۇمىس وبلىستا جاريالانعان «ەكولوگيا جىلى» جانە قر «ەنەرگيا ۇنەمدەۋ جانە ەنەرگيا تيىمدىلىگىن ارتتىرۋ تۋرالى» زاڭىنا سايكەس جۇرگىزىلۋدە.
وبلىستىق جەر قويناۋىن پايدالانۋ، قورشاعان ورتا جانە سۋ رەسۋرستارى باسقارماسىنىڭ مامانى اڭسار الەشوۆتىڭ حابارلاۋىنشا، قۇرامىندا سىنابى بار شامدار مەملەكەتتىك مەكەمەلەردەن جينالعان.
«جانىپ كەتكەن ەنەرگيا ۇنەمدەگىش شامداردى جيناۋ سوڭعى سەگىز جىل ىشىندە جۇرگىزىلىپ كەلەدى. بۇل ىسپەن جەرگىلىكتى اتقارۋشى ورگاندار اينالىسادى. 2017 جىلعا دەيىن ٴبىر جىلدا 20 مىڭ دانا قۇرال جويىلسا، بۇگىنگى كورسەتكىش – 40 مىڭ. قۇرامىندا سىنابى بار قۇرالداردى جويۋعا جەرگىلىكتى بيۋدجەتتەن 2، 9 ملن. تەڭگە ٴبولىندى»، - دەيدى مامان.
كەلىسىمگە سايكەس زياندى مەتالى بار شامداردى جيناۋ جانە ودان ٴارى تەرمو-ۆاكۋۋم-كريوگەندى ٴادىس ارقىلى جويۋ قىزمەتىن مامانداندىرىلعان ۇيىم جۇرگىزەدى. كاسىپورىن قاراماعىنداعى ارنايى قۇرالدىڭ جىلدىق قۋاتتىلىعى 1 ملن. شامدى جويۋعا قاۋقارلى.
فوتو: اۆتور
بۇل رەتتە قورشاعان ورتاعا زيان كەلتىرىلمەيدى. مامانداردىڭ مالىمەتىنشە، بيىلىعى جىلدىڭ باسىنان بەرى 400 مىڭنان استام شام جويىلىپ، ناتيجەسىندە ٴۇش كەلى سىناپ پەن 20 تونناداي شىنى الىندى. ماتەريالدار قايتا وڭدەلىپ، كادەگە جاراتىلماق.
ايتا كەتەرلىگى، بۇگىندە وندىرىستىك ولكەنىڭ پوليگوندارىندا 5،2 ملن. توننا قوقىس جاتىر. تۇرعىندار كۇنبە كۇن شامامەن 700 توننا تۇرمىستىق قالدىقتى سىرتقا تاستايدى. وبلىستاعى قالالاردا سىرتقا تاستالاتىن قوقىستاردىڭ مورفولوگيالىق قۇرامى بىردەي كەلەدى. قاتتى تۇرمىستىق قالدىقتاردىڭ 30%-ى – ازىق-تۇلىك قالدىقتارى، 30%-ى قاعاز، 13%-ى پلاستيكالىق زاتتار، 5%-ى شىنى، 8%-ى مەتالل جانە 14%-ى وزگە قالدىقتار.
سالا ماماندارىنىڭ ايتۋىنشا، الداعى ۋاقىتتا وبلىستا قاتتى تۇرمىستىق قالدىقتاردى زاماناۋي تەحنولوگيالارمەن قايتا وڭدەۋ وڭ جولعا قويىلماق. كەلەشەكتە قوقىستى جويۋ بارىسىندا قورشاعان ورتاعا زيان كەلتىرمەيتىن جوبالار ازىرلەنەدى. سونىمەن قاتار، پوليگونداردى ەكولوگيالىق نورمالارعا سايكەستەندىرۋ جۇمىستارى قولعا الىنۋدا.
ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!
6547
0