BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

پاۆلودارلىق ديقاندار مامانداردى شەتەلدەن شاقىرۋعا ٴماجبۇر

استانا، baq.kz. پاۆلودار وبلىسىنىڭ شارۋا قوجالىقتارى دانەكەرلەۋشى، مەتالل جونۋشى، جانە تراكتورشىلار مەن كومباينشىلار سياقتى ماماندارعا ٴزارۋ، دەپ حابارلايدى pavlodarnews.kz.

بۇل تۋرالى «پاۆلودار» الەۋمەتتىك-كاسىپكەرلىك كورپوراسياسى اۋىل شارۋاشىلىعىن دامىتۋ ماسەلەلەرى جونىندەگى ٴبولىمىنىڭ باسشىسى ۆلاديمير بەركوۆسكيي جەتكىزدى.

ماسەلەنىڭ ۋشىققانى سونشالىق شارۋا قوجالىقتارى باسشىلارىنىڭ باسىم بولىگى جۇمىسكەرلەردى وزبەكستان، گرۋزيا مەن قىرعىزستاننان شاقىرۋعا ٴماجبۇر.

ۆلاديمير بەركوۆسكييدىڭ ايتۋىنشا، ٴاربىر اۋداندا كادرلاردى دايىنداۋمەن اينالىساتىن اگروتەحنيكالىق كوللەدجدەر جۇمىس ىستەيدى. الايدا ولار اۋىلدىڭ شىنايى قاجەتتىلىكتەرىن قاناعاتتاندىرا الماي وتىر ەكەن.

مامانداردى دايارلاۋدىڭ ساپاسىن ارتتىرۋ ماقساتىندا وبلىس اكىمىنىڭ باستاماسىمەن ەكى اۋىلدىق كوللەدج ٴىرى اۋىل شارۋاشىلىعى كاسىپورىندارىنا باسقارۋعا بەرىلگەن. ياعنيتەرەڭكول اگروتەحنيكالىق كوللەدجى «اگرو دامۋ» كومپانياسىنا، ال ەرتىس اۋداندىق كوللەدجى «ورازباي» شارۋا قوجالىعىنىڭ يەلىگىنە بەرىلىپتى.

«سونىمەن قاتار اگرارلىق كوللەدجدەردىڭ كراسنوارمەيكا اگرارلىق-تەحنيكالىق كوللەدجى جانىندا توپتاسۋى جالعاسۋدا. تەوريالىق وقىتۋ كراسنوارمەيكادا جۇرەدى دە، وندىرىستىك تاجىريبە اۋىل شارۋاشىلىعى كووپەراتيۆتەرىندە وتكىزىلەدى. بۇل شارۋاشىلىقتار ٴتيىستى تەحنيكامەن قامتاماسىزداندىرىلعان. سوندىقتان وسى ارقىلى مىقتى ماماندار دايارلاي الامىز، - دەيدى ۆلاديمير بەركوۆسكيي قازاقستان فەرمەرلەر وداعىنىڭ ەسەپ بەرۋ-سايلاۋ كونفەرەنسياسىندا.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي