BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

ەلوردادا كەلەسى جىلى بوتانيكالىق باق اشىلادى

فوتو: GARDENER.ru

استاناداعى بوتانيكالىق باقتىڭ قۇرىلىسى 2018 جىلدىڭ جازىندا اياقتالماق. بۇگىنگە دەيىن باقتا 33 مىڭنان استام اعاش وتىرعىزىلىپ، جاساندى سۋ قويماسى سالىنىپ، ۆەلو جانە جۇگىرۋگە ارنالعان جولدار سالىندى، دەپ حابارلايدى ۆaq.kz اقپارات اگەنتتىگى ەلوردا اكىمدىگىنىڭ مەديا ورتالىعىنا سىلتەمە جاساپ.

بۇگىن قالالىق ٴماسليحاتتىڭ كەزەكتى سەسسياسىندا «ەلوردادا ەكولوگيالىق قاۋىپسىزدىك پەن قورشاعان ورتانى قورعاۋدى قامتاماسىز ەتۋ شارالارى» تاقىرىبىندا بايانداما جاساعان استانا قالاسى اكىمىنىڭ ورىنباسارى قوسمان ايمۇحامەتوۆتىڭ مالىمەتىنشە، جوبا قۇنى - 23 ملرد تەڭگە.

«بوتانيكالىق باقتىڭ اۋدانى - 92 گەكتار. جوبانىڭ جالپى قۇنى – 23 ملرد تەڭگە، بۇل قارجىنىڭ 12 ملرد تەڭگەسى – جەكە ينۆەستيسيالار. قازىرگى تاڭدا باقتا 2 جىلىجاي بار. ولاردىڭ بىرەۋىندە تروپيكالىق وسىمدىكتەردىڭ 40-تان استام ٴتۇرى، ەكىنشىسىندە – ٴشولدى جەردەگى وسىمدىكتەردىڭ 40 ٴتۇرى وسىرىلۋدە. نىساننىڭ قۇرىلىسى 2018 جىلدىڭ ورتاسىندا اياقتالادى دەپ جوسپارلاپ وتىرمىز»، - دەدى قوسمان ايمۇحامەتوۆ.

مۇنىمەن قوسا، قازىرگى تاڭدا استانادا وزەن جاعاسىنىڭ ماڭىنداعى ساياباق سالىنىپ جاتىر. ونىڭ اۋدانى 141 مىڭ شارشى مەتر بولادى. وندا 10 مىڭنان استام جاپىراقتى جانە قىلقان جاپىراقتى اعاش وتىرعىزىلادى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي