BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

ەكىباستۇزدا 4،5 ملرد تەڭگەگە سالىنعان عيمارات تونالدى، قايتا جوندەۋگە وسىنشا اقشا كەرەك

فوتو: Автор

ەكىباستۇز قالاسىندا قۇرىلىسىنا 4،5 ملرد تەڭگە جۇمسالعان وقۋ ورتالىعى قيراپ، تونالىپ جاتىر، دەپ حابارلايدى baq.kz اگەنتتىگىنىڭ وڭىردەگى ٴتىلشىسى.

ٴاۋ باستا ٴبىلىم بەرۋ وشاعى وتاندىق وتىن-ەنەرگەتيكاسىنا قاجەت مامانداردى دايارلاۋعا ارنالىپ سالىنعان بولاتىن. بۇل جەردە 700 ستۋدەنت ٴبىلىم الىپ، وسى سالاداعى مامان تاپشىلىعىن جويادى دەگەن وي بولعان. دەسە دە، سالالىق مينيسترلىك وكىلدەرىنىڭ ارمانى ورىندالمادى. بۇگىندە وقۋ كورپۋستارى قاڭىراپ جاتىر. اۋماقتا كۇزەتشىلەردەن باسقا ٴتىرى جان جوق.

«وسى وقۋ ورتالىعىن جاعالاپ، قاڭىراپ جاتقان عيماراتتاردى كۇزەتىپ جۇرگەنىمە بەس جىل بولدى. ٴبىز كۇندىز كۇزەتەمىز، ال تۇندە قارايتىن ادام جوق. تۇنگى قىزمەتكەر بۇگىن عانا بەرىلدى. وسىنداي الىپ قۇرىلىس اياقتالىپ تۇرىپ، قولدانىسقا بەرىلمەگەنى جۇرەكتى اۋىرتادى. وبال عوي. ەكىباستۇز قالاسىنىڭ تۋماسى بولعاندىقتان، شاھارىمىزدا وسىنداي ٴبىلىم وشاعى بولۋدى ارماندايمىن. قولعا الىنباسا، كورپۋستاردىڭ بارلىعى تونالىپ كەتەدى»، - دەيدى كۇزەتشى نۇرجان بالعابايەۆ.

ەسكە سالا كەتسەك، ساقالدى نىسان قۇرىلىسى 2006 جىلى باستالعان. 15 كورپۋستىق ايماقارالىق كەشەندى سالۋعا مەملەكەت بيۋدجەتىنەن 4،5 ميلليارد تەڭگە جۇمسالدى. وسىدان التى-جەتى جىل بۇرىن وقۋ ورتالىعى اشىلۋعا ساقاداي ساي بولعان. جوبالاۋ بارىسىنداعى كەمشىلىكتەردىڭ سالدارىنان ٴبىلىم بەرۋ مەكەمەسىنىڭ قۇرىلىسى ٴالى كۇنگە دەيىن اياقتالعان جوق. ياعني، قۇرىلىسشىلاردىڭ سالعىرتتىعىنان عيماراتتىڭ جەرتولەسىن سۋ باستى. نىسان باتپاقتىڭ ۇستىنە سالىنعانى انىقتالدى. جاۋاپتى كومپانيا درەناج جۇيەسىن سالۋدى ەسكەرمەگەن بولىپ شىقتى.

بۇل قاتەلىكتەردىڭ بارلىعى جويىلىپ، ورتالىق قالپىنا كەلتىرىلەدى دەگەن اڭگىمەلەر دە بولعان. جەرگىلىكتى اكىمدىك وكىلدەرىنىڭ ەسەپتەۋىنشە، عيماراتتاردى قالىپقا كەلتىرۋگە 4 ملرد تەڭگە قاجەت.

«جوبالىق-سمەتالىق قۇجاتتاما ساراپتامادان ٴوتتى. بۇل جۇمىس الماتى قالاسىندا جۇرگىزىلدى. جاڭا جوبا اياسىندا نىساندا سانتەحنيكالىق، ارلەۋ جۇمىستارى جۇرگىزىلەدى. سونىمەن قاتار، ەلەكتر جانە جىلۋ ەنەرگياسىمەن قامتۋ رەتتەلەدى. دەگەنمەن، جۇمىسقا كىرىسپەس بۇرىن جوبالىق-سمەتالىق قۇجاتتاماعا تۇزەتۋلەر ەنگىزۋ كەرەك»، - دەيدى ەكىباستۇز قالالىق ٴبىلىم بەرۋ ٴبولىمىنىڭ باسشىسى اباي كارىموۆ.

پاۆلودار وبلىستىق قۇرىلىس، جولاۋشىلار تاسىمالى جانە اۆتوموبيل جولدارى باسقارماسى باسشىسىنىڭ ورىنباسارى داۋلەت شايپرانوۆ حابارلاعانداي، جوبانى ازىرلەگەن كەزدە تاپسىرسۋشى استانادا، جوبالاۋشى الماتى قالاسىنان بولعان. قۇرىلىسشىلار قالا توپىراعىنىڭ ەرەكشەلىكتەرىن بىلمەگەندىكتەن، جەراستى سۋلارى جوبانى ازىرلەۋ بارىسىندا ەسكەرىلمەي قالعان. بۇگىندە وقۋ ورتالىعىنىڭ عيماراتى جارىقتان اجىراتىلدى.

فوتو: اۆتور


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي