BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

بيىل تۇركىستاندا «تۋعان جەر» جوباسى ارقىلى 97 نىسان ىسكە قوسىلدى

استانا، baq.kz. ەلباسىمىز «بولاشاققا باعدار: رۋحاني جاڭعىرۋ» اتتى باعدارلامالىق ماقالاسىندا «تۋعان جەر» ارنايى جوباسىن ۇسىنعان بولاتىن. بۇگىندە وسى جوبا اياسىندا تۇركىستان وبلىسىندا ٴبىرقاتار جۇمىستار اتقارىلدى.بۇل تۋرالى تۇركىستان وبلىسى اكىمىنىڭ ٴباسپاسوز قىزمەتى حابارلادى.

قۋانارلىعى، «تۋعان جەر» باعدارلاماسىنا كاسىپكەرلەردىڭ ىقىلاسى ارتۋ ۇستىندە. مەملەكەت باسشىسىنىڭ «تۋعان جەرگە، ونىڭ مادەنيەتى مەن سالت-داستۇرلەرىنە ايرىقشا ىڭكارلىكپەن اتسالىسۋ – شىنايى ٴپاتريوتيزمنىڭ ماڭىزدى كورىنىستەرىنىڭ ٴبىرى» دەگەن ۇستانىمىن ۇلگى تۇتقان كاسىپكەرلەر مەن ەل ازاماتتارى ٴتۇرلى نىسانداردىڭ قۇرىلىسىنا دەمەۋشىلىك جاساپ، تۋعان ٴوڭىردى گۇلدەندىرۋگە بەلسەنە كىرىسىپ كەتتى.

ناقتىراق ايتساق، بيىل تۇركىستان وبلىسىندا «تۋعان جەر» ارنايى جوباسى بويىنشا دەمەۋشىلەردىڭ كومەگىمەن 97 نىسان ىسكە قوسىلدى. اياقتالعان 97 نىساننىڭ ٴ28-ى ٴبىلىم مەكەمەلەرىنىڭ قۇرىلىسى بولسا، 3 عيمارات قايتا جوندەۋدەن وتكىزىلگەن. سونىمەن بىرگە، ٴ2-ى مەديسينا مەكەمەسى، 12 سپورت نىسانى اشىلسا، 2 سپورت الاڭى جوندەلدى. 15 مادەنيەت نىسانى پايدالانۋعا بەرىلىپ، مەن 5 قايتا جوندەۋدەن وتكىزىلسە، اباتتاندىرۋ بويىنشا 30 جوبا ىسكە اسىرىلعان.

جومارت كاسىپكەرلەردىڭ دەمەۋشىلىگىمەن نىساندار ەل يگىلىگىنە قىزمەت ەتىپ جاتىر. ماسەلەن، وتىرار اۋدانىندا قۇنى 248 ملن. تەڭگەنى قۇرايتىن سپورت كەشەنى مەن بوكس زالى سپورتسۇيەر جاستارعا ەسىگىن ايقارا اشتى. ال، بايدىبەك اۋدانىندا 14،3 شاقىرىم جولعا «اقىلدى شام» جەلىسى ورناتىلعان. بۇل يگى ىسكە دەمەۋشى كاسىپكەر قۇنى 195 ملن. تەڭگە جۇمساعان. قازىعۇرت اۋدانىنداعى قۇنى 100 ملن. تەڭگە قۇرايتىن سالقام جاڭگىر حان مەن ٴجالاڭتوس باھادۇرگە ارنالعان مەموريالدىق كەشەنى، كەنتاۋ قالاسىنداعى قۇنى 80 ملن. تەڭگەنى جانە سارىعاش اۋدانىنداعى قۇنى 50 ملن تەڭگە قۇرايتىن سپورت كەشەندەرى دە ەلگە قىزمەت ەتۋدە. تولەبي اۋدانىندا اشىلعان «كازمەد» مەديسينالىق ورتالىعى، سايرام اۋدانىندا 125 ورىندىق بالاباقشا جانە وزگە دە الەۋمەتتىك نىساندار تۋعان جەرىن سۇيەتىن كاسىپكەرلەردىڭ كومەگىمەن سالىنعان.

مەسەناتتاردىڭ ەڭبەگىن قولداۋ ماقساتىندا 2018 جىلعى شىلدە-قازان ايلارىندا 16 اۋدان، قالادا «جومارت جۇرەك» سىيلىعىنىڭ 1-كەزەڭى وتكىزىلىپ، وبلىستىق دەڭگەيدەگى قورىتىندى جيىندا 20 ازامات ماراپاتتالعان.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي