BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

بيىل پاۆلوداردا ٴبىلىم الۋ ٴۇشىن 150 شەت ەلدەگى قازاق جاستارى كەلدى

فوتو: pavlodarnews.kz

پاۆلودار قالاسىنداعى دوستىق ۇيىندە «قر جوعارعى وقۋ ورىندارىنداعى مەملەكەتتىك ٴبىلىم بەرۋ تاپسىرىسى بويىنشا اشىلعان دايىندىق بولىمدەرى جانە قازاق جاستارى» اتتى كەزدەسۋ ٴوتتى، دەپ حابارلايدى baq.kz اقپارات اگەنتتىگى pavlodarnews.kz سايتىنا سىلتەمە جاساپ.

شەت ەلدەن كەلگەن قازاق ستۋدەنتتەرىمەن كەزدەسۋگە وبلىستىق ىشكى ساياسات باسقارماسىنىڭ باسشىسى ەرنۇر داۋەنوۆ، «دۇنيەجۇزى قازاقتارى قاۋىمداستىعى» ٴرقب-نىڭ پاۆلودار وبلىستىق فيليالىنىڭ باسشىسى بولات زاۋت ۇلى جانە وبلىس اكىمدىگىنىڭ جۇمىسپەن قامتۋدى ۇيلەستىرۋ جانە الەۋمەتتىك باعدارلامالار باسقارماسىنىڭ كوشى قون ٴبولىمىنىڭ باسشىسى مەرۋەرت ەسەنبايەۆا قاتىستى.

«دۇنيەجۇزى قازاقتارى قاۋىمداستىعى» رقب پاۆلودار وبلىستىق فيليالىنىڭ باسشىسى بولات زاۋت ۇلى جىل سايىن شەت ەلدەن ٴبىلىم الۋعا كەلەتىن جاستاردىڭ سانى ارتىپ جاتقانىن اتاپ ٴوتتى.

«بۇل شەت ەلدەردەن كەلگەن ستۋدەنتتەرمەن ٴداستۇرلى كەزدەسۋىمىز. قاۋىمداستىقتىڭ ماقسات-مىندەتى شەت ەلدەگى قازاقتاردى جان-جاقتى قولداۋ بولىپ تابىلادى. وعان قوسا، شەت ەلدە جۇرگەن تالانتتى قازاق جاستارىن ەلگە اكەلىپ، ەلدە قىزمەت ەتكىزۋ، مۇمكىندىگى جوقتاردى كوشىرىپ اكەلۋ، جاستارىنا ەلىمىزدە ٴبىلىم بەرۋ. سىزدەر مەملەكەتىمىزدىڭ قارجىسىمەن تەگىن وقۋ قۇقىنا يە بولدىڭىزدار. جاتاقحانالارىڭىز تەگىن. ستيپەنديا دا قالاستىرىلعان. جالپى، وبلىسىمىزدا 2014 جىلى ساۋلە كىسەمبايەۆا حانىمنىڭ ۇيىمداستىرۋىمەن شەتتەن كەلگەن جاستاردى جوعارعى وقۋ ورىنىنا ٴتۇسۋ ٴۇشىن كەشەندى تەستىلەۋگە دايىنداۋ ٴبولىمى، ياعني «foundation» فاكۋلتەتى قۇرىلعان. سودان بەرى كەلۋشىلەر سانى ارتۋدا. بىلتىر 120-عا جۋىق ستۋدەنت كەلسە، بيىل 150-گە جەتىپ وتىر»، - دەدى بولات زاۋىت ۇلى.

وتكەن جىلى پاۆلودار وبلىسىنا «foundation» فاكۋلتەتىندە دايىندالۋ ٴۇشىن 116 شەت ەلدەگى قازاق جاستارى كەلگەن. ونىڭ ٴ95-ى كەشەندى تەستىلەۋگە قاتىسىپ، ٴ71-ى جوو گرانتتارىنا يە بولىپ، استانا، الماتى، قاراعاندى جانە پاۆلودار قالالارىنىڭ ۋنيۆەرسيتەتتەرىنە قابىلداندى. تاعى 10-ى كوللەدج ستۋدەنتتەرى اتاندى. پاۆلودار وبلىسىنىڭ ىشكى ساياسات باسقارماسىنىڭ باسشىسى ەرنۇر داۋەنوۆ ستۋدەنتتەرگە كەز كەلگەن تۇرعىدا كومەك كورسەتۋگە دايىن ەكەنىن ايتتى.

«مەن بۇل كەزدەسۋدى كوپتەن بەرى كۇتتىم. باسقارمامىزدىڭ نەگىزگى ميسسياسىنىڭ ٴبىرى – ەلگە ورالعان قانداستارىمىزدىڭ جەرگىلىكتى قاۋىمعا بەيىمدەۋ بويىنشا ٴىس-شارالار وتكىزۋ، بەيىمدەلۋ ۇدەرىسىنە ارالاسۋ، ونى باقىلاۋ. ەگەر ساۋالدارىڭىز، ۇندەۋلەرىڭىز، قيىندىقتارىڭىز، ٴتىل ماسەلەسى جانە ار-نامىستىڭ قورلانۋى بويىنشا كەلىسپەۋشىلىك تۋىنداسا كومەك كورسەتۋگە دايىنبىز. سىزدەردىڭ تولىقتاي قازاق تىلىندە ٴبىلىم الۋعا، قىزمەت الۋعا قۇقىقتارىڭىز بار. وسى تۇرعىدا كەلەڭسىزدىكتەر بولىپ جاتسا، سول ارادا كومەك كورسەتەمىز. بايلانىس تەلەفوندارىمىز بەن ەلەكتروندىق پوشتامىز باسقارمامىزدىڭ سايتىندا كورسەتىلگەن. جەكە ٴوزىم الەۋمەتتىك جەلىلەردە اشىق ەكەنىمدى، پاراقشاما حات جولداپ حابارلاسۋلارىڭىزعا بولاتىنىن ايتا كەتكىم كەلەدى»، - دەدى ەرنۇر داۋەنوۆ.

شارا بارىسىندا وبلىس اكىمدىگىنىڭ جۇمىسپەن قامتۋدى ۇيلەستىرۋ جانە الەۋمەتتىك باعدارلامالار باسقارماسى كوشى قون ٴبولىمىنىڭ باسشىسى مەرۋەرت ەسەنبايەۆا جاستارعا كوشى-قون جونىندە كەڭەستەر بەرىپ ٴوتتى.

«ەگەر سىزدەردىڭ ارتتارىڭىزدا كەلەمىز دەپ تۇرعان وتباسىلارىڭىز بولسا، ٴوڭىرىمىز قابىلداۋعا دايىن ەكەنىن ايتقىم كەلەدى. مەملەكەت تاراپىنان ارنايى كۆوتا قاراستىرىلعان. كومەكتەن قۇر قالمايدى. سونداي-اق بۇرىندارى ەلىمىز تەك وتباسىلاردى قابىلداعان بولسا، ەندى جالعىزباستى ادامداردى دا قابىلداپ، كومەك كورسەتەدى. سوندىقتان وقۋلارىڭىزدى اياقتاعان سوڭ جالعىز قونىس اۋدارىپ، ەڭبەك ەتۋلەرىڭىزگە بولادى»، - دەدى مەرۋەرت ەسەنبايەۆا.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

سسىلكي پو تەمە:
كوممەنتاريي