BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

بيىل ەرتىس وڭىرىنەن باا-گە 30 توننا قوي ەتى ەكسپورتتالدى

فوتو: pavlodarnews.kz

استانا، baq.kz. «اباي» جشس بىرىككەن اراب امىرلىكتەرىنە قوي ەتىن ەكسپورتتاۋدى ارتتىرۋدا. بۇل تۋرالى pavlodarnews.kz سايتى حابارلايدى.

بۇل تۋرالى وڭىرلىك كوممۋنيكاسيالار قىزمەتىندە وتكەن ٴباسپاسوز ٴماسليحاتىندا شارباقتى اۋدانىنىڭ اكىمى ٴازىلحان ابەۋوۆ ٴمالىم ەتتى.

«اباي» جشس قازاقستاندا بىرىككەن اراب امىرلىكتەرىنە قوي ەتىن جەتكىزەتىن جالعىز شارۋا قوجالىعى. «اباي» جشس 2017 جىلى وسى مەزگىلدە بىرىككەن اراب امىرلىكتەرىنە ٴۇش توننا ەت ەكسپورتتاعان بولسا، بيىل 30 تونناعا جەتكىزدى. سونداي-اق اتالمىش قوجالىق رەسەيگە 103 توننا ەت ەكسپورتتادى. جالپى اۋدانىمىزدا اۋىل شارۋاشىلىعىن دامىتۋدىڭ الداعى بەس جىلعا ارنالعان كەشەندى جوسپارى دايىندالۋدا. بەلدى كاسىپكەرلەرمەن كەزدەسۋ وتكىزىلدى. قازىرگى كەزدە 3000 باس مالدى بورداقىلاۋ الاڭى مەن 2000 باس ساۋىندى مالعا ارنالعان ورىننىڭ قۇرىلىسىن سالۋعا دايىن ينۆەستورلار بار»، - دەدى اۋدان باسشىسى.

ٴازىلحان ابەۋوۆتىڭ ايتۋىنشا، 3 جىلدىڭ ىشىندە 28،8 مىڭ ٴىرى قارا مال سانىن 40 مىڭعا جەتكىزۋ كوزدەلۋدە. ول ٴۇشىن اۋىل شارۋاشىلىعىنا ارنالعان مەملەكەتتىك باعدارلامالار بارىنشا پايدالانىلاتىن بولادى.

«بۇل باعىتتاعى ىستەر باستالىپ كەتكەن. شارۋا قوجالىقتارىمىز كورشى مەملەكەتتەن ٴىرى قارا مال اكەلۋدە. «ارالبايەۆ» شق حاكاسيادان 40 باس، «تايلاق» شق كراسنويارسك ولكەسىنەن 50 باس، «ۆوسكوبوينيك» شق ريازان وبلىسىنان 50 باس ساتىپ الدى. بۇعان قوسا، «پوبەدا» جشس گەرمانيادان گولشتين-فريز اسىل تۇقىمدى 200 باس مال اكەلدى. قازىرگى ۋاقىتتا «پوبەدا» جشس-دە 3000 باس سيىر بار. ونىڭ ٴ800-ى ساۋىلادى»، - دەدى اۋدان اكىمى.

سونىمەن قاتار، «شارباقتى-قۇس» جشس ونىمدىلىگى ارتۋدا. كاسىپورىندى جاڭعىرتۋ جۇمىستارى جۇرگىزىلگەننەن كەيىن، بيىل رەسەيدەن «حايسەك ۋايت» تۇقىمدى 195 مىڭ بالاپان ساتىپ الىنعان. كاسىپورىن جىل سوڭىنا دەيىن جۇمىرتقا ٴوندىرىسىن 85 ميلليونعا جەتكىزۋدى ماقسات تۇتىپ وتىر. 2017 جىلى اتالعان كاسىپورىن 81،8 ميلليون جۇمىرتقا شىعارعان.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي