BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

بيىل پاۆلوداردا شاعىن جانە ورتا بيزنەسكە 426،9 ملن تەڭگە نەسيە بەرىلگەن

استانا، baq.kz. 2017-2021 جىلدارعا ارنالعان «ەڭبەك» ناتيجەلى جۇمىسپەن قامتۋ جانە كاسىپكەرلىكتى دامىتۋ باعدارلاماسىن ىسكە اسىرۋ بارىسىندا پاۆلودار وبلىسىندا 2018 جىلى 426،9 ملن تەڭگەگە قولداۋ كورسەتىلدى.

بۇل تۋرالى وڭىرلىك كوممۋنيكاسيالار قىزمەتىندە وتكەن ٴباسپاسوز جيىنىندا «دامۋ» كاسىپكەرلىكتى دامىتۋ قورى» اق-نىڭ پاۆلودار وبلىسى بويىنشا ايماقتىق فيليالى ديرەكتورىنىڭ ورىنباسارى رۋستام قاسىموۆ ٴمالىم ەتتى، دەپ جازدى pavlodarnews.kz.

«بولىنگەن قاراجاتتىڭ بۇگىنگى كۇنى 95 پايىزى يگەرىلدى. قالعان 5 پايىز جىل سوڭىنا دەيىن يگەرىلەدى. ناتيجەسىندە 100 پايىزعا قول جەتكىزەتىن بولامىز. جالپى، اتالمىش باعدارلاما ىسكە قوسىلعان ساتتەن باستاپ ايماقتا 3437 شاعىن جانە ورتا بيزنەس جوبالارىنا 134 ميلليارد 406 ميلليون تەڭگەگە نەسيە بەرىلدى»، - دەدى رۋستام قاسىموۆ.

رۋستام قاسىموۆتىڭ ايتۋىنشا، «بيزنەستىڭ جول كارتاسى - 2020» باعدارلاماسى اسىندا 2018 جىلى 70 جوبا 2 ملرد 137 ملن تەڭگەگە سۋبسيديالانعان.

«بيىل وبلىسىمىزدا 70 جوبا سۋبسيديالانعان بولسا، تاعى بەكىتىلگەن، الايدا قول قويىلماعان 88 جوبا بار. ال، «بجك-2020» باعدارلاماسى ارقىلى وسى ۋاقىتقا دەيىن وڭىرىمىزدە 714 جوبا 14 ميلليارد 349 ميلليون تەڭگەگە سۋبسيديا الدى»، - دەدى رۋستام قاسىموۆ.

سونىمەن قاتار، ايماقتىق فيليالدىڭ باسشىسى جىل سايىن كاسىپكەرلىكپەن اينالىسىپ كەلە جاتقان ايەل ادامداردىڭ سانى ارتىپ كەلە جاتقانىمەن، جارتىسىنان كوبى ەر ادامدار ەكەنىن اتاپ ٴوتتى.

«بجك-2020» باعدارلاماسى بويىنشا قازىرگى كەزدە دەربەس وندىرۋشىگە اينالعان ٴىرى كاسىپورىندار نەسيە السا، «ەڭبەك» باعدارلاماسىن جاڭا باستاۋشىلار، جەكە كاسىپكەرلەر پايدالانادى. شاعىن بيزنەستەر كوبىنەسە حالىققا كەرەك تاۋارلاردى ساۋدالاۋ جانە تاسىمالداۋ سياقتى قىزمەت كورسەتۋمەن اينالىسادى. وعان قوسا، جىل سايىن ايەل ادامداردىڭ كاسىپكەرلىكپەن اينالىسۋى ارتۋدا. الايدا جارتىسىنان كوبى ەر ادامدار. ەكىنشى دەڭگەيدەگى بانكتەرمەن جۇمىس جاساۋ كەزىندە ەر ادامدارمەن جۇمىس جاساعان وڭاي»، دەدى ول.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

سسىلكي پو تەمە:
كوممەنتاريي