BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

bi group، kegoc، highwill: ٴىرى كومپانيالار تۇركىستانعا قانداي نىسان سالىپ بەرەدى

فوتو: Ақорда мұрағатынан

مەملەكەت باسشىسى نۇرسۇلتان نازاربايەۆ تۇركىستان وبلىسىنىڭ الەۋمەتتىك-ەكونوميكالىق دامۋ ماسەلەلەرى جونىندە كەڭەس وتكىزگەنى بەلگىلى. سول جيىندا ەلباسى مينيسترلەر مەن ۇكىمەت مۇشەلەرىنە، ەلىمىزدەگى الپاۋىت كومپانيالاردىڭ باسشىلارىنا تۇركىستان قالاسىنا ٴبىر-بىر نىسان سالۋ جونىندە تاپسىرما بەردى، دەپ حابارلايدى ۆaq.kz اقپارات اگەنتتىگى.

ٴاربىر باسشىنى ورنىنان تۇرعىزىپ، جەكە-جەكە سويلەسكەن ەلباسى مەملەكەت تاراپىنان كاسىپكەرلەرگە ۇنەمى قولداۋ كورسەتىلگەنىن، ەندى ولار دا مەملەكەتە ۇلەس قوساۋلارى كەرەكتىگىن ايتتى. تۇركىستان قالاسىنا قاجەتتى نىسانداردى تىزبەلەپ، تانىمال كومپانيالارعا ناقتى مىندەت جۇكتەدى.

ماسەلەن، ەلباسى «بازيس-ا» كومپانياسىنىڭ باسشىسى الەكساندر بەلوۆيچكە «سىزدەر سپورتتىق جانە مادەني نىسانداردى جاقسى سالىپ جۇرسىزدەر. بۇل جەرگە تەاتر كەرەك. وعان قاۋقارىڭىز جەتەدى دەپ ەسەپتەيمىن. تۇركىستانعا ادەمى، امبەباپ تەاتر سالۋ قاجەت» دەدى. كومپانيا باسشىسى تاپسىرمانى ورىندايتىنىنا ۋادە بەردى. ال، enrc باسشىلارىنىڭ ٴبىرى، اتاقتى ميللياردەر پاتوح شوديەۆكە تۇركىستاندا الەمدىك دەڭگەيدەگى تۇركى حالىقتارىنىڭ مۋزەيىن سالىپ بەرۋ جونىندە تاپسىرما مىندەت جۇكتەلدى. سونىمەن قاتار، "قازمۇنايگاز" ۇلتتىق كومپانياسىنىڭ باسقارما ٴتوراعاسى ساۋات مىڭبايەۆقا حالىقارالىق تالاپقا ساي ۇلكەن ستاديون سالۋ جونىندە تاپسىرما بەرىلدى. «ورىندايمىز!» دەدى ول.

ايدىن راقىمبايەۆ باسقاراتىن bi group كومپانياسى قازاق حاندارى مەن بيلەرىنىڭ، باتىرلارىنىڭ ورتالىعىن اشىپ بەرسە، «حايۆيلل قازاقستان» كومپانياسى تۇرعىن ٴۇي كەشەنىن سالۋعا كىرىسەدى. «قازاقستان تەمىرجولى» ۇلتتىق كومپانياسى جاستار سارايىن قولعا السا، «kegoc» قوجا اxمەت ٴياساۋيدىڭ شاعىن مۋزەيىن سالىپ بەرەدى. سونداي-اق «قازپوشتا» اق تۇركىستاندا زامان تالابىنا ساي پوچتا بولىمشەسى مەن سيفرلىق كەڭسەنى قولعا السا، «قازاقتەلەكوم» smart تەxنولوگيالاردى ەنگىزەدى. كاسىپكەر دانيار ابىلعازين سۋ سپورتى كەشەنىن سالۋعا ۋادە بەرسە، نۇرلان سماعۇلوۆ كولىك سالونىن اشىپ بەرەدى. «قازاتومونەركاسىپ» ۇاك» اق تۇركىستانعا قارجىلاي قولداۋ كورسەتسە، تۇركيالىق كومپانيالار دا تۇركىستاندى دامىتۋعا ۇلەس قوساتىن بولدى. وسى جيىندا كاسىپكەرلەر مەن ٴىرى كومپانيالار تۇركىستانعا اۋرۋحانا، تۋريزم كوللەدجىن تارتۋ ەتەتىندەرىن جەتكىزدى. مەملەكەت باسشىسى ٴاربىر نىساندى قاعازعا مۇقيات بەلگىلەپ، ونى سالۋ مىندەتى كىمگە تاپسىرىلعانىن جازىپ الىپ وتىردى. وبلىس اكىمدىگى مەن كومپانيالار اراسىندا كەلىسىمدەر ٴتۇزىلىپ، جۇمىستى باستاۋ كەرەكتىگىن جەتكىزدى.

«شاھار تۇرعىندارى سانىنىڭ وسۋىنە جانە تۋريستەردىڭ كوپتەپ كەلۋىنە بايلانىستى اكىمدىككە، «سامۇرىق-قازىنا» ۇلتتىق ٴال-اۋقات قورىمەن، ينۆەستيسيالار جانە دامۋ مينيسترلىگىمەن بىرلەسىپ، تۇركىستان قالاسىنىڭ تەمىرجول ۆوكزالىن رەكونسترۋكسيالاۋ، ونىڭ وتكىزۋ مۇمكىندىگىن ۇلعايتۋ، سونداي-اق اۋەجاي سالۋ جانە اۋە قاتىناستارىن قامتاماسىز ەتۋ ماسەلەلەرىن قاراستىرۋدى تاپسىرامىن. تۇركىستاندى زاماناۋي تەحنولوگيالاردى قولدانا وتىرىپ، ٴتول مادەنيەتىمىزگە ساي قايتا جاڭعىرتۋ كەرەك. سوسىن تۇركىستاندى دامىتۋ قورىن دا قۇرعان دۇرىس. كىم قولداۋ جاساۋعا دايىن، سول اقشانى اۋدارسىن.

«كوز — قورقاق، قول — باتىر» دەمەكشى، وسىنىڭ ٴبارىن بىر-ەكى جىلدا بىتىرەتىن بولساق، تۇركىستان جايناپ شىعا كەلەدى» دەدى نۇرسۇلتان نازاربايەۆ.

ەسكە سالا كەتسەك، 29 قىركۇيەكتە نۇرسۇلتان نازاربايەۆ شىمكەنت جانە تۇركىستان قالالارىنا ىسساپارمەن باردى. ول قازاقستان پرەزيدەنتى «ازىرەت سۇلتان» تاريحي-مادەني قورىق-مۋزەيىنىڭ اۋماعىندا ورنالاسقان قوجا احمەت ياسساۋي ماۆزولەيىنارالاپ كوردى.

ايتا كەتسەك، بۇعان دەيىن تۇركىستان قالاسىنىڭ سيمۆولىنا اينالعان قوجا احمەت ياساۋي كەسەنەسى تۋريستەر ٴۇشىن ەرەكشە تارتىمدى نىسانداردىڭ بۇكىلالەمدىك تىزىمىنە كىرگەنىن حابارلاعان بولاتىنبىز.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

سسىلكي پو تەمە:
كوممەنتاريي