BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

بالقاشتا جۇرەگى وڭ جاقتا ورنالاسقان بالا دۇنيەگە كەلدى

قاراعاندى وبلىسىنىڭ بالقاش قالاسىندا ىشكى اعزالارى ورنىنان جىلجىعان، جۇرەگى سول ەمەس وڭ جاعىندا ورنالاسقان ٴسابي ومىرگە كەلدى. قاراعاندىلىق دارىگەرلەر كىشكەنتاي توميريسكە جەدەل وتا جاساپ، جۇرەگىن جانە باسقا اعزالارىن ٴوز ورىندارىنا ورنالاستىردى. قازىرگى ۋاقىتتا ٴسابيدىڭ دەنساۋلىعى جاقسى، ول اۋرۋxانادان ۇيگە شىعارىلعان، دەپ xابارلايدى baq.kz ايماقتاعى ٴتىلشىسى.

بالقاش قالاسىنىڭ ورتالىق اۋرۋxاناسىندا 24 تامىز كۇنى ەرەكشە بالا تۋىلعان. اتا-اناسى توميريس دەپ ات قويعان قىزدىڭ جۇرەگى وڭ جاقتا ورنالاسقان.

دارىگەرلەردىڭ ايتۋىنشا، ٴسابي ومىرگە تۋا بىتكەن اۋىتقۋشىلىقتارمەن كەلگەن، ونىڭ بارلىق ىشكى اعزاسى ورنىنان جىلجىعان. تۋىلعان ۋاقىتتا بالانىڭ جاعدايى اسا اۋىر بولىپ، وعان بىلىكتى دارىگەرلەردىڭ كومەگى قاجەت بولعان.

«بالانىڭ اناسى اۋرۋxاناعا 24 تامىز كۇنى تۇسكەن. ٴسابي مەرزىمىنە جەتىپ، 3 كەلى 702 گرامم سالماقپەن تۋىلدى. بويى - 54 سانتيمەتر. جاڭا تۋعان سابيدەن تۋا بىتكەن بىرنەشە سىرقاتتار انىقتالدى. ولار: كوكەت جارىعى، تۋا بىتكەن وكپە قابىنۋى، وكپە گيپوپلازياسى، اسقازاننان قان كەتۋ، ىشەكتىڭ جىرتىلۋى، قان ازدىق جانە جاڭا تۋىلعان بالاداعى قاناعىش دەرتى. جاس بالانىڭ دەنساۋلىعى تاسىمالداۋعا جاراماعاندىقتان جانە وعان جەدەل وتا جاساۋ قاجەت بولعاندىقتان، وبلىس ورتالىعىنان دارىگەرلەر شاقىرتىلدى. بىرنەشە ساعاتتان كەيىن بالقاش قالاسىنا قاراعاندى وبلىستىق بالالار كلينيكالىق اۋرۋxاناسى ديرەكتورىنىڭ ورىنباسارى جانات ەلۋبايەۆ پەن بالالار xيرۋرگى بەيبىت بەردىبەكوۆ كەلدى. ولار بالاعا شۇعىل تۇردە وتا جاسادى»، - دەيدى قاراعاندى وبلىسى دەنساۋلىق باسقاراماسىنىڭ ٴباسپاسوز xاتشىسى ايجان يسا.

كىشكەنتاي توميريسكە جاسالعان وتا ەكى ساعاتقا سوزىلىپ، جۇرەك پەن ورنىنان جىلجىعان باسقا اعزالار ٴوز ورىندارىنا ٴساتتى ورنالاستىرىلعان.

«دارىگەرلەر ٴسابيدىڭ بارلىق ىشكى ورگانىن قالىپقا كەلتىردى. ٴقازىر بالا ٴوزىن جاقسى سەزىنەدى. ول اۋرۋxانادان ۇيگە شىعارىلعان. بالاعا قاجەتتى بارلىق مەديسينالىق كومەك كورسەتىلۋدە»، - دەدى ايجان يسا.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي