BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

«اياز اتاعا حات» قايىرىمدىلىق اكسياسى قولداۋ تاپتى

استانا، baq.kz. اقتاۋداعى «تۋمبا» گازەتى باستاعان «اياز اتاعا حات» قايىرىمدىلىق اكسياسىن قولدعان مەملەكەتتىك مەكەمەنىڭ ٴبىرى – قر مەملەكەتتىك قىزمەت ىستەرى جانە سىبايلاس جەمقورلىققا قارسى ٴىس-قيمىل اگەنتتىگىنىڭ ماڭعىستاۋ وبلىسى بويىنشا دەپارتامەنتى.

ماڭعىستاۋ ٴوڭىرىنىڭ كىشكەنتاي تۇرعىندارى site@tumba.kz ەلەكتروندى پوشتاسىنا وزدەرىنە قاجەت زاتتار ٴتىزىمىن جولداعان جانە ويىنشىقتاردان بولەك قىسقى اياق كيىم، بالدىق كويلەك، ساموكات جانە تاتتىلەر سۇراپ حات جازعاندار كوپ بولدى.

نۇرگۇل جاننازاروۆا باستاعان اگەنتتىكتىڭ اۋماقتىق دەپارتامەنتى گازەت رەداكسياسىنا بارىپ، بالالارعا سىيلىقتاردى تابىستادى.

«جاڭا جىل دەسە بالالاردىڭ ويىنا الدىمەن اياز اتا، اقشاقار، شىرشا مەن سىيلىقتاردى كوز الدىنا ەلەستەتەدى. ٴبىزدىڭ ۇجىم بۇل يگى ىستەن قالىس قالماي، قولداۋ كورسەتۋ تۋرالى ٴبىر اۋىزدان شەشىم قابىلدادى. اياز اتاعا جازىلعان حاتتار ناتيجەسىز بولماسىن دەپ، كىشكەنتايلاردىڭ تىلەگىن ورىنداۋعا بارىنشا تىرىستىق. بايقاعانىمىز، ولاردىڭ قۋانىشىمدا شەك جوق. بالانىڭ شات كۇلكىسى مەن قۋانىشىنا ەشتەڭە جەتپەيدى. كەز-كەلگەن مەرەكە قارساڭىندا بالالارعا قۋانىش سىيلاۋعا بارشامىز اسىعايىق. سەبەبى ولار باقىتتى بولۋى ٴۇشىن جارالعان جانە قامقورلىقتى سەزىنسە، مەيىرىمدى بولىپ وسەرى انىق»، - دەدى دەپارتامەنت باسشىسى.

ٴبىرىنشى سىنىپتا وقيتىن كاۋسار جۇمساق ويىنشىق سۇراسا، ونىڭ تۋعان اپاسى فاتيما بالدىق كويلەك كەرەكتىگىن حاتتا كورسەتىپتى. ال، ٴ5-شى سىنىپتا وقيتىن گاۋحار جۇمابەكوۆا بولسا قىسقى اياق كيىم سۇراپ حات جازعان. ٴوزى كەلە الماعان ونىڭ سىيلىعىن تۋعان اپكەسى الىپ كەتۋگە كەلدى. ەكىنشى سىنىپتا وقيتىن تۇراربەك جۇمابەكوۆ اياز اتاعا جولداعان حاتىندا ساموكات سۇراعان. كىشكەنتاي ٴبۇلدىرشىننىڭ ٴوتىنىشى جەردە قالمادى. باسقۇدىق اۋىلىنىڭ تۇرعىنى، ٴ1-شى سىنىپتا وقيتىن نۇرجان ايمۇحان ۇلى ويىنشىق ماشينا سۇراعان. ٴبىراق سىيلىعان الىپ كەتۋگە ٴوزى كەلە المادى، سەبەبى ساباقتا ەكەن. سول سەبەپتى ونىڭ سۇراعان سىيلىعى اناسىنا بەرىلدى.

ايتا كەتۋ كەرەك، «تۋمبا» گازەتى باستاعان «اياز اتاعا حات» قايىرىمدىلىق اكسياسىنا از قامتىلعان جانە كوپبالالى وتباسىندا تاربيەلەنەتىن بالالار قاتىستى. بارلىق سىيلىقتاردى اگەنتتىكتىڭ اۋماقتىق دەپارتامەنتىنىڭ ٴار قىزمەتكەرى ٴوز جالاقىسىنان ساتىپ الىپ بەردى. بارلىعى 200-گە جۋىق كىشكەنتاي تۇرعىندارىنان ٴوتىنىش تۇسكەن. حات جازعانداردىڭ باسىم كوپشىلىگى اقتاۋ قالاسى مەن مۇنايلى اۋدانىنان بولىپ شىقتى.

بالالارىمەن ەرىپ كەلگەن انالار دا، ٴوز كەزەگىندە دەپارتامەنت ۇجىمىنا كورسەتكەن ىقىلاستارى ٴۇشىن شىن جۇرەكتەن العىستارىن ٴبىلدىردى. اگەنتتىكتىڭ اۋماقتىق دەپارتامەنتىنىڭ ۇجىمى وسىنداي يگىلىكتى ىستەردى الداعى ۋاقىتتا دا جالعاستىرا بەرمەك.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي