BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

اياز اتا مۇمكىندىگى شەكتەۋلى بالالاردىڭ ۇيلەرىن ارالاپ شىقتى

فوتو: altaynews.kz

استانا، baq.kz. جاڭا جىل قارساڭىندا «نۇر وتان» وبلىستىق پارتياسى مەن «ٴۇلبى» حالىققا الەۋمەتتىك قىزمەت كورسەتۋ ورتالىعىنىڭ قىزمەتكەرەلەرى وسكەمەندە تۇرىپ جاتقان مۇمكىندىگى شەكتەۋلى بالالارعا قوناققا بارىپ، ولارعا مەرەكەلىك سىيلىقتار، تاتتى-دامدىلەر تارتۋ ەتتى. بۇل تۋرالى altaynews.kz سايتى حابارلايدى.

«بۇل بالاقايلار بەلگىلى ٴبىر سەبەپتەرگە بايلانىستى كوپ جاعدايدا جاڭاجىلدىق شىرشا سياقتى مەرەكەلىك شارالارعا جەتە الماي جاتادى. وسىنى ەسكەرە كەلە، ٴبىز جىل سايىن وسىنداي قايىرىمدىلىق اكسيالارىن وتكىزىپ تۇرامىز. سونىمەن قاتار بالالارعا جان-جاقتى مەديسينالىق جانە الەۋمەتتىك كومەك كورسەتۋگە تىرىسامىز. ٴقازىر وسكەمەندە ٴدال وسىنداي كومەككە ٴزارۋ 700-گە جۋىق جان بار»، - دەيدى «ٴۇلبى» حالىققا الەۋمەتتىك قىزمەت كورسەتۋ ورتالىعىنىڭ مامانى گۇلجان قابزيەۆا.

بالالاردىڭ شادىمان شاتتىقتارى ٴۇشىن ۇيىمداستىرىلعان شارانىڭ شىنىمەن دە بەرەرى مول، ماڭىزى زور بولدى. مۇنى بالاقايلاردىڭ جۇزدەرىنەن اڭعاردىق. راس، بۇعان دەيىن تەك تەلەديدار مەن كىتاپ-گازەت بەتتەرىنەن عانا كەزدەستىرىپ جۇرگەن اياز اتا جانە اقشاقاردى ٴوز ۇيلەرىندە كورگەن بالالاردىڭ قۋانىشىندا شەك بولمادى بۇل كۇنى. ەرتەگى كەيىپكەرلەرى وزدەرىمەن بىرگە مەرەكەلىك سىيلىقتار، كامپيت تولى جاڭاجىلدىق دوربالار الا كەلىپتى.

جالپى، اتالمىش اكسيا بارىسىندا وبلىس ورتالىعىنداعى 19 وتباسى ٴتۇرلى سىيلىقتارعا يە بولدى. مۇنى «نۇر وتان» پارتياسى وبلىستىق فيليالى ساياسي جۇمىس ٴبولىمىنىڭ مەڭگەرۋشىسى التىناي جارقىمبايەۆادان بىلدىك.

«بۇگىن جەرگىلىكتى كاسىپكەرلەردىڭ دەمەۋشىلىگىمەن وسكەمەندە تۇرىپ جاتقان ٴبىر توپ مۇمكىندىگى شەكتەۋلى بالاعا قوناققا بارىپ، ولاردى كەلە جاتقان مەرەكەلەرىمەن قۇتتىقتادىق. بۇل كۇنى جاڭاجىلدىق شىرشاعا قاتىسا الماي جۇرگەن قامكوڭىل بالاقايلارعا اتالمىش مەرەكەنىڭ اتموسفەراسىن سەزىندىرىپ، ونىڭ كەرەمەتىن جەتكىزۋگە تىرىستىق. جالپى، بۇل قايىرىمدىلىق اكسياسى ٴۇش كۇنگە سوزىلعانىن ايتقىم كەلەدى»، - دەدى «نۇر وتان» پارتياسىنىڭ وكىلى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي