BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

اتىراۋداعى 39 كوشەگە جاڭا جارىق جۇيەسى ورناتىلادى 

اتىراۋدا مەملەكەتتىك-جەكەمەنشىك سەرىكتەستىك جوباسى اياسىندا 39 كوشەگە جاڭا جارىق جۇيەسى ورناتىلادى، دەپ حابارلايدى ۆaq.kz اقپارات اگەنتتىگى.

وسى جىلدىڭ 5 شىلدەسىندە اتىراۋ وبلىستىق ەنەرگەتيكا جانە تۇرعىن ۇي-كوممۋنالدىق شارۋاشىلىعى باسقارماسى مەن «باتىس ترانزيت» اكسيونەرلىك قوعامى اراسىندا «اتىراۋ قالاسىنىڭ كوشەلەرىن جارىقتاندىرۋ جەلىسىن سالۋ جانە پايدالانۋ» جوباسىن ىسكە اسىرۋ تۋرالى العاشقى مەملەكەتتىك-جەكەمەنشىك سەرىكتەستىك كەلىسىمشارتى جاسالعان بولاتىن.

جوبا اياسىندا 2017 جىلدىڭ جەلتوقسان ايىنىڭ سوڭىنا دەيىن جانە 2018 جىلى اتىراۋ قالاسىنىڭ 39 كوشەسىنە 2816 جارىق شامدارىن ورناتۋ جوسپارلانعان. ناتيجەسىندە جاڭا تەحنولوگيالار مەن زاماناۋي led جارىق شامدارى ورناتىلادى.

قازاقستان رەسپۋبليكاسى تاۋەلسىزدىگى مەرەكەسى قارساڭىندا قالا جانە قالا ماڭىنداعى 5 كوشەگە: وبلىس ورتالىعىنداعى بەرعاليەۆ كوشەسىنەن بايمۇحانوۆا كوشەسىنە دەيىن، ۆودنيكوۆ اۋىلىنداعى پەرۆومايسكايا كوشەسىنە، پروەزد-1، قاراباۋ كوشەلەرىنە، كوكارنا اۋىلىندداعى بىرنەشە كوشەگە جارىق شامدارى قويىلدى.

اتالعان مەملەكەتتىك-جەكەمەنشىك سەرىكتەستىك جوباسى اتىراۋ قالاسىندا جاڭا تەحنولوگيالارىن ەنگىزۋ، پايدالانۋ شىعىندارىن قىسقارتۋ، قالا تۇرعىندارىنىڭ تۇرمىس ساپاسىن جاقسارتۋ، قىلمىس سانىن ازايتۋ مەن جول قاۋىپسىزدىگىن جوعارلاتۋىنا باعىتتالعان.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي