استانا، baq.kz. بۇگىندە 36 كوپ پاتەرلى ۇيگە جىلۋ بەرىلدى. بۇل تۋرالى اتىراۋ قالاسى اكىمدىگىنىڭ ٴباسپاسوز قىزمەتى حابارلادى.
استانا: 
1686 
0
استانا، baq.kz. بۇگىندە 36 كوپ پاتەرلى ۇيگە جىلۋ بەرىلدى. بۇل تۋرالى اتىراۋ قالاسى اكىمدىگىنىڭ ٴباسپاسوز قىزمەتى حابارلادى.
بالىقشى ىقشام اۋدانىنداعى جاڭا جىلۋ ەنەرگەتيكالىق كەشەنىندە اتىراۋ وبلىسىنىڭ اكىمى نۇرلان نوعايەۆ بولىپ قايتتى. ٴوڭىر باسشىسى تۇرعىن ۇيلەردى ورتالىق جىلۋ جۇيەسىنە قوسۋ بويىنشا جۇرگىزىلىپ جاتقان جۇمىستاردىڭ بارىسىن تەكسەرىپ، ٴبىرقاتار ناقتى تاپسىرما بەردى.
قالالىق قۇرىلىس ٴبولىمىنىڭ اقپاراتى بويىنشا، ورتالىق جىلۋ جۇيەسىنە بارلىعى 53 ٴۇي قوسىلادى، وندا 2500 پاتەر بار. اتىراۋ قالاسى بالىقشى ىقشام اۋدانىنداعى كۆارتالىشىلىك جىلۋمەن جابدىقتاۋ جەلىلەرىن رەكونسترۋكسيالاۋ شەڭبەرىندە جالپى ۇزىندىعى 8 شاقىرىم جەر ٴۇستى ماگيسترالدىق قۇبىرى جۇرگىزىلدى. جىلۋ جەلىلەرى تراسساسىنىڭ جالپى ۇزىندىعى 22 شاقىرىمدى قۇرايدى.
"قازىرگى تاڭدا ىقشام اۋداننىڭ 36 تۇرعىن ۇيىنە جىلۋ بەرىلدى، بارلىق 53 ٴۇيدى تولىق قوسۋدى 20 قازانعا دەيىن اياقتاۋ جوسپارلانۋدا"، - دەدى اتىراۋ قالاسى اكىمىنىڭ ورىنباسارى نۇرلان تاۋبايەۆ.
فوتو: اكىمدىكتىڭ ٴباسپاسوز قىزمەتى
جوبالىق-سمەتالىق قۇجاتتاماعا سايكەس بالىقشىداعى ۇيلەر جەو-عا تاۋەلدى سحەما بويىنشا جىلىتۋمەن جانە ىقشام اۋداننىڭ تاريحىندا العاش رەت ىستىق سۋمەن قامتاماسىز ەتىلەتىن بولادى. ماگيسترالدىق جىلۋ تراسساسى مەن جىلۋ پۋنكتىنىڭ قۇرىلىسىمەن "ارال سەرۆيس" جشس، كۆارتالىشىلىك جىلۋ تراسساسى قۇرىلىسىمەن - "گراند ماستەر"جشس اينالىستى. جوبا 90% جەرگىلىكتى بيۋدجەتتەن جانە 10% رەسپۋبليكالىق بيۋدجەتتەن قارجىلاندىرىلدى.
"بۇگىنگى تاڭدا جوبا اياقتالدى، ول ٴۇش بولىكتەن تۇردى، ٴبىرىنشى ٴبولىم - ماگيسترالدىق جىلۋ جەلىلەرى، ەكىنشى ٴبولىم - ورتالىق جىلۋ پۋنكتى جانە سوڭعى تارماق. بۇگىنگى كۇنى ورتالىق جىلۋ پۋنكتىنىڭ قۋاتى 15 مەگاۆاتت - ىستىق سۋعا، 15 مەگاۆاتت-جىلۋعا، جالپى 30 مەگاۆاتتى قۇرايدى. ٴۇش جوبانىڭ جالپى قۇنى - 3، 3 ملرد تەڭگە، - دەدى قالالىق قۇرىلىس ٴبولىمىنىڭ باسشىسى تيمۋر باساروۆ.
بالىقشى كەنتىنىڭ تاريحى 1937 جىلدان باستاپ اتىراۋ بالىق كونسەرۆىلەۋ كومبيناتىنىڭ قۇرىلۋىنان باستاۋ الادى. وسى ۋاقىتقا دەيىن كەنت تۇرعىندارى ۇيدە ىستىق سۋمەن قامتاماسىز ەتۋدىڭ جانە جىلۋ بەرۋدىڭ ناشارلىعىنان ۇلكەن قولايسىزدىقتار كورىپ كەلگەن بولاتىن.
"بۇل ۇيلەردە ىستىق سۋمەن قامتاماسىز ەتۋگە ارنالعان سۋ قۇبىرى بولعان جوق، ال كوپقاباتتى ۇيلەر گاز قازاندارىمەن جىلىتىلدى، ولاردىڭ قۋاتى بارلىق ۇيلەردى جىلىتۋ ٴۇشىن جەتپەدى. وتكەن جىلدىڭ كۇزىنەن باستاپ اتىراۋ قالاسىنىڭ اكىمدىگى بالىقشى ىقشام اۋدانىندا جاڭا جىلۋ ەنەرگەتيكالىق كەشەن سالۋ جوباسىن جۇزەگە اسىرۋعا كىرىستى. قازىرگى ۋاقىتتا ۇيلەردى ورتالىق جىلۋ جۇيەسىنە قوسۋ اياقتالۋدا. ەندى وسىنىڭ ارقاسىندا بالىقشى تۇرعىندارىنىڭ ۇيلەرىنە جىلۋ جانە ىستىق سۋ كەلەدى"، - دەدى اتىراۋ قالاسىنىڭ اكىمى اليمۇحاممەد قۇتتۇمۇرات- ۇلى.
اتىراۋ وبلىسىنىڭ اكىمى قاراماعىنداعىلارعا بالىقشى ىقشام اۋدانىنداعى ۇيلەردى ورتالىق جىلۋ جۇيەسىنە قوسۋ بويىنشا بارلىق جۇمىستى اياقتاۋدى، اقاۋلىقتار مەن اپاتتى جاعدايلاردى بولدىرماۋ ٴۇشىن بالىقشى ىقشام اۋدانىنداعى ۇيلەردى ارالاپ شىعۋدى تاپسىردى.
ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!
6546
0