BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

اتىراۋدا جىل سوڭىنا دەيىن 6 مەكتەپ، 10 بالاباقشا پايدالانۋعا بەرىلەدى

استانا، baq.kz ٴتىلشىسى. اتىراۋ وبلىسىندا جىل سوڭىنا دەيىن 30 الەۋمەتتىك نىساننىڭ قۇرىلىسىن اياقتاۋ جوسپارلانۋدا. بۇل تۋرالى اتىراۋ وبلىسىنىڭ اكىمى نۇرلان نوعايەۆ ورتالىق كوممۋنيكاسيالار قىزمەتىندە وتكەن بريفينگتە ەسكەرتتى.

ٴوڭىر باسشىسى «مەملەكەت باسشىسىنىڭ جولداۋىن ىسكە اسىرۋ اياسىندا 2018 جىلدىڭ 9 ايىنداعى اتىراۋ وبلىسىنىڭ الەۋمەتتىك-ەكونوميكالىق دامۋ قورىتىندىلارى» تاقىرىبىندا ٴسوز سويلەدى.

سپيكەردىڭ ايتۋىنشا، بيىلعى جىلى اتىراۋ وبلىسىندا 13 نىسان پايدالانۋعا بەرىلدى: 724 ورىندىق 2 مەكتەپ، 1000 ورىندىق 5 بالاباقشا، 600 ورىندىق 2 مادەنيەت ٴۇيى، 1 دەنساۋلىق ساقتاۋ نىسانى، 480 ورىندىق 2 دەنە شىنىقتىرۋ-ساۋىقتىرۋ كەشەنى جانە 100 ورىندىق 1 جاتاقحانا.

"جىل سوڭىنا دەيىن جالپى العاندا 30 الەۋمەتتىك نىساننىڭ قۇرىلىسىن اياقتاۋ جوسپارلانۋدا: 1244 ورىندىق 6 مەكتەپ، 1960 ورىندىق 10 بالاباقشا، 700 ورىندىق 3 مادەنيەت ٴۇيى، 4 دەنساۋلىق ساقتاۋ نىسانى، 70 ورىندىق 2 دەنە شىنىقتىرۋ-ساۋىقتىرۋ كەشەنى، قالادان شىعاتىن جولداردا 4 ستاسيونارلىق كولىك پوليسيا بەكەتى جانە مامانداندىرىلعان حقكو"، - دەدى نۇرلان نوعايەۆ.

اتىراۋ وبلىسىنىڭ اكىمى ايتىپ وتكەندەي، كەلەسى جىلى 28 الەۋمەتتىك نىساننىڭ قۇرىلىسى اياقتالادى: 3264 ورىندىق 7 مەكتەپ، 850 ورىندىق 3 بالاباقشا، 1200 ورىندىق 5 مادەنيەت ٴۇيى، 3 دەنساۋلىق ساقتاۋ نىسانى، 123 ورىندىق 2 دەنە شىنىقتىرۋ-ساۋىقتىرۋ كەشەنى، 450 ورىندىق 3 جاتاقحانا، 1 كوللەدج، 1 ليسەي، وقۋشىلار مەن جاستار سارايى، قۇلسارى قالاسىنداعى كىتاپحانا مەن مۇراجاي.

سونداي-اق، نۇرلان نوعايەۆتىڭ ايتۋىنشا مەملەكەت باسشىسىنىڭ «رۋحاني جاڭعىرۋ» باعدارلامالىق ماقالاسىندا كورسەتىلگەن مىندەتتەردى ىسكە اسىرۋ جۇمىستارى اتىراۋ وبلىسىندا بەكىتىلگەن كەستە بويىنشا جۇرگىزىلۋدە. جالپى 127 ماڭىزدى ٴىس-شارالار وتكىزۋ جوسپارلانۋدا، ونىڭ ىشىندە: 5 حالىقارالىق، 2 رەسپۋبليكالىق، 75 وبلىستىق، 45 قالالىق جانە اۋداندىق اۋقىمداعى ٴىس-شارالار بار.

ەستەرىڭىزدە بولسا، بۇعان دەيىن ٴوڭىر باسشىسى 2019 جىلدىڭ 1 قاڭتارىنان باستاپ ٴوڭىردىڭ ون مىڭنان استام تۇرعىنىنىڭ ەڭبەك اقىسى كوتەرىلەتىنى تۋرالى ايتتى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي