BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

اتىراۋدا جاڭا ستۋدەنتتىك كامپۋس سالىنادى

اتىراۋ مۇناي جانە گاز ينستيتۋتىنىڭ جاڭا كامپۋسىن سالۋ ٴۇشىن 200 گەكتار جەر ٴبولىندى، دەپ حابارلايدى baq.kz اقپارات اگەنتتىگى اتىراۋ وبلىسىنىڭ وڭىرلىك كوممۋنيكاسيالار قىزمەتىنىڭ باسپاسوزىنە سىلتەمە جاساپ.

بۇل تۋرالى اۋنيگ قامقورشىلىق كەڭەسىنىڭ ٴبىرىنشى وتىرىسىندا بەلگىلى بولدى. قازىرگى ۋاقىتتا جاڭا نىساننىڭ ورنىن بەلگىلەۋ ٴۇشىن اتىراۋ وبلىسىنىڭ اكىمدىگىمەن بىرگە جەر ۋچاسكەلەرىن ٴبولۋ ماسەلەلەرى قارالۋدا.

جاڭا ستۋدەنتتىك قالاشىق سپروتتىق، عىلىمي زەرتتەۋ زەرتحانالارى، تەحنيكالىق ٴبىلىم بەرۋ جانە ستۋدەنتتەرگە ارنالعان تۇرعىن كورپۋستارى سەكىلدى ٴارتۇرلى عيماراتتاردان تۇرادى. كامپۋستا ستۋدەنتتەر كۇنى بويى تەوريالىق جانە پراكتيكالىق تۇردە ٴبىلىم الۋلارى ٴۇشىن بارلىق قاجەتتى قۇرالدارمەن قامتاماسىز ەتىلەتىن بولادى دەپ جوسپارلاۋدا. سونداي-اق، كامپۋس اۋماعىندا حالىققا قىزمەت كورسەتۋ ورتالىعى سياقتى ستۋدەنتتىك قىزمەت ورتالىعى اشىلادى. وندا ستۋدەنتتەر ٴبىر تەرەزە قاعيداسى بويىنشا وزدەرىنە قاجەتتى قىزمەتتەر الا الادى.

ەستەرىڭىزگە سالا كەتەيىك، قازىرگى كەزدە ينستيتۋتتى ۋنيۆەرسيتەت دەپ وزگەرتۋ پروسەسى قايتا ٴجۇرىپ جاتىر. ۋنيۆەرسيتەت اتاعىن ساقتاۋ ٴۇشىن ٴبىلىم بەرۋ باسشىلىعى قولدانىستاعى وقۋ كورپۋسىن جاڭعىرتۋعا، عيماراتتى زامانعا ساي جاڭا وقۋ جابدىقتارىمەن جابدىقتاۋعا نيەتتى.

ٴ-بىز اۋنيگ-تىڭ ٴبىلىم بەرۋ دەڭگەيى رەسەيلىك گۋبكين اتىنداعى ۋنيۆەرسيتەتتەن كەم بولماعانىن قالايمىز. ول ٴۇشىن ٴبىز بار كۇشىمىزدى سالامىز. جاڭا ستۋدەنتتىك كامپۋس بىزگە ٴبىلىم بەرۋ ساپاسىن جوعارلاتۋعا جانە مۇناي-گاز سالاسىندا جەرگىلىكتى كادرلاردى دايارلاۋ ساپاسىن جاقسارتۋعا كومەكتەسەدى، - دەيدى اۋنيگ رەكتورى الي ابىشەۆ.

ۋنيۆەرسيتەتتىڭ قامقورلىق كەڭەسىنىڭ ٴتوراعاسى بولىپ سايلانعان وبلىس باسشىسى نۇرلان نوعايەۆ، ستۋدەنتتىك كامپۋستاردى قۇرۋ تۋرالى يدەيانى قولداپ، قازىرگى ۋاقىتتا كامپۋسقا جەر ٴبولۋ تۋرالى ماسەلەنى قاراستىرىلىپ جاتقانىن مالىمدەدى. اۋنيگ كامپۋسىنىڭ قۇرىلىسى كەلەسى جىلى باستالىپ، ماحامبەت اۋدانىنىڭ اۋماعىندا سالىناتىن بولادى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي