2004 
0
21 ورىندىق جانە تۇرىپ تۇرۋعا ارنالعان 75 ورنى بار 11 مەترلىك اۆتوبۋستار اتىراۋداعى قوعامدىق كولىكتەر قاتارىن تولىقتىردى، دەپ حابارلايدى baq.kz اقپارات اگەنتتىگى.
6563
0 
استانا: 
21 ورىندىق جانە تۇرىپ تۇرۋعا ارنالعان 75 ورنى بار 11 مەترلىك اۆتوبۋستار اتىراۋداعى قوعامدىق كولىكتەر قاتارىن تولىقتىردى، دەپ حابارلايدى baq.kz اقپارات اگەنتتىگى.
وسىلايشا، اتىراۋدا قوعامدىق كولىك تۇجىرىمداماسىن ىسكە اسىرۋ باستالدى. اعىمداعى جىلدىڭ اياعىنا دەيىن اتىراۋعا تاعى 80 جاڭا اۆتوبۋس كەلەدى.
"جوبا ينۆەستورلاردىڭ قارجىسىمەن جۇزەگە اسۋدا، مەملەكەت تەك كاسىپكەرگە ليزينگ شەڭبەرىندە اۆتوبۋستار ساتىپ الۋعا بولىنگەن نەسيەگە سۋبسيديا تولەيدى. جاڭا قوعامدىق كولىكتە ەلەكتروندى بيلەت جۇيەسى ورناتىلعان. جاڭا اۆتوبۋستار № 14 مارشرۋتقا بەرىلەدى، سەبەبى قالاداعى ەڭ كوپ كۇش سالىناتىن وسى باعىت بولىپ تۇر، قالعان باعىتتار كەيىن جاڭالانادى"،-دەيدى اتىراۋ قالاسى اكىمىنىڭ ورىنباسارى مەيىرىم قالاۋي.
ايتا كەتەيىك، "deo -217" ماركالى جاڭا اۆتوبۋستار 21 ورىندىق، 2 ورىن مۇمكىندىگى شەكتەۋلى جاندارعا ارنالعان جانە تۇرىپ تۇرۋعا ارنالعان 75 ورنى بار. قوعامدىق كولىك ۇزىندىعى - 11 مەتر.
"بۇگىنگى ٴبىزدىڭ باستى مىندەتىمىز قوعامدىق كولىكتەگى جاڭا تۇجىرىمدامانى جۇزەگە اسىرۋ بولىپ تابىلادى، بۇل ماسەلە وبلىس اكىمىنىڭ باقىلاۋىندا. ەلەكتروندىق بيلەتتەردى ەنگىزۋمەن قاتار ٴبىز بيۋدجەتتەگى سالىق تۇسىمدەرىن كوبەيتۋگە، جولاۋشىلار تاسىمالى جۇيەسىن وزگەرتۋگە، قولدانىستاعى قوعامدىق كولىكتەردىڭ جاي-كۇيىن جاقسارتۋعا جانە جاڭادان ساتىپ الىنعان كولىكتەردى جاقسى جاعدايدا ۇستاۋعا نيەتتىمىز. بۇدان بولەك، قايتا قۇرۋ مەن كەڭەيتۋگە كوشكەن كوشەلەردە 23 جاڭا ايالداما ورناتتىق، كەلەسى جىلى 254 شاقىرىمدىق جاياۋ جۇرگىنشىلەر جولىن سالۋدى جوسپارلاپ وتىرمىز"،- دەيدى قالا اكىمى اليمۇxاممەد قۇتتۇمۇرات ۇلى.
ەسكە سالساق، ۇستىمىزدەگى جىلدىڭ مامىر ايىندا اتىراۋ وبلىسىنىڭ اكىمى نۇرلان نوعايەۆ وڭىرلىك ۇەۇ-مەن كەزدەسۋ كەزىندە وبلىس ورتالىعىندا قوعامدىق كولىكتىڭ جەتىسپەۋشىلىگى جاقىندا شەشىمىن تاباتىنىن ايتقان بولاتىن. اتىراۋ قالاسىندا 15 قىركۇيەكتەن باستاپ پيلوتتىق رەجيمدە جاڭا ەلەكتروندىق بيلەتتەر جۇيەسى ىسكە قوسىلدى، 6 قازاندا قالانىڭ اۆتوپاركى 23 جاڭا اۆتوبۋسپەن تولتىرىلدى. 2018 جىلى جىل سوڭىنا دەيىن جاڭا 80 اۆتوبۋس ساتىپ الىنادى.
ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!
