BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

اتىراۋدا jas sarbaz اسكەري-سپورتتىق ينتەللەكتۋالدى ەستافەتاسى ٴوتتى

فوتو: интернеттен

استانا، baq.kz. اتىراۋداعى «مۇنايشى» ستاديونىندا اسكەري-پاتريوتتىق كلۋبتار اراسىندا (10-11 سىنىپ وقۋشىلارى مەن 1-2 كۋرس كوللەدج ستۋدەنتتەرى) «jas sarbaz» اتتى اسكەري-سپورتتىق ينتەللەكتۋالدى ەستافەتا ٴوتتى.

اتالعان ٴىس-شارانى اتىراۋ وبلىسى قورعانىس ىستەرى جونىندەگى دەپارتامەنتى مەن اتىراۋ ايماقتىق دەنە تاربيەسى جانە سپورتتى دامىتۋ ورتالىعى جانىنداعى العاشقى اسكەري دايىندىق كابينەتىمەن بىرلەسە وتىرىپ ۇيىمداستىردى. جارىسقا قالا مەن اۋدانداردان ىرىكتەلگەن 9 كوماندا قاتىستى (150 وقۋشى-ستۋدەنت).

ٴىس-شاراعا اتىراۋ وبلىسىنىڭ اسكەري-پاتريوتتىق كلۋبتارىنىڭ جەتەكشىلەرى مەن ح.دوسمۇحامەدوۆ اتىنداعى مەملەكەتتىك ۋنيۆەرسيتەتى جانىنداعى اسكەري كافەدرانىڭ وكىلدەرى شاقىرىلدى.

كوماندالارعا ساتتىلىك تىلەي كەلگەن دەنە تاربيەسى جانە سپورتتى دامىتۋ ورتالىعىنىڭ ديرەكتورى ٴسادىرجان جەكەنوۆ وسىنداي اسكەري-پاتريوتتىق شارالاردى ۇيىمداستىرۋدىڭ جاستار ٴۇشىن ماڭىزى زور دەيدى.

«ەلىمىزدە اسكەري سالانى دامىتۋعا، وعان جاستاردى تارتۋعا جەتكىلىكتى كوڭىل ٴبولىنىپ كەلەدى. وسكەلەڭ ۇرپاققا وتانشىلدىق تاربيە بەرۋدە، جىگەرلى جاستاردى تاربيەلەۋدە وسى اسكەري-پاتريوتتىق كلۋبتاردىڭ ورنى ەرەكشە دەۋگە بولادى. سىزدەرگە بۇگىنگى سايىستا ساتتىلىك تىلەيمىن. وبلىستىق، رەسپۋبليكالىق، حالىقارالىق سايىستاردا وبلىسىمىزدىڭ ابىرويىن اسقاقتاتا بەرىڭىزدەر»، - دەدى ٴسادىرجان جەكەنوۆ.

اسكەري-سپورتتىق ينتەللەكتۋالدى ەستافەتا كوماندالىق جانە جەكەشە سپورت تۇرلەرىنەن ٴوتتى.

ەستافەتا قاتىسۋشىلارى كەلەسى جارىس تۇرلەرىنەن سايىسقا ٴتۇستى:

  • سپورتتىق (سەكىرۋ، جورعالاۋ);
  • ينتەللەكتۋالدى (كومپيۋتەر سۇراعىنا جاۋاپ بەرۋ)
  • اك-74 اۆتوماتىن بولشەكتەۋ جانە جيناقتاۋ;
  • العاشقى مەديسينالىق كومەك كورسەتۋ;
  • جالپىاسكەري قورعانىس كيىمى مەن گاز تۇمشالارىن كييۋ.

«ٴىس-شارانىڭ باستى ماقساتى – جاستار اراسىندا قارۋلى كۇشتەرىندەگى اسكەري قىزمەتتى ناسيحاتتاۋ، اسكەري قىزمەتكە دەگەن قىزىعۋشىلىعىن ارتتىرۋ، سونداي-اق وسكەلەڭ ۇرپاقتى سالاۋاتتى ٴومىر سالتىن ۇستانۋعا شاقىرۋ»، - دەپ تولىقتىردى اتىراۋ وبلىسىنىڭ ٴقىد ٴباسپاسوز قىزمەتى.

ەستافەتا قورىتىندىسى بويىنشا ٴبىرىنشى ورىندى يەلەنگەن جىلىوي اۋدانىنان «نامىس» كلۋبى. سونداي-اق، ۇشتىككە ىلىنگەن جەڭىمپازدار قاتارىنا اتىراۋ قالاسى №27 مەكتەبىنىڭ «سارباز» كومانداسى مەن يساتاي اۋدانىنان «قورعانىس» كومانداسى. جەڭىمپازدارعا كۋبوك تاپسىرىلىپ، ٴاربىر ويىنشى مەدال جانە گراموتالارمەن ماراپاتتالدى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

سسىلكي پو تەمە:
كوممەنتاريي