اتىراۋ وبلىسىنىڭ كاسىپورىندارى جالاقىنى كوتەرە باستادى

استانا، baq.kz. اتىراۋ وبلىسىندا كاسىپورىندار ٴوز قىزمەتكەرلەرىنىڭ قارجىلىق تۇراقتىلىعىن جاقسارتۋ بويىنشا جۇمىستاردى باستادى. مەملەكەت باسشىسىنىڭ قازاقستان حالقىنا جولداۋىندا ايتىلعان ەڭ تومەنگى جالاقى مولشەرىن ارتتىرۋ جونىندەگى تاپسىرمالار اياسىندا ٴوڭىردىڭ ٴبىرقاتار كومپانيالارى ٴوز قىزمەتكەرلەرىنىڭ جالاقىسىن ورتاشا ەسەپپەن 10-نان 30% - عا دەيىن ارتتىردى.

سوڭعى مالىمەتتەر بويىنشا وبلىستىڭ 1724 كاسىپورنىندا 10030 قىزمەتكەردىڭ جالاقىسى 42،5 مىڭ تەڭگەدەن تومەن. اتىراۋ وبلىسى جۇمىسپەن قامتۋدى ۇيلەستىرۋ جانە الەۋمەتتىك باعدارلامالار باسقارماسىنىڭ باسشىسى اسقار جاناحمەتتىڭ ايتۋىنشا قازىرگى ۋاقىتتا مەملەكەتتىك ەڭبەك ينسپەكسياسى باسقارماسى مەن كاسىپكەرلىك جانە يندۋستريالدىق-يننوۆاسيالىق دامۋ باسقارماسىمەن بىرلەسىپ جۇمىس بەرۋشىلەر مەن ٴىرى ۇيىمدار اراسىندا جالاقىسى تومەن قىزمەتكەرلەردىڭ جالاقىسىن كوتەرۋگە قاتىستى مىندەتتەردى ٴتۇسىندىرۋ جۇمىستارى جۇرگىزىلۋدە. بۇل جۇمىس ٴوز ناتيجەسىن بەرۋدە.

«قاسحيم» جشس ديرەكتورى ەتيبار مامادوۆتىڭ ايتۋىنشا اعىمداعى جىلى كاسىپورىننىڭ كەيبىر قىزمەتكەرلەرىنىڭ جالاقىسىن 12% - عا كوتەردى. كەلەسى جىلى قالعان قىزمەتكەرلەر ٴۇشىن 10-15% - عا وسەدى دەپ كۇتىلۋدە.

«بۇگىنگى كۇنى ٴبىزدىڭ قىزمەتكەرلەر 66-75 مىڭ تەڭگە الادى. مەن اتاپ وتكەندەي، كەلەسى جىلدىڭ ناۋرىز ايىنان باستاپ اتقاراتىن قىزمەتىنە قاراماستان ٴبىز كاسىپورىندا جالاقىنى 10-15% - عا كوتەرۋدى جوسپارلاپ وتىرمىز»، - دەدى ەتيبار مامادوۆ.

بۇگىندە 2006 جىلى قۇرىلعان «كاسحيم» جشس-دە 180 ادام جۇمىس ىستەيدى. كومپانيا پوليپروپيلەن مەن سۋسىمالى ونىمدەرگە ارنالعان پوليەتيلەننەن جاسالعان جۇمساق قاپتامانىڭ جەتەكشى قازاقستاندىق ٴوندىرۋشىسى بولىپ تابىلادى.

«caspian contractors trust atyrau» كومپانياسى 2002 جىلى قۇرىلعان. قۇرىلعان ساتتەن باستاپ كومپانيانىڭ ماماندانۋى مۇناي-گاز سالاسىندا جوبالاۋ-ىزدەستىرۋ جۇمىستارىن ورىنداۋ بولىپ تابىلادى. سونداي-اق كومپانيا قازىرگى ۋاقىتتا مەتالل قۇرىلىمدارىن سالۋ جانە وندىرۋمەن اينالىسادى.

«ٴبىز مەملەكەت باسشىسىنىڭ ساياساتىن قولدايمىز. قازىرگى تاڭدا ٴبىز كاسىپورىننىڭ تەحنيكالىق قىزمەتكەرلەرىنىڭ جالاقىسىن كوتەرۋ بويىنشا جۇمىس جۇرگىزدىك. ەگەر بۇعان دەيىن ولار 35 مىڭ تەڭگە السا، بۇگىندە ولاردىڭ جالاقىسى 55 مىڭ تەڭگەنى قۇرايدى»، - دەدى كومپانيانىڭ اتقارۋشى ديرەكتورى مۇرات سقاقوۆ.

كومپانيا قىزمەتكەرلەرىنىڭ ورتاشا جالاقىسى 100 مىڭ تەڭگەنى قۇرايدى. الايدا ٴىرى جۇمىس كولەمىن جۇزەگە اسىرۋ كەزىندە جالاقى 300-350 مىڭ تەڭگەگە دەيىن جەتەدى. بۇگىنگى تاڭدا بۇل كومپانيادا 255 ادام ەڭبەك ەتەدى.

«جىگەرمۇنايسەرۆيس» جشس-گى جاعداي تۋرالى ديرەكتوردىڭ ورىنباسارى تيمۋر قوجاقانوۆ ايتىپ بەردى.

«ٴبىزدىڭ كوپبەيىندى كاسىپورىندا 380 ادام جۇمىس ىستەيدى. ٴبىز ەڭبەك جاعدايلارىنا دا، ونىڭ لايىقتى تولەمىنە دە كوپ كوڭىل بولەمىز. ٴبىز قىزمەتكەرلەردىڭ جالاقىسىن كوتەرۋ بويىنشا جۇمىستار جۇرگىزدىك. ورتا ەسەپپەن ٴبىزدىڭ قىزمەتكەرلەر 180 مىڭ تەڭگەگە دەيىن الادى. ەڭ تومەنگى جالاقى 110 مىڭ تەڭگە دەڭگەيىندە. بۇرىن ٴبىزدىڭ قىزمەتكەرلەر كەم دەگەندە 80-90 مىڭ الدى. بۇل ماسەلە ٴبىزدىڭ باقىلاۋىمىزدا. كەلەسى جىلى دا ٴبىز قىزمەتكەرلەردىڭ جالاقىسىن ارتتىرۋدى جوسپارلاپ وتىرمىز. بۇل جۇمىستى جىل ورتاسىندا جۇرگىزەمىز دەپ ويلايمىن»، - دەدى تيمۋر قوجاقانوۆ.

ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!