BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

اتىراۋ وبلىسىنىڭ اكىمى حالىق شاعىمىنا ۋاقتىلى جاۋاپ بەرۋدى تاپسىردى

فوتو: Атырау облыстық ӨКҚ

وبلىس اكىمدىگىندە ايماق باسشىسى نۇرلان نوعايەۆتىڭ توراعالىعىمەن سىبايلاس جەمقورلىققا قارسى كۇرەس جونىندەگى وبلىستىق كوميسسيانىڭ كەزەكتى وتىرىسى ٴوتتى، دەپ حابارلايدى baq.kz اقپارات اگەنتتىگى وبلىستىق وڭىرلىك كوممۋنيكاسيالار قىزمەتىنە سىلتەمە جاساپ.

وتىرىستا سىبايلاس جەمقورلىققا قارسى ٴىس-قيمىل جانە مەملەكەتتىك قىزمەتشىلەردىڭ ەتيكالىق كودەكسىنىڭ ساقتالۋىن قامتاماسىز ەتۋ شارالارى تالقىلاندى.

اتىراۋ وبلىسى بويىنشا مەملەكەتتىك كىرىستەر دەپارتامەنتىنىڭ باسشىسى ەرلان جانبايەۆ جانە قۇقىقتىق ستاتيستيكا جانە ارنايى ەسەپكە الۋ كوميتەتى دەپارتامەنتىنىڭ باستىعى نۇرلان احمەتبايەۆ وبلىس باسشىسىنا ەسەپ بەردى. ولار سىبايلاس جەمقورلىقتىڭ الدىن الۋ شارالارى، مەملەكەتتىك قىزمەت سالاسىنداعى باقىلاۋ، سونداي-اق مەملەكەتتىك قىزمەتتەردىڭ ساپاسىن ارتتىرۋ جونىندەگى شارالاردىڭ تالداۋ ناتيجەلەرىن جاريالادى.

"ٴبىز سيفرلاندىرۋدى ەنگىزۋگە ەرەكشە نازار اۋدارامىز. قازىرگى ۋاقىتتا مەملەكەتتىك كىرىس ورگاندارىنان مەملەكەتتىك قىزمەتتىڭ 48 ٴتۇرى ۇسىنىلىپ وتىر. 26 قىزمەت ٴتۇرى «ازاماتتارعا ارنالعان ۇكىمەت» مەملەكەتتىك كورپوراسيا ارقىلى جۇزەگە اسىرىلادى. سونىمەن قاتار، قاعاز فورماتىندا ۇسىنىلاتىن 14 مەملەكەتتىك قىزمەتتى ەلەكتروندىق فورماتقا اۋدارۋ بويىنشا جۇمىستار جۇرگىزىلۋدە، - دەدى اتىراۋ وبلىسى بويىنشا مەملەكەتتىك كىرىستەر دەپارتامەنتىنىڭ باستىعى ەرلان جانبايەۆ.

ايماق باسشىسى مەملەكەتتىك كىرىس ورگاندارىنىڭ اتقارعان جۇمىسىنا وڭ باعا بەرىپ،وڭىردە مەملەكەتتىك ورگاندار مەن حالىق اراسىندا تىكەلەي بايلانىس ورناتۋ بويىنشا اۋقىمدى جۇمىستار جۇرگىزىلىپ جاتقانىن اتاپ ٴوتتى.

"ەلباسىنىڭ تاپسىرماسى بويىنشا ، مەملەكەتتىك ورگانداردىڭ جۇرتشىلىقپەن كەرى بايلانىس ورناتۋ جۇمىسى جۇرگىزىلۋدە، جانە بارلىق دەڭگەيدەگى باسشىلار ازاماتتاردىڭ جەكە قابىلداۋلارىن جۇرگىزەدى. سونىمەن قاتار، الەۋمەتتىك جەلىلەردە telegram جانە acq قوسىمشاسى بەلسەندى جۇمىس ىستەۋدە.ولاردىڭ ٴارقايسىسىندا 3000-3 500 ادام تىركەلگەن، بارلىق وتىنىشتەر جان جاقتى قاراستىرىلىپ، سودان كەيىن حالىقپەن تىكەلەي بايلانىسقا شىعادى"،- دەپ مالىمدەدى نۇرلان نوعايەۆ.

اكىمشىلىكتەر شاعىمداردى قابىلداپ، جاۋاپتارىن جىبەرەدى. بۇل باستاما جاقسى ناتيجەلەرىن كورسەتۋدە. ٴبىز بۇل بايلانىستىڭ ودان ٴارى ارتۋىن جالعاستىرامىز.

اتىراۋ وبلىسىنىڭ اكىمى بارلىق مەملەكەتتىك ورگانداردىڭ باسشىلارىنا حالىقتىڭ شاعىمدارى مەن وتىنىشتەرىنە ۋاقتىلى جاۋاپ بەرۋدى، كۇن سايىن ۇسىنىلاتىن مەملەكەتتىك قىزمەتتەردىڭ ساپاسىن ارتتىرۋدى تاپسىردى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي