BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

استانادا ورتەنىپ جاتقان كولىكتىڭ ىشىندەگى بالا قۇتقارىلدى

استاناداعى ۇلتتىق ۇلاننىڭ جاۋىنگەرلەرى كەشە كەشكە جانىپ جاتقان كولىكتەن بالانى قۇتقارىپ قالدى، دەپ حابارلايدى baq.kz اقپارات اگەنتتىگى.

وقيعا ساعات 20.00 شاماسىندا استانا قالاسىنداعى التىنسارين كوشەسىندە بولعان.

ۇلتتىق ۇلاننىڭ 5573 اسكەري ٴبولىمىنىڭ جاۋىنگەرلەرى جانىپ جاتقان «volkswagen passat» ماركالى كولىكتى بايقايدى.

اسكەري جاساق باستىعى ٴالىمقۇل تەمىرلان مەن پاترۋلدەر بەيىمبەت مۇرات ۇلى جانە ماعجان ايدارحانوۆ وقيعا تۋرالى دەرەۋ اسكەري جاساق كەزەكشىسى اعا لەيتەنانت ەربول جۋمين مەن پاترۋلدىك توپ باستىعى سەرجانت قيزات پىشەمبايەۆقا باياندايدى. ارتىنشا سارىارقا اۋدانى ٴىىب «بارس» كەزەكشى قىزمەتى ارقىلى ٴورت ٴسوندىرۋ جاساعىن شاقىرادى.

ۇلاندىقتار ەڭ ٴبىرىنشى كەزەكتە كولىك ىشىندە ابدىراپ وتىرعان كولىك يەسىنىڭ 4-5 جاسار نەمەرەسىن سىرتقا شىعارادى. سودان ٴورت ٴسوندىرۋ قىزمەتى كەلگەنشە ۋاقىت جوعالتپاي، وقيعا ورنىن قورشاۋعا الىپ، قاۋىپسىزدىك شارالارىن قامتاماسىز ەتەدى. ولار كوشەدەگى كولىكتەر مەن جاقىن ماڭداعى №25 مەكتەپتىڭ كوبىكتى ٴورت سوندىرگىش قۇرالدارىن پايدالانا وتىرىپ، جالىندى اۋىزدىقتايدى.

قر ۇلتتىق ۇلانىنىڭ ٴباسپاسوز قىزمەتى ٴمالىم ەتكەندەي، كولىك يەسى 1947 ج.ت. اندريۋسەنكو يۋريي پەتروۆيچ دەر كەزىندە كومەككە كەلىپ، جاماندىقتىڭ الدىن العان ۇلتتىق ۇلان اسكەري قىزمەتشىلەرىنە ريزاشىلىعىن جەتكىزدى. ول 5573 اسكەري ٴبولىمى كومانديرىنىڭ اتىنا العىس جولدادى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي