BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

استانادا تۇڭعىش پرەزيدەنت كۇنى ومىرگە كەلگەن العاشقى سابيگە نۇرسۇلتان دەگەن ات قويىلدى

استانادا تۇڭعىش پرەزيدەنت كۇنى ومىرگە كەلگەن العاشقى بالاعا نۇرسۇلتان دەگەن ات قويىلدى، دەپ حابارلايدى baq.kz اقپارات اگەنتتىگى ەلوردا اكىمدىگىنىڭ مەديا ورتالىعىنا سىلتەمە جاساپ.

ەلوردا پەرزەنتحانالارىندا 1 جەلتوقسان كۇنى تۇنگى اۋىسىمدا 27 نارەستە دۇنيەگە كەلدى. تۇڭعىش پرەزيدەنت كۇنى ومىرگە كەلگەن العاشقى بالانىڭ ەسىمىن اتا-اناسى نۇرسۇلتان دەپ قويدى.

قالانىڭ ٴۇش پەريناتالدىق ورتالىعىندا تۇنگى اۋىسىمدا 27 ٴسابي ومىرگە كەلدى. ونىڭ - 11 ۇل، 16-سى قىز بالا. ٴبىرىنشى جەلتوقساندا ٴبىرىنشى بولىپ تۋعان ۇل بالانىڭ ەسىمى نۇرسۇلتان، ال قىز بالاعا اتا-اناسى ٴاليما دەگەن ات بەردى.

اتاۋلى مەرەكەمەن وتباسىلىق مەرەكەسىن قاتار مەرەكەلەپ جاتقان وتباسىلار ەلوردا اكىمدىگىنىڭ سىي-سياپاتىنا بولەندى.

ەسىل اۋدانىنىڭ اكىمى ەرماعامبەت بولەكبايەۆ پەن دەنساۋلىق ساقتاۋ باسقارماسىنىڭ باسشىسى كامالجان نادىروۆ №1 پەريناتالدىق ورتالىقتا بوسانعان ايەلدەر مەن ولاردىڭ انالارىن قۇتتىقتادى. بۇعان قوسا استانا اكىمى اسەت يسەكەشەۆتىڭ قوس مەرەكەمەن قۇتتىقتاۋ حاتىن جەتكىزدى.

«ستاتيستيكاعا سۇيەنسەك، ەلوردادا جانە جالپى العاندا ەلىمىزدە جىل سايىن بالا تۋۋ كورسەتكىشى كوبەيىپ، ٴولىم-جىتىم كورسەتكىشى ازايىپ كەلەدى. وتكەن جىلى استانادا 27 مىڭنان استام ٴسابي دۇنيەگە كەلدى. اعىمداعى جىلدىڭ 10 ايىندا 23 مىڭ نارەستە تۋدى. بۇل وتكەن جىلى تۋعانداردان 900 بالاعا ارتىق»، - دەدى دەنساۋلىق ساقتاۋ باسقارماسىنىڭ باسشىسى كامالجان نادىروۆ.

بۇگىندە قالادا ٴۇش پەريناتالدىق ورتالىق بار. ولاردىڭ بارلىعى جوعارى ماتەريالدى-تەحنيكالىق بازا مەن ٴۇشىنشى دەڭگەيگە يە. اتالعان دەڭگەيگە يە پەرزەنتحانالار اۋىر جاعدايداعى جۇكتى ايەلگە وتا جاساپ، بوساندىرا الادى.

جالپى، استانادا تاۋلىگىنە ورتا ەسەپپەن 70 بالا دۇنيەگە كەلەدى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي