BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

اسقار مامين باستاعان جۇمىس توبى تۇركىستانعا باردى

فوتو: Түркістан облысы әкімдігі

تۇركىستان وبلىسى، baq.kz. تۇركىستان قالاسىنا قر پرەمەر-مينيسترىنىڭ ٴبىرىنشى ورىنباسارى اسقار مامين باستاعان جۇمىس توبى كەلدى. وبلىس ورتالىعىنىڭ دامۋ جوسپارىمەن ارنايى تانىسۋعا كەلگەن دەلەگاسياعا ايماق باسشىسى جانسەيىت تۇيمەبايەۆ ٴبىرقاتار نىسانداردى تانىستىردى.

جۇمىس توبى الدىمەن وتىرار مولتەك اۋدانىندا بولىپ، اكىمشىلىك-ىسكەرلىك ورتالىقتا بوي كوتەرىپ جاتقان نىسانداردى ارالاپ كوردى. وندا قازىرگى تاڭدا 26 كوپقاباتتى تۇرعىن ٴۇيدىڭ قۇرىلىس جۇمىستارى جۇرگىزىلۋدە. 1536 پاتەردىڭ ٴ1200-ى (20 تۇرعىن ٴۇي) ارەندالىق ۇيلەر بولسا، قالعان 6 تۇرعىن ٴۇي، ياعني 336 پاتەر كرەديتتىك باسپانالار قاتارىندا.

بيىل قىركۇيەك ايىندا ىرگەتاسى قالانىپ، مەملەكەتتىك بيۋدجەت ەسەبىنەن سالىنىپ جاتقان 60 پاتەرلى 20 تۇرعىن ٴۇيدىڭ ٴ11-ى (660 پاتەر) 2019 جىلدىڭ ٴساۋىر ايىندا تاپسىرىلادى. ال، 9 تۇرعىن ٴۇي (540 پاتەر) كەلەر جىلدىڭ قاراشا ايىنا ەل يگىلىگىنە بەرىلمەك. كرەديتتىك كوپقاباتتى 6 تۇرعىن ٴۇيدىڭ (336 پاتەر) قۇرىلىس جۇمىستارى 2019 جىلدىڭ ماۋسىم ايىندا اياقتالىپ، پايدالانىلۋعا تاپسىرىلادى.

سونداي-اق، وندا مەملەكەتتىك-جەكەشەلىك ارىپتەستىك اياسىندا 280 ورىندىق بالاباقشا پايدالانۋعا بەرىلىپ، 900 ورىندىق مەكتەپ الداعى جىلى وقۋ جىلى قارساڭىندا اشىلاتىن بولادى. ودان بولەك، ىسكەرلىك ورتالىقتا اكىمشىلىك عيماراتى، باسقارمالار جانە دەپارتامەنتتەر ۇيلەرى جانە 5 جۇلدىزدى «ريكسوس» قوناق ٴۇيىنىڭ قۇرىلىسى باستالىپ كەتتى.

قر پرەمەر-مينيسترىنىڭ ٴبىرىنشى ورىنباسارى باستاعان جۇمىس توبىنا تۇركىستان قالاسىنىڭ اكىمى الىپبەك وسەربايەۆ وبلىس ورتالىعىن ينفراقۇرىلىممەن قامتۋ جوسپارىمەن تانىستىردى. تۇركىستان قالاسىنىڭ ينجەنەرلىك ينفراقۇرىلىمى قازىرگى تاڭدا سالىنىپ جاتقان اكىمشىلىك-ىسكەرلىك ورتالىعىنىڭ 270 گەكتار جانە رۋحاني-مادەني ورتالىعىنىڭ 98 گەكتار اۋماعىن قامتاماسىز ەتۋگە مۇمكىندىك بەرەدى. 2018 جىلى تۇركىستان قالاسىندا 20 مىڭ ابونەنت گازبەن قامتاماسىز ەتىلىپ، قامتۋ دەڭگەيى 58 پايىزعا جەتەتىن بولادى.

سونداي-اق، استانالىق دەلەگاسيا «ازىرەت-سۇلتان» مەملەكەتتىك تاريحي-مادەني قورىعىنا ايالدادى. وندا قوجا احمەت ياساۋي كەسەنەسىنىڭ ماڭىنان سالىناتىن تاريحي ارحيتەكتۋرالىق جوبالاردىڭ نوبايىمەن تانىستى. اتالعان اۋماقتاعى 98 گەكتار جەرگە رۋحاني جانە مادەني ورتالىق سالىناتىن بولادى.

فوتولار: تۇركىستان وبلىسى اكىمدىگى


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي