BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

اشم: قىرىلعان بالىق نارىققا شىعارىلمايدى

استانا، baq.kz. جايىق وزەنىندە جاپپاي قىرىلىپ جاتقان بالىقتار ەلىمىزدىڭ ساۋدا ورىندارىنا شىعارىلمايدى. ال زەرتحانادا تەكسەرىلىپ جاتقاندارى زەرتتەۋ جۇمىستارى اياقتالعان سوڭ بىردەن جويىلادى. بۇل تۋرالى بۇگىن اۋىل شارۋاشىلىعى ٴمينيسترىنىڭ كەڭەسشىسى مالىمدەدى، دەپ حابارلايدى «حابار 24».

مينيستر كەڭەسشىسىنىڭ ايتۋىنشا، مينيسترلىك نارىقتاعى بالىق ونىمدەرىن قاتاڭ باقىلاۋدا ۇستايدى.

بۇعان دەيىن اتىراۋ وبلىسىندا بەكىرەنىڭ قىرىلۋ سەبەبىن انىقتاۋ ٴۇشىن سالاارالىق كوميسسيا قۇرىلعان بولاتىن. سونداي-اق شىعىن كولەمىنىڭ 5 ميلليونعا جۋىقتاعانى بەلگىلى بولدى.

«رەسپۋبليكالىق ۆەتەريناريالىق زەرتحانادا بالىقتىڭ نەدەن قىرىلعانىن انىقتاۋ ٴۇشىن زەرتتەۋ جۇمىستارى ٴجۇرىپ جاتىر. ۆەتەريناردىڭ شەشىمى شىققان سوڭ، بۇل بالىقتاردىڭ بارلىعى جويىلادى. ولاردىڭ نارىققا شىعارىلمايتىنىن ناقتى ايتا الامىز»، - دەيدى قر اۋىل شارۋاشىلىعى ٴمينيسترىنىڭ كەڭەسشىسى، ساكەن قالقامانوۆ.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي