BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

اسەت يسەكەشەۆ استانادا قانداي سالالاردىڭ كاسىپكەرلەرگە بەرىلەتىنىن ايتتى

فوتو: Нұржас Жақсыбай

بۇگىن ەلوردادا قالا اكىمى اسەت يسەكەشەۆ «اتامەكەن» ۇكپ ٴتورالقا ٴتوراعاسى تيمۋر ق ۇلىبايەۆپەن جانە شاھاردىڭ كاسىپكەرلەرىمەن كەزدەستى، دەپ حابارلايدى baq.kz ٴتىلشىسى.

جيىن بارىسىندا مەملەكەت پەن بيزنەس اراسىنداعى ٴىس-قيمىلدىڭ جاڭا مۇمكىندىكتەرى تالقىلاندى. ونىڭ ىشىندە استانا قالاسىندا مەملەكەتتىك-جەكەمەنشىك سەرىكتەستىك جوبالارىن جۇزەگە اسىرۋدى تالقىلاۋعا باسىمدىق بەرىلدى.

كاسىپكەرلەرمەن كەزدەسۋ بارىسىندا استانا قالاسىنىڭ اكىمى اسەت يسەكەشەۆ الداعى جىلى قانداي سالالاردىڭ مەملەكەتتىك-جەكەمەنشىك ارىپتەستىك سالاسىنا بەرىلەتىنىن جەتكىزدى.

«بيىل ٴبىز بەينەباقىلاۋ كامەرالارى بويىنشا جوبانى جۇزەگە اسىردىق. جوبا ٴوزىنىڭ ەكونوميكالىق تيىمدىلىگىن كورسەتتى. الداعى ۋاقىتتا ٴبىز مەملەكەتتىك-جەكەمەنشىك ارىپتەستىك نەگىزىندە ٴبىرقاتار جوبالارعا كونكۋرس جاريالايمىز. ٴبىرىنشى جوبا، استانا قالاسىن ينتەللەكتۋالدى جارىقتاندىرۋ. ٴبىز اتالعان جوباعا ينتەرنەتتى دە قوستىق. سەبەبى، الەمدە ينتەلەكتۋالدى باعانالار ينتەرنەتكە قوسىلعان. بۇل جوباعا شەتەلدىك، جەرگىلىكتى كومپانيالار قاتىسۋدا. سونداي-اق ٴبىلىم بەرۋ، دەنساۋلىق ساقتاۋ سالاسىنا دا باسا ٴمان بەرمەكپىز»، - دەدى ول.

يسەكەشەۆتىڭ ايتۋىنشا، بۇگىندە مەكتەپتەر مەن ەمxانالاردى باسقارۋ جۇيەسىن وزگەرتىپ، ٴبىلىم بەرۋ مەن دەنساۋلىق سالاسىندا دا مەملەكەتتىك-جەكەشەمەنشىك سەرىكتەستىكتىڭ اۋقىمىن كەڭەيتۋ ماسەلەسى قارالىپ جاتىر ەكەن.

سونداي-اق شاھار باسشىسى الداعى ۋاقىتتا مەملەكەتتىك-جەكەمەنشىك ارىپتەستىك نەگىزىندە كاسىپكەرلەرگە بەرىلەتىن 2 سالانى اتادى.

«2 ۇلكەن باعىتتى ٴبىز كەلەر جىلى بيزنەس سالاسىنىڭ وكىلدەرىنە بەرگىمىز كەلەدى. شارت 5-7 جىلدى قامتيدى. استانادا اتالعان جۇمىستىڭ اۋقىمى كەڭ. ازىرشە اتالعان سالامەن شاھارداعى كوممۋنالدىق كاسىپورىندار اينالىسۋدا. ٴبىراق الداعى جىلدان باستاپ، جەكەشەلەندىرۋدىڭ ناتيجەسىندە بىزگە مەتودولوگيالىق كومەك قاجەت. سەبەبى، قالا تۇرعىندارى شاھار تازالاعىنا كوڭىلدەرى تولۋى كەرەك. ياعني ٴبىز بيۋدجەتتەن ٴتيىستى رەسۋرستى بەرەمىز. قالادا تازالىققا جاۋاپ بەرەتىن 7-10 كومپانيا پايدا بولعانىن قالايمىز»، - دەدى ول.

سونىمەن قاتار استانا قالاسىنىڭ اكىمى شاھاردى كوگالداندىرۋ مەن قالاداعى مەكتەپتەردى ٴتيىستى ازىق-تۇلىكپەن قامتامىز ەتۋدە مەملەكەتتىك-جەكەمەنشىك ارىپتەستىككە بەرىلەتىنىن جەتكىزدى.

«ەكىنشى ماسەلە، قالانى كوگالداندىرۋعا بايلانىستى. وندا دا رەسۋرس جەتكىلىكتى، قوماقتى قاراجات بار. ٴبىز وسى سالادا 5-7 كومپانيا پايدا بولعانىن قالايمىز. ولار وسى سالاعا، تەحنيكاعا اقشا قۇيسا دەيمىز. ولارعا اتالعان سالانى 5-7 جىلعا باسقارۋعا بەرە الامىز. مەكتەپتى تاماقپەن قامتۋ. بۇل سالانى دا ٴبىز 5-7 جىلعا باسقارۋعا بەرەمىز. مۇندا دا ۇلكەن رەسۋرس بار»، - دەپ تۇيىندەدى ٴسوزىن اسەت يسەكەشەۆ.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي