BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

«ارسەلورميتتال تەمىرتاۋ» شاحتالارىنىڭ جۇمىسى قالپىنا كەلتىرىلىپ جاتىر

قاراعاندىداعى كەنشىلەر ەرەۋىل اياقتالىپ، شاحتالاردىڭ جۇمىسى قالپىنا كەلتىرىلە باستادى. قازىرگى ۋاقىتتا «ارسەلورميتتال تەمىرتاۋ» كومپانياسىنا تيەسىلى «ساران»، «اباي» جانە كۇزەمبايەۆ پەن كوستەنكو اتىنداعى كەنىشتەر جۇمىس ىستەپ تۇر، دەپ حابارلايدى baq.kz اگەنتتىگىنىڭ ايماقتاعى ٴتىلشىسى.

كەشە تۇندە «ارسەلورميتتال تەمىرتاۋ» اق شاحتالارىنداعى كەنشىلەر كەنجاردان شىعىپ، كەنىشتەردىڭ جۇمىسىن قالپىنا كەلتىرۋ جۇمىستارى باستالعان بولاتىن. كومىر دەپارتامەنتىنىڭ ٴتورت شاحتاسى ىسكە قوسىلىپ، قالعان كەنىشتەردىڭ جۇمىسىن قالپىنا كەلتىرۋگە قانشا ۋاقىت كەتەتىندىگى انىقتالىپ جاتىر. بۇل جايىندا كومپانيانىڭ ٴباسپاسوز قىزمەتى حابارلادى.

«15 جەلتوقسان كۇنى «اباي»، «ساران» شاحتالارى مەن كۇزەمبايەۆ، كوستەنكو اتىنداعى شاحتالار ىسكە قوسىلدى. كومىر دەپارتامەنتىنىڭ قالعان شاحتالارىنىڭ جۇمىسىن قايتا قالپىنا كەلتىرۋ جۇمىستارى اتقارىلىپ جاتىر. قازىرگى ۋاقىتتا مەتاللۋرگيا كومبيناتى مەن قۇرال-جابدىقتاردىڭ تىرشىلىكتى قامتاماسىز ەتۋ جۇيەسىنىڭ تولاسسىز قىزمەت ەتۋىنە باعىتتالعان جۇمىس ٴجۇرىپ جاتىر. ينجەنەرلەر مەن تەحنيكالىق جۇمىسكەرلەر قيىن وندىرىستىك ماسەلەلەردى شەشۋدە. كوكسوحيميالىق باتارەيا جۇمىسىنا كومىردىڭ جەتىسپەۋشىلىگى سالدارىنان مەتتالۋرگيا كومبيناتى جۇمىسىنىڭ ٴوندىرىس قۋاتىنىڭ تومەندەۋىنە بايلانىستى جۇمىستى قالپىنا كەلتىرۋ شارالارى دەمالىس جانە مەرەكە كۇندەرى دە جالعاسادى»، - دەدى «ارسەلورميتتال تەمىرتاۋ» اق-نىڭ ٴباسپاسوز قىزمەتىنىڭ باسشىسى ٴزۇلفيرا مۇحامەدياروۆا.

كومپانيانىڭ ٴباسپاسوز قىزمەتى تاراتقان اقپاراتقا سايكەس، «ارسەلورميتتال تەمىرتاۋ» اكىمشىلىگى مەن كەنشىلەر اراسىنداعى كەلىسسوزدەردى كەلىستىرۋشى كوميسسيا ھتكىزىپ جاتىر.

ەستەرىڭىزگە سالايىق، قاراعاندى وبلىسى اكىمى ەرلان قوشانوۆپەن جانە «ارسەلورميتتال تەمىرتاۋ» اق اتقارۋشى ديرەكتورى ۆاديم باسينمەن كەزدەسۋدەن سوڭ شاحتالارداعى 420-عا جۋىق كەنشى جەر بەتىنە كوتەرىلگەن بولاتىن.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي