BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

«ارسەلورميتتال تەمىرتاۋ» كەنشىلەردى قىلمىستىق جاۋاپكەرشىلىككە تارتپايتىن بولدى

قاراعاندىدا كەنشىلەرى ەرەۋىل جاساعان «ارسەلورميتتال تەمىرتاۋ» كومپانياسى جۇمىسكەرلەرىن قىلمىستىق جاۋاپكەرشىلىككە تارتپايتىن بولدى. بۇل تۋرالى كومپانيانىڭ ٴباسپاسوز قىزمەتى xابارلادى، دەپ جازادى baq.kz اگەنتتىگىنىڭ ايماقتاعى ٴتىلشىسى.

«ارسەلورميتتال تەمىرتاۋ» اق كومپانياسى رۇقسات ەتىلمەگەن ەرەۋىلگە قاتىسقان كومىر دەپارتامەنتىنىڭ قىزمەتكەرلەرىن قىلمىستىق جاۋاپكەرشىلىككە جانە جۇمىستان شىعارۋ تۇرىندەگى اكىمشىلىك جازالاۋعا تارتپاۋ جايلى شەشىم شىعاردى»، - دەيدى «ارسەلورميتتال تەمىرتاۋ» كومپانياسىنىڭ ٴباسپاسوز قىزمەتىنىڭ باسشىسى ٴزۇلفيرا مۇxامەدياروۆا.

ونىڭ ايتۋىنشا، شاxتا جۇمىسكەرلەرىنىڭ ۇستىنەن تۇسىرىلگەن تالاپ ارىز تاياۋ ۋاقىتتا قايتارىپ الىنادى.

«تالاپ ارىز جۇمىس كۇنى اياقتالعانعا دەيىن، ياعني 2017 جىلدىڭ 15 جەلتوقسان كۇنى قايتارىلىپ الىنادى»،- دەدى زۋلفيرا مۇxامەدياروۆا.

ەستەرىڭىزگە سالايىق، قاراعاندى وبلىسى اكىمى ەرلان قوشانوۆپەن جانە «ارسەلورميتتال تەمىرتاۋ» اق اتقارۋشى ديرەكتورى ۆاديم باسينمەن كەزدەسۋدەن سوڭ شاحتالارداعى 420-عا جۋىق كەنشى جەر بەتىنە كوتەرىلگەن بولاتىن. قازىرگى ۋاقىتتا كومپانياعا تيەسىلى «اباي»، «ساران» جانە كۇزەمبايەۆ، كوستەنكو اتىنداعى شاxتالاردىڭ جۇمىسى قالپىنا كەلتىرىلىپ، شتاتتىق رەجيمدە جۇمىس ىستەپ تۇر.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي