BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

ارالدىق جاس جىگىت تەمىردەن ٴتۇيىن تۇيەدى

فوتو: Автор

قىزىلوردا، baq.kz ٴتىلشىسى. ارال اۋدانى سەكسەۋىل كەنتىنىڭ تۇرعىنى قايسار الدابەرگەن ۇلى تەمىردەن ٴتۇيىن تۇيەدى. ەلەكتر جانە گازبەن دانەكەرلەۋ ماماندىعىن مەڭگەرگەن ول رەسپۋبليكالىق «ەڭبەك جولى» بايقاۋىنا قاتىسىپ، «ٴوندىرىستىڭ ۇزدىك جاس قىزمەتكەرى» بويىنشا باعىن سىنادى.

25 جاستاعى جىگىت بۇگىندە «قامقور لوكوموتيۆ» سەرىكتەستىگىنىڭ سەكسەۋىل لوكوموتيۆ جوندەۋ دەپوسىندا جۇمىس ىستەيدى. ەل ەكونوميكانىڭ كۇرەتامىرى سانالاتىن تەمىرجول سالاسىن، دالىرەك ايتساق، پويىزدارعا سەرۆيستىك قىزمەت كورسەتەتىن مەكەمەدە جاس مامان ٴوزىنىڭ شەبەرلىگىنىڭ ارقاسىندا ابىرويلى قىزمەت اتقارۋدا.

«مەتالدى دانەكەرلەيمىن. جۇمىسىم سىرت كوزگە وڭاي كورىنەر. شىن مانىندە ىجداھاتتىلىق، شىدامدىلىق قاجەت. شىعارماشىلىق قابىلەتىڭ دە شىڭدالادى. ويتكەنى، ٴبىر تەمىر مەن ەكىنشى تەمىردى دانەكەرلەپ، ادەمى بۇيىم شىعارۋ – ۇلكەن ونەر دەپ بىلەمىن»، – دەيدى جاس مامان.

قايساردىڭ ايتۋىنشا، ەلەكتر جانە گازبەن دانەكەرلەۋشى مامانى كەز كەلگەن وندىرىستە سۇرانىسقا يە.

«دانەكەرلەۋشى بولۋ – بالا كەزگى ارمانىم. اكەم وسى سالادا وتىز جىلدىق ٴومىرىن سارپ ەتكەن. ول «سۆاركانى» قولىنا الىپ، جارقىلداتىپ جاتقاندا، قىزىعىپ قاراپ تۇراتىنمىن. سوندىقتان، اكەمدى ۇستازىم دەپ ايتسام دا بولادى. كەيىن ارال اۋدانى №16 كاسىپتىك تەحنيكالىق ليسەيىندەگى التى ايلىق وقۋ كۋرسىنا قاتىسىپ، دانەكەرلەۋشى ماماندىعىن يگەردىم. وسىلايشا 2016 جىلدان باستاپ سەكسەۋىل لوكوموتيۆ جوندەۋ دەپوسىنىڭ گاز ەلەكتر دانەكەرلەۋشى مامانى اتاندىم»، – دەيدى قايسار.

الدابەرگەن قۇراقوۆ بولسا، بالاسى ٴوزىنىڭ جولىن قۋعانىنا ٴدان ريزا.

«ٴوزىم 30 جىل دانەكەرلەۋشى بولدىم. بالامدى سەگىزىنشى سىنىبىنان باستاپ قاسىما ەرتىپ، دانەكەرلەۋشىلىككە باۋلىدىم. «ۇستازدان شاكىرت وزادى» دەمەكشى، بالام مەنەن وزعالى تۇر. وعان نەگە قۋانباسقا؟! تەمىردەن كوزدىڭ جاۋىن الاتىنداي كەز كەلگەن دۇنيەنى جاساي بەرەدى. تاپسىرىس قابىلدايدى. جىلۋ جۇيەسىن دە جۇرگىزەدى. اعاش ۇستالىعى تاعى بار. مەنىڭ اكەم تۇرالى دا ۇستا بولعان ەدى. ەر-توقىم، ات ابدەلدەرىن شەبەر جاسايتىن. ەندى، مىنە، بالامىز ٴىزىمىزدى جالعاستىرۋدا. بالام شاڭىراق قۇرعان، ەكى نەمەرەمىز بار، شۇكىر»، – دەيدى قايساردىڭ اكەسى.

ونەرلى جىگىت ورگە جۇزۋدە. كاسىبىنەن بولەك، ٴان شىرقاپ، توي-دۋماننىڭ كوركىن قىزدىراتىن تالانتى دا بار.

«ماماندىقتىڭ جامانى جوق، تەك ٴوز كاسىبىڭدى ٴسۇيىپ ىستەسەڭ، جەمىسىن بەرىپ، بيىككە جەتەلەيدى»، – دەدى قايسار ٴسوزىنىڭ سوڭىندا.

فوتولار: اۆتور


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي