BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

الماتىدا ۆەلوجارىس وتكىزۋ كەزىندە ٴبىرقاتار كوشە جابىلادى

الماتىدا «تۋر الماتى-2017» ۆەلوجارىسى بارىسىندا ٴبىرقاتار كوشە جابىلادى، دەپ حابارلايدى baq.kz اقپارات اگەنتتىگى.

الماتىدا ورتالىق ازياداعى ەڭ ٴىرى كاسىبي ۆەلوجارىس وتەدى، وعان قازاقستاننىڭ، فرانسيانىڭ، ٴازىربايجاننىڭ، يراننىڭ، مالايزيانىڭ وزبەكستاننىڭ، قىتاي مەن لاتۆيانىڭ، ۋكراينانىڭ، جاپونيانىڭ، يتاليانىڭ، اقش-تىڭ، شۆەيساريانىڭ، گەرمانيانىڭ، ۇلىبريتانيانىڭ جانە باسقا دا ەلدەردىڭ سپورتشىلارى قاتىسادى. بارلىعى 20-دان استام كوماندا.

«تۋر الماتى» العاش رەت كوپكۇندىك جارىس فورماتى بويىنشا ەكى كەزەڭدە: 30 قىركۇيەك پەن 1 قازاندا وتەدى.

1 كەزەڭ ( 2017 جىل 30 قىركۇيەك)

• 9:00 – 10:40 – قالالىق اينالىم (تولە بي كوشەسىنىڭ بويىمەن فۋرمانوۆ كوشەسىنە دەيىن، فۋرمانوۆ كوشەسىنەن جوعارى ساتپايەۆ كوشەسىنە دەيىن، ساتپايەۆ كوشەسىنەن بايزاقوۆ كوشەسىنە دەيىن، بايزاقوۆ كوشەسىنەن اباي كوشەسىنە دەيىن، اباي كوشەسىنەن جەلتوقسانعا دەيىن، جەلتوقسان كوشەسىنەن تولە بي كوشەسىنە دەيىن)

• 10:40 – 11:00 - شاج – يندۋستريالدى ايماق (تولە بي كوشەسىنەن شىعىس اينالما جولىنا دەيىن، شاج بويىمەن ٴال-فارابي داڭعىلىنان يندۋستريالدى ايماققا دەيىن)

• 11:00 – 14:30 – يندۋستريالدى ايماق

• 13:30 – 14:30 – مومىش ۇلى بويىمەن «الماتى ارەناعا دەيىن» جانە «الماتى ارەنانىڭ» ىشكى اۋماعىندا مارەگە جەتەدى.

2 كەزەڭ ( 2017 جىل 1 قازان)

• 09:45 – 10:05 - تالعار تراكتى بويىمەن «حالىق ارەنادان» باستالاتىن جارىسقا دەيىن

• 10:00 – 14:00 – شىعىس اينالما جولى بويىمەن – تۇڭعىش پرەزيدەنت ساياباعى

• 12:40 – 14:40 - دوستىق داڭعىلى بويىمەن «مەدەۋ» مۇز ايدىنىنداعى مارەگە دەيىن

«قالانى، جارىس باعىتتارىن، لوگيستيككانى جانە جارىسقا قاتىسۋشىلاردىڭ قوزعالىس سىزباسىن، القالى بايگەگە دايىندىق بارىسىن زەرتتەي كەلىپ ورتالىق ازيادا وسىنداي سپورتتىق جوبا بويىنشا بالامانىڭ جوق ەكەنىن تولىق سەنىممەن ايتا الامىن»، - دەپ اتاپ ٴوتتى «تۋر الماتىنىڭ» تەحنيكالىق ديرەكتورى پەر حاتسەباۋت.

جارىس اياسى بارىسىندا جانكۇيەلەر جانە بارلىق فاناتتار ٴۇشىن astana pro team ۆەلوسپورتشىلارىمەن 28 قىركۇيەكتە سپرينتەرلىك جۇگىرۋ، كونكۋرستار مەن اۆتوگراف-سەسسيالار ۇيىمداستىرىلادى. 29 قىركۇيەكتە كوماندالار رەسمي تانىستىرىلادى جانە جارىسقا قاتىسۋشىلار اشىق جاتتىعۋلار وتكىزەدى.

«مەن بەسىنشى، مەرەيلى جارىس ٴوز مارتەبەسىنە جەتتى دەپ ويلايمىن. ۆەلوسيپەد جارىسى جونىندە دامىعان مادەنيەتى، قوعامداستىعى بار الماتى ٴۇشىن وسىناۋ القالى جارىس وتە ماڭىزدى» - دەپ اتاپ ٴوتتى قازاقستاننىڭ ۆەلوسپورت فەدەراسياسىنىڭ ۆيسە-پرەزيدەنتى امانبەك كۋلچيكوۆ.

الماتى اكىمدىگىنىڭ ٴباسپاسوز قىزمەتى ٴمالىم ەتكەندەي، ۆەلوجارىس «eurosport» تەلەارناسى ارقىلى تىكەلەي ەفيردەن كورسەتىلەدى.



ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

سسىلكي پو تەمە:
كوممەنتاريي