BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

الماتىدا تاعى ٴبىر تەگىن مۇز ايدىنى اشىلدى

الماتىنىڭ اۋەزوۆ اۋدانىندا ورنالاسقان «دۋبوك» ىقشام اۋدانىندا جاپپاي سىرعاناۋعا ارنالعان بەسىنشى تەگىن مۇز ايدىنى اشىلدى، دەپ حابارلايدى baq.kz اقپارات اگەنتتىگى.

بۇل سىرعاناق الماتىلىقتار مەن قالا قوناقتارى ٴۇشىن ەكى تەحنيكالىق ۇزىلىسپەن (مۇزعا بايلانىستى) تاۋلىك بويى تەگىن جۇمىس ىستەيدى. سونىمەن قاتار، الاڭ كونكيلەردى جالعا بەرۋ جانە تاماقتانۋ ورتالىقتارىمەن قامتاماسىز ەتىلگەن. ولار دەمالىس كۇندەرى 11:00-دەن 23:00-گە دەيىن، ال جۇمىس كۇندەرى 12:00-دەن 22:00-گە دەيىن ىستەيدى. كونكيدى 1 ساعاتقا جالعا الۋ 600 تەڭگەنى قۇراسا، قوناقتار ٴوز كونكيلەرىمەن كەلىپ تەگىن سىرعاناۋعا مۇمكىندىك الادى.

- كەشكە جاقىن بۇل جەر وتە ادەمى بولادى. جان-جاعىندا پروجەكتورلارمەن كىشكەنتاي شامدار ورناتىلعان. ال، باسقا ايدىنداردا ٴقازىر حالىق سانى ارتۋدا. الدىڭعى دەمالىستاردا قر تۇڭعىش پرەزيدەنتى ساياباعىندا سىرعاناققا 1200-دەي ادام كەلسە، ارباتتاعى سىرعاناققا 900-گە جۋىق ادام كەلگەن. بۇل كورسەتكىشتەر ٴالى دە وسەدى دەگەن سەنىم بار، - دەيدى aksays ice كومپانياسىنىڭ باسشىسى مۇحامەدجان وسەر.

ەستەرىڭىزگە سالا كەتسەك، جەلتوقساننىڭ ٴ1-ى كۇنى وسىنداي تەگىن مۇز ايدىندارى جىبەك جولى - ابىلاي حان كوشەسىندە جانە قازاقستاننىڭ تۇڭعىش پرەزيدەنتى ساياباعىنىڭ الدىندا اشىلعان بولاتىن. سونىمەن قاتار، جاقىندا «مارت» ساۋدا ورتالىعى ماڭىندا جانە سپارتاك ستاديونىندا ەكى سىرعاناق ىسكە قوسىلدى.

ايتا كەتەر جايت، بارلىق مۇز ايدىندارى جاڭا جىلدىق بەزەندىرۋ ستيلىندە راسىمدەلگەن. جاقىن ارادا تەگىن مۇز الاڭدارى بوستاندىق اۋدانىندا "ۆيللا دەي فيوري" كەشەنىنىڭ ماڭىندا، الاتاۋ جانە ناۋرىزباي اۋداندارىندا ىسكە قوسىلماق.

اتالعان مۇز ايدىندار تەك جاپپاي سىرعاناۋعا ارنالعان. ولار قىس مەزگىلىنىڭ سوڭىنا دەيىن جۇمىس ىستەيدى. جوبا ۇيىمداستىرۋشىسى الماتى قالاسىنىڭ اكىمدىگى بولىپ تابىلادى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي