BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

الماتىدا تاعى ٴبىر اۆتوبۋس باعىتى جاڭارادى

الماتى، baq.kz. قالادا كولىك رەفورماسى اياسىندا جىلجىمالى قۇرامدى جاڭارتۋ جانە باعىتتار جەلىسىن كوبەيتۋ ودان ٴارى جالعاسۋدا. جۇمىس ساپارى كەزىندە الماتى اكىمى باۋىرجان بايبەك №141 باعىتتى جاڭارتۋ ٴۇشىن جەكە تاسىمالداۋشى ساتىپ العان جاڭا اۆتوبۋستاردى كوردى.

بۇل باعىت بويىنشا 12 مەترلى تومەن ەدەندى اۆتوبۋستار جۇرەدى، ولاردىڭ بارلىعى كونديسيونەرلەرمەن، ەڭكەيگىش جۇيەسىمەن جابدىقتالعان جانە ەۆرو-5 ەكولوگيالىق سىنىبىنا ساي.


جاڭا اۆتوبۋستار بيىلعى جىلدىڭ 30 جەلتوقسانىندا جولعا شىعىپ، اينابۇلاق ىقشام اۋدانى مەن «موست» ايالداماسىنىڭ اراسىن قامتيدى. باعىتتىڭ بارلىق جۇرگىزۋشىلەرى ٴبىرىڭعاي جاڭا فورما كيگەن. كيىمنىڭ قىسقى ۆاريانتى شالباردان، ۇزىن جەڭدى جەيدەدەن، سۆيتشوت نەمەسە پۋلوۆەردەن جانە جىلى كۋرتكادان تۇرادى.
جالپى، بيىلعى جىلى قالا بويىنشا 479 جاڭا اۆتوبۋستار الىندى، كەلەر جىلى تاعى 600 اۆتوبۋس الۋ جوسپارلانعان، ولاردىڭ باسىم بولىگى بيۋدجەتتەن تىس قارجى ەسەبىنەن ساتىپ الىنۋدا.

ەسكە سالساق، بۇرىندارى brt جەلىسى ايالدامالارىندا پايدا بولعان العاشقى ەلەكتروندى تابلولاردان باعىت ٴنومىرى جانە قوعامدىق كولىكتىڭ ايالداماعا قاي ۋاقىتتا جەتەتىنى تۋرالى اكتۋالدى حابارلامانى وقۋعا بولاتىندىعى ايتىلعان ەدى. بۇل جوبا دا بيۋدجەتتەن تىس قارجى ەسەبىنەن ىسكە اسۋدا.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي