BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

الماتىدا «قازاق مەملەكەتتىگىنىڭ فورمۋلاسى» مونوگرافياسىنىڭ تانىستىرىلىمى ٴوتتى

بۇگىن الماتى قالاسىنداعى «عىلىم ورداسى» ورتالىق عىلىمي كىتاپحاناسىندا تاريح عىلىمدارىنىڭ دوكتورى، پروفەسسور ورازبايەۆا التايى يرانبەكقىزىنىڭ «قازاق مەملەكەتتىگىنىڭ فورمۋلاسى» اتتى مونوگرافيانىڭ تانىستىرىلىمى ٴوتتى، دەپ حابارلايدى baq.kz اقپارات اگەنتتىگى.

تاريح عىلىمدارىنىڭ دوكتورى، م.ۆ.لومونوسوۆ اتىنداعى ماسكەۋ مەملەكەتتىك ۋنيۆەرسيتەتىنىڭ قازاقستاندىق فيليالىنىڭ الەۋمەتتىك-گۋمانيتارلىق كافەدراسىنىڭ پروفەسسورى ورازبايەۆا التايى يرانبەكقىزىنىڭ «قازاق مەملەكەتتىگىنىڭ فورمۋلاسى» اتتى مونوگرافياسى 2017 جىلدىڭ قازانىندا ماسكەۋدىڭ «press-book.ru باسپاسىندا جارىق كوردى.

مونوگرافيادا قازاق مەملەكەتتىگى گەنەزيسى مەن ەۆوليۋسياسىنىڭ ىلىمدىك-ادىسنامالىق ماسەلەلەرىنە تالداۋ جاسالعان. اتاپ ايتساق، مەملەكەتتىلىك ۇعىمىنا قاتىستى ونتولوگيالىق بولىپ تانىلاتىن: «تەرريتوريا»، «الەۋمەتتىك كەڭىستىك»، «سوعىس»، «بيلىك»، «سيمۆوليزم»، «ارحەتيپ» جانە ت.ب. كاتەگوريالار نەگىزىندە، قازاق ۇلتتىق مەملەكەتتىگىنىڭ ىشكى تابيعاتى مەن ساياسي مادەنيەتتىڭ قالىپتاسۋ سەبەپتەرىنە، ونىڭ گەوساياسي، ساياسي-قۇقىقتىق، الەۋمەتتىك-مادەني اسپەكتىلەرىنە عىلىمي زەرتتەۋ جۇرگىزىلگەن.

كىتاپتىڭ تۇساۋكەسەر رəسىمىنە جەتەكشى عالىمدار، عىلىمي قىزمەتكەرلەر، سونىمەن قاتار الماتى قالاسىنىڭ جوعارعى وقۋ ورىندارىنىڭ پروفەسسورلارى مەن وقىتۋشىلارى، باق وكىلدەرى قاتىستى.

كەشتى تاريح عىلىمدارىنىڭ دوكتورى، پروفەسسور əبۋسەيىتوۆا مەرۋەرت قۋاتقىزى اشىپ، ۇلتتىق تاريحقا قوسىلعان سۇبەلى ەڭبەكپەن وقىرمانداردى قۇتتىقتادى.

ش.ۋəليحانوۆ اتىنداعى تاريح جانە ەتنولوگيا ينستيتۋتىنىڭ ديرەكتورى زيابەك قابىلدينوۆ «قازاق مەملەكەتتىگىنىڭ فورمۋلاسى» كىتابىنىڭ قۇندىلىقتارىنا توقتالىپ ٴوتتى.

«قازاق مەملەكەتتىگىنىڭ تالاي مىڭ جىلدار بولعان ٴدəستۇرىن سيپاتتاپ، ۇلى دالانىڭ ديپلوماتياسىنان ٴسوز قوزعاپ، قازاقتىڭ بيلەر سوتى، ەسىم حان، قاسىم حان، تəۋكە حانداردىڭ قازاققا سالىپ بەرگەن əدەمى جولىن كورسەتە وتىرىپ، ۇلتقا قاجەت ۇلكەن ەڭبەك جازىپ شىققان قازاقتىڭ قايسار قىزى، تاريحشى - عالىم التايى ورازبايەۆاعا ريزاشىلىقپەن راقمەتىمدى ايتامىن»، - دەدى ز.قابىلدينوۆ.

سونداي-اق، جيىنعا جازۋشى سوۆەتحان عابباسوۆ، شىعىستانۋ ينستيتۋتى ديرەكتورىنىڭ ورىنباسارى عالىمجان دۇيسەن، قىتايتانۋشى جانىمحان وشان كىتاپ اۆتورىنىڭ ەڭبەگىنە ريزاشىلىقتارىن ٴبىلدىرىپ، شىعارماشىلىق تابىستار تىلەدى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي