BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

الماتىدا حالىقتى «جيھادقا» شاقىرعاندار شابۋىل ۇيىمداستىرماق بولعان

حالىقتى قارۋلى «جيھادقا» شاقىرعان توپتىڭ مۇشەلەرى پوليسەيلەرگە شابۋىل جاساۋدى جوسپارلاعان، دەپ حابارلايدى baq.kz اقپارات اگەنتتىگى.

بۇل تۋرالى الماتى قالالىق ٴىىد ٴباسپاسوز قىزمەتى ٴمالىم ەتتى.

الماتى قالالىق ٴىىد 25 قاراشادان بەرى ا.جۇماعۇلوۆ، و.ٴومىروۆ جانە ك.ابىشەۆكە قاتىستى قر قك 256 بابى 2 ٴبولىمى بويىنشا قىلمىستىق ٴىستى تەرگەۋدە.

«تەرگەۋ بارىسىندا ا. جۇماعۇلوۆ باستاعان توپ مۇشەلەرى پوليسەيلەرگە شابۋىل جاساۋدى جوسپارلاعانىن مويىندادى. ولار قۇقىق قورعاۋشىلاردىڭ وتباسىلارىن تەلەفون ارقىلى قورقىتۋدى جوسپارلاعان. سونداي-اق، قورقىتۋ نيەتىندە مەملەكەتتىك ورگان جەتەكشىلەرىنە بەتپەردە كيىپ، ۆيدەوۇندەۋ جولداماق بولعان. ا.جۇماعۇلوۆ قىلمىستىق توپ قۇرىپ، جەكە كاسىپكەرلەردەن اقشا بوپسالاۋدى دا جۇزەگە اسىرعىسى كەلگەن. سودان سوڭ قىرعىزستاننان زاڭسىز قارۋ ساتىپ الىپ، ٴتارتىپ ساقشىلارىنا شابۋىل جاساۋدى كوزدەگەن. سونىمەن قاتار، قۇقىق قورعاۋ ورگاندارىنا ۇستالىپ قالعان جاعدايدا بار كىنانى ٴوزىنىڭ موينىنا الاتىن ادام ىزدەگەن»، - دەلىنگەن الماتى قالاسىنىڭ ٴىىد حابارلاماسىندا.

ەسكە سالا كەتسەك، 29 قازاندا اتالعان تۇلعالار 2 ايعا تەرگەۋ يزولياتورىنا قامالعان بولاتىن.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي