BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

الماتىدا فۋرمانوۆ كوشەسى نۇرسۇلتان نازاربايەۆ اتىنداعى داڭعىل بولىپ وزگەرتىلدى

الماتىنىڭ فۋرمانوۆ كوشەسى نۇرسۇلتان نازاربايەۆ اتىنداعى داڭعىل بولىپ وزگەرتىلەدى، دەپ حابارلايدى baq.kz اقپارات اگەنتتىگى.

بۇگىن vi شاقىرىلىمداعى الماتى قالاسى ٴماسليحاتىنىڭ سەسسياسى بارىسىندا مەگاپوليس تۇرعىندارىنىڭ كوپتەگەن ۇسىنىستارىن ەسكەرە كەلىپ جانە قالالىق ونوماستيكا كوميسسياسىنىڭ، قر ۇكىمەتى جانىنداعى رەسپۋبليكالىق ونوماستيكا كوميسسياسىنىڭ كەلىسىمىمەن الماتىنىڭ باستى كوشەلەرىنىڭ بىرىنە قازاقستان رەسپۋبليكاسى تۇڭعىش پرەزيدەنتى – ەلباسى نۇرسۋلتان ٴابىش ۇلى نازاربايەۆتىڭ ەسىمىن بەرۋ تۋرالى شەشىم قابىلداندى.

سەسسيا بارىسىندا الماتى اكىمى ونوماستيكالىق كوميسسياعا قايتالاناتىن 112 كوشەنىڭ اتاۋلارىن وزگەرتۋ تۋرالى زيالى قاۋىم وكىلدەرىنەن، ۇەۇ-دان، قالا تۇرعىندارى مەن اسىرەسە جاستاردان مەگاپوليستىڭ باستى كوشەلەرىنىڭ ٴبىرى فۋرمانوۆ كوشەسىنە ەلباسى ەسىمىن بەرۋ جونىندە كوپتەگەن ۇسىنىستار تۇسكەنىن اتاپ ٴوتتى.

«ٴبىز بيىل استانانىڭ 20 جىلدىعىن مەرەكەلەيمىز. ەگەر ەسكە الاتىن بولساق، تاريحتىڭ ٴوزى استانانى كوشىرۋ تۋرالى ەلباسى شەشىمىنىڭ بارىنشا كورەگەندى، ٴارى دۇرىس ەكەنىن دالەلدەدى. سونىڭ ارقاسىندا ەۋرازيا ورتالىعىندا جاڭا زاماناۋي قالا پايدا بولدى جانە ەلىمىزدىڭ ىسكەرلىك ورتالىعى رەتىندە الماتى جاڭا سەرپىنمەن دامي باستادى. تاريحي ماڭىزى زور شەشىم مەن پرەزيدەنتتىڭ ەكونوميكالىق رەفورمالارى ٴوزارا ۇشتاسىپ، جەكە باستامالاردى ىنتالاندىردى، كاسىپكەرلىك رۋحتى دامىتتى. بۇگىنگى كۇنى الماتى – وڭىرلىك تارتىلىس كۇشى، ورتالىق ازيانىڭ ٴىرى مەگاپوليسى»، - دەدى باۋىرجان بايبەك.

ول ەلباسىنىڭ تۇراقتى قولداۋى ارقاسىندا جۇرگىزىلگەن جۇيەلى رەفورمالار بارىسىندا قالا ەكونوميكاسىنىڭ 100 ەسە وسكەنىن، شاعىن جانە ورتا بيزنەس قاتارىنىڭ 130 ەسە كوبەيگەنىن ايتتى. ەگەر سوناۋ 90 جىلدارى الماتى ٴىجو وننان ٴبىر بولىگىن عانا بەرسە،بۇگىنگى تاڭدا مەگاپوليس ەكونوميكانىڭ بەستەن ٴبىر بولىگىن قامتاماسىز ەتۋدە، جالپى ەلىمىزدىڭ مۇنايدان تۇسەتىن سالىعىنىڭ تورتتەن ٴبىرىن بەرۋدە، مۇندا شاعىن جانە ورتا بيزنەستىڭ بارلىق ٴونىمىنىڭ تورتتەن ٴبىرى شىعارىلۋدا.

«ٴدال وسى قالادا ەلباسىنىڭ باستاماسىمەن كونستيتۋسيانى قابىلداۋ، ۇلتتىق ۆاليۋتانى ەنگىزۋ، قارۋلى كۇشتەردى قۇرۋ، مەملەكەتتىك رامىزدەردى بەكىتۋ، سەمەي پوليگونىن جابۋ سيقياتى تاريحي ىستەر جۇزەگە استى. سوندىقتان الماتىدا مۇنداي شەشىمنىڭ قابىلدانۋى وتە ورىندى»، - دەدى مەگاپوليس اكىمى.

ايتا كەتەرلىگى،وسىدان 10 جىل بۇرىن قازاقستان پرەزيدەنتى نازاربايەۆتىڭ ەسىمى يوردانيانىڭ اممان قالاسىنداعى جانە شەشەن رەسپۋبليكاسىنىڭ گروزنىي قالاسىنداعى كوشەلەردىڭ بىرىنە بەرىلگەن بولاتىن. بۇلاردان وزگە، قازاقستاننىڭ تۇڭعىش پرەزيدەنتىنىڭ ەسىمىمەن تۇركيانىڭ بىرنەشە قالالارىنىڭ كوشەلەرى اتالادى، تاتارستان استاناسى قازانننىڭ ماگيسترالدى كوشەسىنە ەلباسى ەسىمى بەرىلگەن.

قالا ٴماسليحاتىنىڭ دەپۋتاتى، «احىسكا» تۇرىك ۇلتتىق ورتالىعىنىڭ پرەزيدەنتى زياتدين كاسانوۆتىڭ پىكىرىنشە، ەلىمىزدىڭ تۇڭعىش پرەزيدەنتى نۇرسۇلتان نازاربايەۆتىڭ ومىرشەڭ باستامالارى ارقاسىندا قازاقستان حالىقارالىق قوعامداستىققا تانىمال بولدى.

«پرەزيدەنتتىڭ جەكە بەدەلى ارقاسىندا قازاقستان مەملەكەتارالىق داعدارىستاردى شەشۋدە ماڭىزدى سەرىكتەس بولۋدا. ونىڭ ۇستىنە، نۇرسۇلتان ٴابىش ۇلى اتوم قارۋىنان ٴوز ەركىمەن باس تارتىپ، سەمەي پوليگونىندا سىناق جاساۋدى مۇلدەم توقتاتىپ، ٴوزىن الەمدە يادرولىق قارۋدى تاراتپاۋ جانە جويۋ جونىندە بارىنشا بەلسەندى ساياساتكەر رەتىندە كورسەتتى. مەن ارىپتەستەرىمنىڭ ۇسىنىسىن تولىق قولدايمىن جانە فۋرمانوۆ كوشەسىنىڭ اتاۋىن وزگەرتۋدى دۇرىس، ٴارى زاماناۋي شەشىم دەپ ەسەپتەيمىن»، - دەدى ول.

ٴوز كەزەگىندە ٴماسليحات دەپۋتاتى، «الماتى اقشامى» گازەتىنىڭ باس رەداكتورى قالي سارسەنباي بۇل تاريحي شەشىمدى قالا تۇرعىندارىنىڭ ۇزاق كۇتكەنىن ايتتى.

«ٴبىز قاسيەتتى جەرىمىز ٴۇشىن قان توككەن اتا- بابالارىمىزدى ٴقادىر تۇتامىز، ال زاماناۋي ومىردە قازاقستاننىڭ تاۋەلسىزدىگى ٴۇشىن كۇرەسكەن، مەملكەتىمىزدىڭ نەگىزىن قالاعان، الەمدىك ارەناعا وتانىمىزدىڭ اتىن شىعارعان، ارينە، تۇڭعىش پرەزيدەنتىمىز نۇرسۇلتان ٴابىش ۇلى. ٴبىزدىڭ مىندەتىمىز ونىڭ قايراتكەرلىگىن ۇلىقتاۋ، بۇل - تەك قانا مەنىڭ پىكىرىم ەمەس، گازەت رەداكسياسىنا كۇن سايىن كەلىپ ٴتۇسىپ جاتقان كوپتەگەن قالالىقتاردىڭ ىزگى نيەتى. بۇل ٴبىزدىڭ تاۋەلسىزدىككە، مەملەكەتىمىزگە، ۇرپاعىمىزعا دەگەن قۇرمەتىمىز»، - دەدى قالي س.

قالا ٴماسليحاتىنىڭ دەپۋتاتى، «يلداش» تاتار گۋمانيتارلىق ورتالىعىنىڭ ٴتورايىمى نۋريا نيازوۆا قازاقستاننىڭ باستى جەتىستىگى تۇراقتىلىق، كەلىسىم، بەيبىتشىلىك پەن دوستىق ەكەنىن اتاپ ٴوتتى.

«وسىناۋ ومىرلىك جەتىستىكتەرگە ٴبىزدىڭ مەملەكەت باسشىسىنىڭ ساليقالى ىشكى جانە سىرتقى ساياساتى ارقاسىندا قول جەتكىزدىك. بەيبىتشىلىك، كەلىسىم، بىرلىك ارقاسىندا ەلىمىز دامىدى، حالىقتىڭ تۇرمىسى جاقساردى بۇل تۋرالى پرەزيدەنت ۇنەمى ايتىپ كەلەدى. ٴبىزدىڭ قالامىز ەتنيكاارالىق كەلىسىم بويىنشا ەلباسى مودەلىنىڭ جارقىن ۇلگىسى. تاتۋمىز، بىرگە تۇرىپ، بىرگە جۇمىس ىستەيمىز. سونىڭ ارقاسىندا قالامىز تارتىمدى بولىپ، ٴتۇرلى ۇلت وكىلدەرى مەن ٴارتۇرلى ٴدىني سەنىمدەگى جاندار قالامىزعا كەلۋدە، ٴبىلىم الۋدا، ەڭبەك ەتۋدە. ولار وزدەرىن بارىنشا جايلى سەزىنىپ، بولاشاقتارىنا باتىل قادام جاساۋدا. سوندىقتان كوشە اتاۋىن وزگەرتۋدى دۇرىس شەشىم دەپ ەسەپتەيمىن»، - دەدى ن.نيازوۆا.

وسىلايشا، الماتى قالاسى ٴماسليحاتى دەپۋتاتتارىنىڭ ٴبىراۋىزدان قابىلدانعان شەشىمىمەن فۋرمانوۆ كوشەسى قازاقستان رەسپۋبليكاسىنىڭ تۇڭعىش پرەزيدەنتى –ەلباسى نۇرسۇلتان ٴابىش ۇلى نازاربايەۆ اتىنداعى داڭعىل دەپ اتالدى.

ەسكە سالساق، الماتىدا بۇرىندارى ٴبىرىن- ٴبىرى قايتالايتىن 100 كوشەلەر اتاۋى وزگەرگەن بولاتىن. قالاعا قوسىلعان ەلدى مەكەندەردى ەسەپتەگەندە مەگاپوليستە اباي اتىندا - 12. م. اۋەزوۆ اتىندا -3، ج. جابايەۆ اتىندا -13، قۇرمانعازى اتىندا -6، تولە بي اتىندا - 5، قازىبەك بي اتىندا- 3، ايتەكە بي اتىندا -3، رايىمبەك باتىر اتىندا -8، ناۋرىزباي باتىر اتىندا – 4، قاراساي باتىر اتىندا – 8، بايتۇرسىنوۆ اتىندا – 4، س. سەيفۋللين اتىندا- 5، ٴا. مولداعۇلوۆا اتىندا – 6، م. مامەتوۆا اتىندا 6 كوشە اتالعان ەكەن.

الماتىدا 42 كوشە ەلىمىزدىڭ دامۋىنا ۇلەس قوسقان قايراتكەرلەر ەسىمىن يەلەنسە، قالعاندارى گەوگرافيالىق اتاۋعا، قازاقستاننىڭ تاريحى مەن مادەنيەتىنە، داستۇرىنە وراي اتالعان ەكەن.

مىسالى، ش.ايتماتوۆ، گ.بەلگەر، ت.بيگەلدينوۆ، ە.سەركەبايەۆ، ق.كەنجەتايەۆ، س.كالمىكوۆ، ق.مىرزاليەۆ، الماتى اپورتىنىڭ «اكەسى» اتانعان ە.رەدكو جانە باسقالاردىڭ ەسمىدەرىن العان كوشەلەر پايدا بولادى.

قالالىقتارعا ەش جايسىزدىق تۋمايدى. مەملەكەتتىك ورگاندار بازادا كوشە اتاۋى وزگەرتكەن سوڭ قاجەتتى بارلىق انىقتامالاردى ەسپ-تى پايدالانىپ ەلەكتروندى ۇكىمەت پور الىنىن نەمەسە حقكو-نان بىرنەشە مينۋت ىشىندە الۋعا بولادى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي