BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

الماتىدا ەنەرگيا جيناقتايتىن جارىق شامدارى 200 كوشەگە ورناتىلۋدا

استانا، baq.kz. جايلى جانە ٴقاۋىپسىز قالا كەڭىستىگىن قالىپتاستىرۋ ماقساتىندا جارىق كوزدەرىن جاڭارتۋ جانە مەگاپوليستىڭ ايشىقتى عيماراتتارىنا ارحيتەكتۋرالىق نۇرلاندىرۋ جۇمىستارىن جۇرگىزۋ ودان ٴارى جالعاسۋدا. بۇل تۋرالى الماتى قالاسى اكىمىنىڭ ٴباسپاسوز قىزمەتى حابارلايدى.

مەملەكەتتىك-جەكەشەلىك ارىپتەستىك اياسىندا كەلەر جىلدان باستاپ 1375 كم سىرتقى جارىق جەلىسىن نەمەسە 45 مىڭ شامدار مەن 42 مىڭ باعانالاردى جاڭارتۋ جوسپارلانعان. ٴقازىردىڭ وزىندە گازبەن زاريادتالعان جارىق كوزدەرى جاڭا ديودتى شامدارعا اۋىستىرىلۋدا، قالانىڭ بارلىق اۋداندارىندا 200-دەن استام كوشەگە سىرتقى جارىقتىڭ جاڭا جەلىسى تارتىلادى.

تەك قايتا جاڭارعان اباي، ابىلاي حان جانە نازاربايەۆ داڭعىلدارىندا ديودتى شامدارى بار 700-دەن استام باعانا اۋىستىرىلدى. ايتا كەتەرلىگى، جارىق كوزدەرى قالانىڭ ورتالىعىندا عانا ەمەس، ەكىنشى دەڭگەيلى كوشەلەرىندە دە قولعا الىنعان. مىسالى، الاتاۋ اۋدانىنىڭ 33، اۋەزوۆ اۋدانىنىڭ 64، تۇركسىب اۋدانىنىڭ 39، بوستاندىق اۋدانىنىڭ 12، ناۋرىزباي اۋدانىنىڭ 8، جەتىسۋ جانە مەدەۋ اۋداندارىنىڭ ٴارقايسىسىنىڭ 32 كوشەلەرىنىڭ جارىق جەلىلەرى جاڭاردى.

قايتا جاڭارعان 1400 اۋلالارعا دا جاڭا جارىق كوزدەرى ورناتىلدى. كەلەر جىلى تاعى 600 اۋلا جارىقتاندىرىلادى جانە اباتتاندىرىلادى.

ەسكە سالساق، جاڭا ديودتى شامدار ەنەرگيانى ۇنەمدەيدى، بۇلاردا زالالدى زاتتار جوق، مىقتى ٴارى جارىقتى جاقسى بەرەدى. ديسپەتچەرلىك قىزمەتتىڭ جۇمىسىن جانداندىرۋ، باسقارۋ جۇيەلەرىندە ٴسونىپ قالۋدى بولدىرماۋ ٴارى ٴبىر كوماندا بويىنشا قالادا جارىقتى ٴبىر مەزگىلدە بەرىپ، وشىرەتىن باعدارلاما جاسالدى.

قالانىڭ ايشىقتى عيماراتتارىن جارىقپەن نۇرلاندىرۋ جالعاسۋدا. تۇنگى نۇرلاندىرۋ ارقاسىندا قازاق-نەمىس ۋنيۆەرسيتەتىنىڭ نىسانى ەرەكشە كورىنەتىن بولدى.

بۇرىندارى ٴبىرىڭعاي ارحيتەكتۋرالىق ٴستيلدى قالىپتاستىرۋ بارىسىندا قالانىڭ 130-دان استام عيمارتتارى، نىساندارى، لاندشافتارى تۇنگى نۇرعا بولەندى. ولاردىڭ اراسىندا رەسپۋبليكا سارايى، تاۋەلسىزدىك مونۋمەنتى، داڭق مەموريالى، كوكتوبە تەلەمۇناراسى، اباي اتىنداعى ماتوب، اۋەزوۆ جانە لەرمونتوۆ تەاترلارى، قاستەەۆ مۋزەيى، ىقىلاس اتىنداعى حالىق اسپاپتارى مۇراجايى، ورتالىق مەشىت، سۆياتو-ۆوزنەسەنسك كافەدرالدى سوبورى، «قازاقستان» قوناق ٴۇيى بار. بارلىق جوبالار بيۋدجەتتەن تىس قارجى ەسەبىنەن جۇزەگە اسۋدا.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

سسىلكي پو تەمە:
كوممەنتاريي