BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

الماتى وبلىسىندا تاۋەلسىزدىك كۇنىنە وراي 35 نىسان پايدالانۋعا بەرىلەدى

تالدىقورعان، baq.kz. الماتى وبلىسىندا 16 جەلتوقسان - تاۋەلسىزدىك كۇنىنە وراي 35 جاڭا نىسان پايدالانۋعا بەرىلەدى. ولاردىڭ قاتارىندا ونەركاسىپ ورىندارى، الەۋمەتتىك نىساندار، جول، تۇرعىن ۇيلەر، قايتا جاڭعىرتىلعان اكىمشىلىك عيماراتتار مەن باسقا دا نىساندار بار.

ەلىمىزدىڭ باستى مەرەكەسى – تاۋەلسىزدىك كۇنىن جەتىسۋلىقتار تولايىم تابىستارمەن، يگى شارالارمەن قارسى الۋدا. بيىلعى جىلعى وسى مەرەكەگە وراي جىل سوڭىنا دەيىن جالپى سانى 35 نىسان اشىلادى. 6 جەلتوقساندا يندۋستريالاندىرۋ كۇنىندە ەلباسىنىڭ قاتىسۋىمەن قاپشاعاي قالاسىندا ونلاين-رەجيمدە ەكسپورتقا باعىتتالعان، قۋاتى 21 ملرد. تەڭگەلىك، 500-دەن استام جۇمىس ورنىن قۇرعان «مارەۆەن فۋد» زاۋىتى ىسكە قوسىلعانى بەلگىلى. جۋىردا تالعار اۋدانىندا «nur kagazy» جشس-نىڭ كارتون-قاعاز ونىمدەرىن شىعاراتىن زاۋىت تا ٴوز جۇمىسى باستادى. سول سياقتى بىرنەشە اۋداندا تۇرعىن ۇيمەن بىرىكتىرىلگەن 15 ۋچاسكەلىك پوليسيا پۋنكتى پايدالانۋعا بەرىلۋدە. وعان قوسا ٴبىرقاتار جەتىسۋلىقتار قونىستويىن تويلاماق. تالدىقورعاندا 64 پاتەرلى، قاپشاعاي قالاسىندا 50 پاتەرلىك، ٴۇشارال قالاسىندا 60 پاتەرلىك، بالپىق بي اۋىلىندا 20 پاتەرلىك جالگەرلىك جانە نەسيەلىك كوپ قاباتتى تۇرعىن ۇيلەر ەل يگىلىگىنە ۇسىنىلىپ وتىر.

سونىمەن قاتار الەۋمەتتىك سالالاردا دا پايدالانۋعا بەرىلەتىن نىساندار بارشىلىق. ەلباسىنىڭ «رۋحاني جاڭعىرۋ» باعدارلاماسى اياسىندا تالعار اۋدانى جاڭالىق اۋىلىندا ساياسي قۋعىن-سۇرگىن قۇرباندارىنا ارنالعان مۋزەي اشىلادى. وبلىستىق كوپ سالالى بالالار اۋرۋحاناسىندا نەونوتالدىق حيرۋرگيا ورتالىعى، تالدىقورعان كوپ سالالى كلينيكالىق اۋرۋحاناسىندا قاتەرلى ىسىكتىڭ الدىن الۋعا جانە ونى ەرتە كەزەڭدە انىقتاۋعا باعىتتالعان سيتۋاسيالىق ورتالىق، ۇيعىر اۋدانى شونجى اۋىلىندا مۇمكىندىگى شەكتەۋلى بالالارعا ارنالعان كۇندىزگى ستاسيونار، قاپشاعاي قالاسىندا № 4 پسيحولوگو-كوررەكسيا كابينەتى، وزگە دە اۋدانداردا قايتا جاڭعىرتىلعان مادەنيەت ٴۇيى، مەملەكەتتىك جانە جەكەمەنشىك بالاباقشالار، دەنە شىنىقتىرۋ-ساۋىقتىرۋ كەشەنى، شاعىن جانە ورتا بيزنەس نىساندارى ەسىكتەرىن ايقارا اشتى.

وسى قاتاردا الاكول اۋدانىنىڭ بەسكول ستانساسىندا جاياۋ جۇرگىنشىلەرگە ارنالعان تەمىر جول وتكەلىن، «الماتى - وسكەمەن» رەسپبليبليكالىق جولىنىڭ 0-16 شاقىرىمداعى اينالما جولىن دا اتاپ وتۋگە بولادى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي