BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

الماتى وبلىسىندا كولىك جۇرگىزۋشىسىنە شابۋىل جاساعان قىلمىستىق توپ ۇستالدى

تالدىقورعان، baq.kz. تالعار اۋداندىق پوليسياسى 25 جاستاعى كولىك جۇرگىزۋشىسىنە شابۋىل جاساپ، ومىرىنە ٴقاۋىپ ٴتوندىرىپ، كولىگىن الىپ كەتتى دەگەن كۇدىكپەن 25-30 جاس ارالىعىنداعى 3 ازاماتتى ۇستادى.

بۇل تۋرالى الماتى وبلىسى پوليسيا دەپارتامەنتىنىڭ ٴباسپاسوز قىزمەتى حابارلادى.

وقيعا تالعار اۋدانىندا ورىن العان. 17 جەلتوقسان كۇنى زارداپ شەگۋشى الماتى كوشەلەرىنىڭ بىرىنەن 3 جىگىتتى كولىگىنە مىنگىزىپ، ايتىلعان جەرگە جەتكىزۋگە كەلىسەدى. دەگەنمەن، كۇدىكتىلەر تالعار اۋدانىنىڭ اۋماعىنا جەتكەندە جۇرگىزۋشىنى قارۋمەن قورقىتىپ، قول-اياعىن بايلاپ، كولىكتىڭ جۇكسالعىشىنا سالعان. كەيىنىرەك، جاڭالىق اۋىلىنىڭ ماڭىندا جول بويىنا تاستاپ كەتكەن.

«اتالعان قىلمىسقا قاتىسى بار تۇلعالاردى انىقتاۋ ماقساتىندا تالعار اۋداندىق پوليسياسىنىڭ جەدەل-ىزدەستىرۋ توبى قۇرىلدى. ىزدەستىرۋ شارالارى بارىسىندا اتالعان كولىك تابىلىپ، وسى قىلمىسقا قاتىسى بار دەگەن كۇدىكپەن 3 ازامات ۇستالدى. ولاردىڭ شولاق مىلتىعى تابىلىپ، تاركىلەندى جانە قىلمىس قۇرالى رەتىندە ٴىس ماتەريالدارىنا تىركەلدى»،- دەپ اتاپ ٴوتتى پوليسيا وكىلدەرى.

سونىمەن قاتار، ۆەدومستۆو تاراتقان اقپاراتقا سايكەس، قر قىلمىستىق كودەكسىنىڭ 192-بابىنا سايكەس قاراقشىلىق دەرەگى بويىنشا سوتقا دەيىنگى تەرگەۋ امالدارى جۇرگىزىلۋدە. كۇدىكتىلەر ۋاقىتشا ۇستاۋ وقشاۋلاعىشىنا قاماققا الىندى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي