الماتى وبلىسىندا بازار ورتەندى

استانا، baq.kz. الماتى وبلىسىندا بازار دۇڭگىرشەكتەرى ورتەندى. قر ٴىىم توتەنشە جاعدايلار كوميتەتى تاراتقان مالىمەت بويىنشا، وقىس وقيعا جامبىل اۋدانى ۇزىناعاش اۋىلىنداعى «دارابوز» بازارىندا بولعان.

«ٴورت تۋرالى حابار 2018 جىلدىڭ 17 قازانىندا ساعات 15:40-تا كەلىپ ٴتۇستى. ونى سوندىرۋگە الماتى وبلىسىنىڭ تجد «ٴورت ٴسوندىرۋ قىزمەتى جانە اپاتتىق قۇتقارۋ جۇمىستارى» مم قىزمەتكەرلەرى جۇمىلدىرىلدى. ٴتىلسىز جاۋ 16:59-دا توقتاتىلدى جانە 17:40-تا تولىق ٴسوندىرىلدى»، - دەپ حابارلادى قر ٴىىم توتەنشە جاعدايلار كوميتەتىنىڭ رەسمي وكىلى نۇرسۇلتان نۇراحمەتوۆ.

ٴورتتىڭ جالپى اۋماعى 168 شارتى مەتردى قۇرادى. سالدارىنان ساۋدا پاۆيلونىنىڭ شاتىرى مەن پلاستيكالىق دۇڭگىرشەكتەر ورتەنگەن. وقيعادان ەشكىم زارداپ شەككەن جوق.

ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!