1635 
0
الماتى، baq.kz. الماتى ليۋبلياندا وتكەن اقىلدى قالالاردىڭ «smart city-2018» ەۋروپالىق فورۋمىندا كولىك جۇيەسىن كەشەندى رەفورمالاۋ بويىنشا ٴبىرىنشى ورىندى يەلەندى.
6563
0 
استانا: 
الماتى، baq.kz. الماتى ليۋبلياندا وتكەن اقىلدى قالالاردىڭ «smart city-2018» ەۋروپالىق فورۋمىندا كولىك جۇيەسىن كەشەندى رەفورمالاۋ بويىنشا ٴبىرىنشى ورىندى يەلەندى.
الەمدىك ەڭ ۇزدىك 50 پراكتيكا مەن يننوۆاسيالىق جوبانىڭ فينالدىق ۇشتىگىنە «انكارا پارك» تۋريستىك جوباسىمەن تۇرىك استاناسى انكارا مەن «ساۆا وزەنىنە تۇرعىنداردىڭ ورالۋى» باعدارلاماسىمەن حورۆاتتىڭ زاگرەب قالاسى دا ەندى.
كونكۋرس كوميتەتى الماتىنىڭ قوعامدىق كولىكتەگى تابىستىڭ اشىقتىعىنا سيفرلىق تەحنولوگيانى پايدالانۋى، ونىڭ ارتۇرلىگى مەن قولجەتىمدىلىگى، ساراپشىلار مەن بيزنەستىڭ قاتىسۋى، ٴمجا مەحانيزمىنىڭ ۇتىمدى قولدانىلۋى، ەكولوگيانى جاقسارتۋعا باسىمدىلىق بەرۋى سىندى باستى كريتەرييلەردى اتاپ ٴوتتى.
ايتا كەتەرلىگى، بيىل قالادا اۆتوبۋس پاركتەرىن جاڭارتۋ دەڭگەيى 80%-عا جەتەتىن بولادى. جەكە ينۆەستيسيا ەسەبىنەن ٴۇشىنشى بۋىنداعى ەلەكتروبۋستار شىعاراتىن اۆتوبۋس پاركى مەن زاۋىت سالىندى. ەلەكتروبۋستاردى قالا باعىتتارى بويىنشا جۇرگىزۋ مەگاپوليس ەكولوگياسىنا وڭ اسەر ەتەدى.
ەلىمىزدە العاش رەت brt جۇيەسى ىسكە استى، قوعامدىق كولىك ٴۇشىن 110 كم ارنايى جولاقتار جاسالدى، قالانىڭ 10 ورتالىق كوشەسىنە ٴبىرجاقتى كولىك قوزعالىسى ەنگىزىلدى، وربيتادان كوكبازارعا دەيىن ۆەلودالىز جاساقتالدى.مەترونىڭ ەكى بەكەتىنىڭ قۇرىلىسى جۇرۋدە، ول قالانى تىنىش اۋداندارمەن جانە كەيىن قوسىلعان ەلدى مەكەندەرمەن بايلانىستىراتىن بولادى.
قازىرگى كەزدە الماتىداعى قوعامدىق كولىكتەردە بارلىق ترانزاكسيالاردىڭ 97 پايىزى قولما-قول اقشاسىز جۇزەگە اسۋدا، gps-جۇيەسى ارقىلى ديسپەتچەرلىك باسقارۋدىڭ اۆتوماتتى جۇيەسى جۇمىس ىستەۋدە، بارلىق اۆتوبۋستارعا ۆيدەوكامەرالار ورناتىلعان، تاسىمالداۋشىلاردى سۋبسيديالاۋعا قاتىستى جولاۋشىلاردىن تۇسكەن شاعىم بويىنشا ايىپپۇل سالۋ جۇيەسى قولعا الىندى.
قالادا جكا-نا قاتىستى فوتو-ۆيدەوفيكساسيا جۇيەسى جۇمىس ىستەيدى، 709 قوزعالىس جولاعى باقىلاۋعا الىنعان، كەلەر جىلدان باستاپ باقىلاۋ نۇكتەلەرى ەكى ەسە ارتادى.
كولىك جۇيەسىن رەفورمالاۋدا قالا باسشىلىعى ۇزدىك حالىقارالىق ماماندارمەن بىرىگىپ جۇمىس ىستەۋدە. ولاردىڭ اراسىندا قوعامدىق كولىك كەڭىستىگى مەن كوشەلەردى مودەرنيزاسيالاۋمەن اينالىساتىن «gehl architects»، «تۇراقتى كولىك» جوباسى بويىنشا جۇمىس ىستەيتىن پروون، كولىك قوزعالىسىنىڭ كەشەندى سىزباسىن جاسايتىن «a+s ترانسپروەكت»،«systra» كومپانيالارى جانە الماتىنىڭ شەبەر- جوسپار كونسەپسياسىن جاساۋعا كىرىسكەن كانادالىق- امەريكالىق «hatch» كومپانياسى بار.
ايتا كەتەرلىگى، «smart city» فورۋمى ليۋبلياندا 2011 جىلدان باستاپ ٴوتىپ كەلەدى. ول ەۋروپا مەن ازيا قالالارىمەن ىنتىماقتاستىقتى نىعايتۋعا، «اقىلدى قالالار» سيفرلى ترانفورماسياسىن بىرىگىپ جۇزەگە اسىرۋعا باعىتتالعان.
ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!
