استانا: 
1532 
0
استانا، baq.kz. 2018 جىلدىڭ سوڭىنا دەيىن الماتى قالاسىنداعى بارلىق ەمحانا قاعازسىز فورماتقا كوشەتىن بولادى. بۇل تۋرالى بۇگىن الماتى اكىمى باۋىرجان بايبەكتىڭ قالانىڭ دەنساۋلىق ساقتاۋ قوعامداستىعىمەن كەزدەسۋى بارىسىندا ٴمالىم بولدى.
سوڭعى جىلدارى الماتىدا قالا تۇرعىندارىنىڭ دەنساۋلىعىنا قاتىستى نەگىزگى ينديكاتورلار بويىنشا وڭ ناتيجەلەرگە قولجەتتى، دەنساۋلىق ساقتاۋ ۇيىمدارىن جاڭا زاماناۋي مەديسينالىق تەحنيكامەن قامتاماسىز ەتۋ 80%-عا جەتتى. تۇرعىنداردىڭ 94%-ى ەلەكتروندى پاسپورتپەن قامتىلدى.
«مەملەكەت باسشىسى دەنساۋلىق ساقتاۋ سالاسىنا ۇنەمى ايرىقشا نازار اۋدارادى، بۇل ماسەلە ەلباسىنىڭ حالىققا جولداۋىندا دا كورىنىس تاپقان. پرەزيدەنتتىڭ تاپسىرماسى بويىنشا سىرقاتتى ەمدەۋدىڭ جاڭا ادىستەرىن ەنگىزگەن ۋچاسكەلىك مەديسينا قىزمەتكەرلەرىنىڭ جالاقىسى 1 قاڭتاردان باستاپ بىرتىندەپ 20%-عا وسەدى. تەك الماتىنىڭ وزىندە عانا بۇل شارا جالاقىسى 199 416 تەڭگەگە جەتەتىن ۋچاسكەلىك قىزمەتتىڭ 1028 دارىگەرىن، ەڭبەكاقىسى 130766 تەڭگەگە دەيىن وسەتىن 2400 مەدبيكەنى قامتيدى»، - دەپ اتاپ ٴوتتى باۋىرجان بايبەك.
سونداي-اق، جيىن بارىسىندا قالا اكىمى دەنساۋلىق ساقتاۋ باسقارماسىنىڭ جاڭا باسشىسى رەتىندە قانات توسەكبايەۆتى تاعايىنداپ، كوپشىلىككە تانىستىردى.
اتقارىلعان جۇمىستارعا قاراماستان تۇرعىنداردىڭ قالانىڭ مەديسينالىق ۇيىمدارى كورسەتەتىن قىزمەتتەرگە كوڭىلدەرى تولمايدى. وسىنى ەسكەرە وتىرىپ، الماتى اكىمى دەنساۋلىق ساقتاۋ باسقارماسى جاڭا باسشىسىنىڭ الدىنا ٴپرينسيپتى ٴارى جۇيەلى جۇمىستى قاجەت ەتەتىن ٴبىرىنشى كەزەكتەگى مىندەتتەردى قويدى.
ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!
6536
0